Ջակոմո Լոզի

Ջակոմո Լոզի
Անձնական տվյալներ
Քաղաքացիությունը	Իտալիա
Մականուն	"Core de Roma" (Ռոմայի սիրտ)
Ծննդյան ամսաթիվ	սեպտեմբերի 10, 1935(1935-09-10) (87 տարեկան)
Ծննդավայր	Սոնչինո, Կրեմոնա, Լոմբարդիա, Իտալիայի թագավորություն
Հասակ	168 սմ
Քաշ	72 կգ
Դիրք	Պաշտպան
Պատանեկան կարիերա
1949–1952 Սոնչինո
Մասնագիտական կարիերա*
Տարի	Ակումբ	Խաղ	(Գոլ)
1952-1954 Կրեմոնեզե 59 (2) 1954-1969 Ռոմա 386 (2)
Ազգային հավաքական
1960–1962 Իտալիա 11 (0)
Մարզչական կարիերա
1980–1981 Պիաչենցա 1982–1983 Նոչերինա 1985–1986 Յուվե Ստաբիա
* Մասնագիտական կարիերայում ընդգրկված են միայն առաջնության խաղերը և գոլերը:

Ջակոմո Լոզի (իտալերեն՝ Giacomo Losi, սեպտեմբերի 10, 1935(1935-09-10), Սոնչինո, Կրեմոնա, Լոմբարդիա, Իտալիայի թագավորություն), իտալացի նախկին ֆուտբոլիստ, ով հանդես է եկել իտալական Ռոմայում և Իտալիայի ազգային հավաքականում։

Ջակոմոն ծնունդով Հռոմից չէր, սակայն 15 մրցաշրջան Ռոմայում անցկացնելուց հետո, նրան տրվեց "Core de Roma" (Ռոմայի սիրտ) մականունը։ Նա Ռոմայի կազմում ացկացրել է 450 հանդիպում, որը ռեկորդային եղավ, Ջակոմոյի ռեկորդը անհաղթահարելի մնաց 38 տարի, մինչև 2007 թվականի հունվարի 31-ը, երբ Ֆրանչեսկո Տոտտին անցկացրեց իր 451-րդ հանդիպումը։

Կարիերա

Լոզին իր ֆուտբոլային կարիերան սկսել է հարազատ քաղաքի համանուն թիմում՝ Սոնչինոյում։ 1951 թվականին տեղափոխվել է Կրեմոնեզե, այնուհետև 1955 թ.-ին մայրաքաղաքային Ռոմա, որտեղ իր առաջին հանդիպումը անցկացրեց նույն թվականի մարտի 20-ին ընդդեմ Միլանի Ինտերի։

Նա ստացավ իր "Core de Roma" մականունը, այն բանից հետո, երբ 1961 թվականի հունվարի 8-ին Սամպդորիայի հետ հանդիպման ժամանակ Լոզին վնասվածք ստացավ, հաշիվն էր 2։ 2, իսկ Ռոման արդեն սպառել էր փոփոխություն կատարելու բոլոր 3 հնարավորությունները, Ջակոմոն ոչ միայն մինչև վերջ մնաց խաղադաշտում, այլ նաև անկյունայինից կատարած փոխանցումից հետո գլխով դարձավ գոլի հեղինակ հաղթանակ պարգևելով հռոմեացիներին։

Ջակոմո Լոզին համարվում է Ռոմայի Փառքի Սրահի 11 ֆուտբոլիստներից մեկը։

Նվաճումներ

• Ֆուտբոլի Իտալիայի գավաթ՝ 1968-69
• Ֆուտբոլի Իտալիայի գավաթ՝ 1963-64
• Տոնավաճառների գավաթ՝ 1960-61

Արտաքին հղումներ

• Ռոմա ՖԱ երկրպագուների կայք նվիրված Ջակոմո Լոզիին

Նախորդող Էգիդիո Գուարնակկի

Ռոմա ֆուտբոլային ակումբի ավագներ Ջակոմո Լոզի 1959 - 1968

Հաջորդող Խոակին Պեյրո