Ջամշեդի Թաթա

Ջամշեդի Թաթա; գուջարաթի՝ જમશેદજી તાતા
Ծնվել է	մարտի 3, 1839
Ծննդավայր	Navsari, Surat district, Բոմբեյի նախագահություն, Հնդկաստանը Բրիտանական ՕՍՏ-հնդկական ընկերության կառավարման ներքո, Բրիտանական կայսրություն
Մահացել է	մայիսի 19, 1904 (65 տարեկան)
Մահվան վայր	Բադ Նաուհայմ, Վետերաու, Դարմշտադտի վարչական շրջան, Հեսսեն
Գերեզման	Բրուքվուդ գերեզմանատուն
Քաղաքացիություն	Բրիտանական կայսրություն
Կրոն	Զրադաշտականություն
Կրթություն	Մումբայի համալսարան և Elphinstone College?
Մասնագիտություն	ձեռնարկատեր
Ամուսին	Hirabai Daboo?
Ծնողներ	հայր՝ Nusserwanji Ratan Tata?, մայր՝ Jeevanbai Tata?
Երեխաներ	Dorabji Tata? և Ratanji Tata?
	Jamsetji Tata Վիքիպահեստում

Ջամշեդի Նասարվանդի Թաթա (անգլ.՝ Jamsetji Nasarwanji Tata, գուջարաթի՝ જમશેદજી તાતા, հինդի՝ जमशेदजी टाटा, մարտի 3, 1839(1839-03-03)^[1], Navsari, Surat district, Բոմբեյի նախագահություն, Հնդկաստանը Բրիտանական ՕՍՏ-հնդկական ընկերության կառավարման ներքո, Բրիտանական կայսրություն - մայիսի 19, 1904(1904-05-19)^[1], Բադ Նաուհայմ, Վետերաու, Դարմշտադտի վարչական շրջան, Հեսսեն), հնդիկ արդյունաբերող և գործարար, Հնդկաստանի արդյունաբերականացման հայրերից մեկը։ Ջամշեդի Թաթան Tata Group-ի հիմնադիրն է եղել, որը ներկայումս Հնդկաստանի ամենամեծ կորպորացիան է։

Կենսագրություն

Ջամշեդի Թաթան ծնվել է հարավային Գուջարաթի մի փոքրիկ քաղաքում՝ պարսիկ ծնողների՝ Նուսերվանջիի և Ջիվանբայ Թաթայի ընտանիքում: Նրա հայրը՝ Նուսերվանջի Թաթան, դարձել է Հնդկաստանի առաջին գործարարը պարսիկ ընտանիքից: Նա ընտրել է Մումբայը՝ առևտրի ոլորտում իր հետաքրքրությունները հետապնդելու համար, որտեղ էլ տեղափոխվել է իր ընտանիքի հետ միասին:

Այդ ժամանակ Ջամշեդի Թաթան 14 տարեկան էր և ընդունվել էր Բոմբեյի Էլֆինսթոուն քոլեջ։ Դեռևս այնտեղ ուսանող լինելով՝ նա ամուսնացել է Հիրաբայ Դաբուի հետ։ 1858 թվականին նա ավարտել է քոլեջը և միացել հոր առևտրային ընկերությանը։ 1868 թվականին Ջ. Թաթան անջատվել է հոր բիզնեսից և հիմնադրել է իր սեփական առևտրային ընկերությունը՝ 21,000 ռուփի սկզբնական կապիտալով։

Հաջորդ տարի նա Չինչպոկլիում գնել է սնանկացած ձիթհան, այն վերածել է բամբակագործարանի, ապա 1871 թվականին այն վաճառել է մեծ շահույթով։ 1874 թվականին նա Նագպուրում կառուցել է մեկ այլ բամբակագործարան և 1877 թվականի հունվարին այն անվանել է «Կայսրուհի գործարան»՝ ի պատիվ Վիկտորյա թագուհու՝ այդ տարի Հնդկաստանի կայսրուհու տիտղոսին արժանանալու։ Այս ձեռնարկության հիմնադրմամբ Ջ. Թատան հիմք է դրել Հնդկաստանում ժամանակակից տեքստիլ արտադրությանը։

«Իմպրեսիա» ջրաղացի կառուցմամբ սկսված ժամանակահատվածը Ջ. Թաթայի կարիերայի ամենահաջողակն էր։ Հենց այդ ժամանակ և հաջորդ 30 տարիների ընթացքում նա դրել է իր ապագա արդյունաբերական կայսրության՝ «Թաթա Գրուպի» հիմքերը։ Գործարարը իր կյանքի նպատակը դրել է Հնդկաստանում երեք կարևոր նպատակների հասնելը.

