Ջակոմո դա Վինյոլա

Ջակոմո դա Վինյոլա; իտալ.՝ Jacopo Barozzi da Vignola
Ծնվել է	հոկտեմբերի 1, 1507
Ծննդավայր	Վինոլա, Մոդենա (գավառ), Էմիլիա Ռոմանիա
Մահացել է	հուլիսի 7, 1573 (65 տարեկան)
Մահվան վայր	Հռոմ, Պապական մարզ
Գերեզման	Պանթեոն
Քաղաքացիություն	Պապական մարզ
Ազդվել է	Բալդասսարե Պերուցցի
Երկեր	Ջեզու եկեղեցի
Մասնագիտություն	ճարտարապետ և գրող
Երեխաներ	Giacinto Barozzi?
	Jacopo Barozzi da Vignola Վիքիպահեստում

Ջակոմո դա Վինյոլա (իտալերեն՝ Vignola) (իսկական ազգանունը՝ Բարոցցի, Barozzi, հոկտեմբերի 1, 1507^[1], Վինոլա, Մոդենա (գավառ), Էմիլիա Ռոմանիա - հուլիսի 7, 1573^[1], Հռոմ, Պապական մարզ^[2]), իտալացի ճարտարապետ և ճարտարապետության տեսաբան։

Ստեղծագործել է Ուշ Վերածննդի, մաներիզմից բարոկկոյին անցման ժամանակաշրջանում։ Հեղինակ է «Ճարտարապետության հինգ օրդերների կանոն» (իտալերեն՝ Regola delli cinque ordini di Archi- tettura, Հռոմ, 1562 թ., ռուսերեն թարգմանություն 1939 թ.) դասական տրակտատի, որը մեծ ազդեցություն է ունեցել Եվրոպայում, հատկապես կլասիցիզմի շրջանում։ Աշխատությունում ներկայացված օրդերների համաչափությունները Վինյոլան իր կառույցներում չի կիրառել։ Նա նպատակ է ունեցել ճարտարապետական միալեզվության հիմունքներով նպաստել համաշխարհային կաթոլիկ ճարտարապետության ստեղծմանն ու տարածմանը։ Վինյոլաի նշանավոր կառույցներից են օվալաձև հատակագծով առաջին եկեղեցու շինությունը՝ Սանտ Անդրեա եկեղեցին (1555 թ.), և Իլ Զեզու եկեղեցին (1568 թ.-ից 1584 թվականներին, երկուսն էլ Հռոմում), որը բարոկկոյի բազմաթիվ տաճարների նախատիպն է եղել, և, ըստ Յո. Ստրժիգովսկու, Իտալիայում հայկական գմբեթավոր դահլիճ տիպի օրինակով կառուցված առաջին եկեղեցին է։ Քաղաքաշինական առումով ուշագրավ են Պալացցո Ֆառնեզեն (1558 թ. –ից 1573 թվականներին, մեծաչափ հնգանիստ ծավալի կենտրոնում բոլորաձև բակ է) Կապրարոլայում և Հուլիոս III պապի վիլլան (1550 թվականից 1555 թվականներին) Հռոմում։ Ըստ Պալլադիոյի, Վինյոլան ճարտարապետության դասականությունը վերականգնող մեծագույն վարպետներից է։

Le due regole della prospettiva prattica, 1682

Ծանոթագրություններ

↑ ^1,0 ^1,1 ^1,2 ^1,3 ^1,4 RKDartists (նիդերլ.)
↑ ^2,0 ^2,1 ^2,2 Deutsche Nationalbibliothek Record #11925011X // Gemeinsame Normdatei (գերմ.) — 2012—2016.
↑ Union List of Artist Names — 2021.

Վիքիպահեստն ունի նյութեր, որոնք վերաբերում են «Ջակոմո դա Վինյոլա» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 455)։

[_23baee28d2db9f97-1] 1,0 ^1,1 ^1,2 ^1,3 ^1,4 RKDartists (նիդերլ.)

[_9ac9f5011a9f7fe1-2] 2,0 ^2,1 ^2,2 Deutsche Nationalbibliothek Record #11925011X // Gemeinsame Normdatei (գերմ.) — 2012—2016.

[_5482396e7160ed20-3] Union List of Artist Names — 2021.

[1]

[2]

[3]