խոշոր պողպատաձուլական ձեռնարկության հիմնադրումը,
բարձրագույն ուսումնական հաստատության ստեղծումը, որը համեմատելի կլինի արևմտյան լավագույն համալսարանների հետ,
հիդրոէլեկտրակայանի կառուցումը։

Ջ. Թաթան ինքը չի կարողացել հասնել բոլոր երեք նպատակներին, սակայն իր համառության և քրտնաջան աշխատանքի շնորհիվ երեքին էլ հասել են նրա ժառանգները և իրավահաջորդները «Թաթա» արդյունաբերական խմբում։

Tata Steel-ը Ասիայի ամենամեծ և Հնդկաստանի ամենամեծ մասնավոր երկաթի և պողպատի կորպորացիան է, որը տարեկան արտադրել է 4 միլիոն տոննա պողպատ։
Հնդկաստանի գիտության ինստիտուտը (IISc) Բանգալորում գործող կրթական և հետազոտական ինստիտուտ է, որն աշխատանքի է վերցնում 2000 մասնագետի 48 հետազոտական բաժիններում և լաբորատորիաներում։
Tata Power-ը Հնդկաստանի ամենամեծ մասնավոր էլեկտրաէներգիա արտադրող ընկերությունն է, որի ընդհանուր արտադրական հզորությունը կազմում է ավելի քան 2300 ՄՎտ։

Ջ. Թաթայի ամենանշանակալի նախագծերից մեկը 1903 թվականին Բոմբեյում (այժմ՝ Մումբայ) գտնվող պատմական Taj Mahal Palace & Tower հյուրանոցի կառուցումն է։ Հյուրանոցը բացվել է 1903 թվականի դեկտեմբերի 16-ին՝ մոտավորապես 421 միլիոն ռուփի արժեքով։

Ջ. Թատան իր երկրի հայրենասեր էր։ Նա սերտ կապեր էր պահպանում անկախության համար պայքարող ակտիվիստների հետ, ինչպիսիք են Դադաբհայ Նաորոջին և Ֆերոզշահ Մեհտան։ Նա Հնդկաստանի անկախությունը կապում էր ուժեղ ազգային արդյունաբերության և տնտեսական անկախության ստեղծման հետ։

Ջամշեդի Թատան առաջին էթնիկ հնդիկն էր, որը անձնական ավտոմեքենա է ունեցել (1901 թվականին)։ Հնդկաստանով իր շրջագայության ժամանակ Մարկ Տվենը այցելել է Բոմբեյի Ջամշեդի Թաթա քաղաքը։ Ջամշեդպուր քաղաքը անվանակոչվել է Ջամշեդի Թաթայի անունով։

Ծանոթագրություններ

↑ ^1,0 ^1,1 ^1,2 ^1,3 ^1,4 Encyclopædia Britannica
↑ ^2,0 ^2,1 ^2,2 ^2,3 ^2,4 Geni(բազմ․) — 2006.

Գրականություն

R. M. Lala: For the Love of India: The Life and Times of Jamsetji Tata (ISBN 0-670-05782-7)

Վիքիպահեստն ունի նյութեր, որոնք վերաբերում են «Ջամշեդի Թաթա» հոդվածին։

[_f0ca9b9fec3876f4-1] 1,0 ^1,1 ^1,2 ^1,3 ^1,4 Encyclopædia Britannica

[_c343e93b9069ad47-2] 2,0 ^2,1 ^2,2 ^2,3 ^2,4 Geni(բազմ․) — 2006.

[1]

[2]