Ջագգի Վասուդև (Սադգուրու)

Վիքիպեդիայից՝ ազատ հանրագիտարանից
Jump to navigation Jump to search
Ջագգի Վասուդև
Jaggi Vasudev.jpg
Ծնվել էսեպտեմբերի 3, 1957(1957-09-03) (62 տարեկան)
ԾննդավայրMysore, Հնդկաստան
ՔաղաքացիությունFlag of India.svg Հնդկաստան
Կրոնհինդուիզմ
ԿրթությունUniversity of Mysore?
Մասնագիտությունգրող, հումանիստ և Յոգեր
Պարգևներ և
մրցանակներ
Պադմա Վիբխուշան
Կայքisha.sadhguru.org
Jaggi Vasudev Վիքիպահեստում

Ջագգի Վասուդև (անգլ.՝ Jaggi Vasudev, թամ.՝ சத்குரு ஜக்கி வாசுதேவ், հինդի՝ सदगुरु जग्गी वासुदेव, կան. ಸಧ್ಗುರು ಜಗ್ಗಿ ವಾಸುದೇವ್, տելուգու՝ సద్గురు జగ్గి వాసుదేవ్), հայտնի է նաև որպես Սադգուրու (անգլ.՝ Sadhguru, սեպտեմբերի 3, 1957(1957-09-03), Mysore, Հնդկաստան), հնդիկ յոգ և միստիկ։ Նա հիմնել է «Իշա» հիմնադրամը՝ բարեգործական կազմակերպություն, որն իրականացնում է յոգայի ծրագրեր ամբողջ աշխարհում, այդ թվում՝ Հնդկաստանում, ԱՄՆ-ում, Անգլիայում, Լիբանանում, Սինգապուրում, Կանադայում, Մալայզիայում, Ուգանդայում և Ավստրալիայում: Հիմնադրամը ներգրավված է նաև սոցիալական և հասարակական տարբեր նախաձեռնություններում, որի արդյունքում նրան տրվել է հատուկ խորհրդատվական կարգավիճակ ՄԱԿ-ի տնտեսական և սոցիալական խորհրդում:

Վաղ տարիներ[խմբագրել | խմբագրել կոդը]

Ջագգի Վասուդևը ծնվել է 1957 թվականի սեպտեմբերի 3-ին Մայսուր քաղաքում (Կառնատակայի նահանգ, Հնդկաստան)։ Եղել է ընտանիքի 4 երեխաներից ամենակրտսերը։ Նրա հայրը «Հնդկական երկաթուղիներ»-ում ակնաբույժ էր, ուստի նրա ընտանիքը հաճախ տեղափոխվում էր: 12 տարեկանում Ջագգին սկսեց յոգայով զբաղվել, մասնավորապես ասաներով և պրանայամայով, Ռագավանդրա Ռաոյի խնամակալության ներքո, ով ավելի շատ հայտնի է որպես Մալլադիհալլի Սվամի: Մահադիհալլի Սվամին իրեն սովորեցրեց այն պարզ ասանների հաջորդականությունը, որով ինքն էր պարբերաբար զբաղվում։

Սադգուրուն շատ հաճախ բաց էր թողնում դպրոցը՝ մի քանի օր վազելով ջունգլիներում և երբեք հետաքրքրություն չէր ցուցաբերում սովորելու համար: Մայսուրիի համալսարանում ստացել է անգլերեն գրականության բակալավրի աստիճան: Ուսման տարիներին Սադղուրուն հետաքրքրություն է ցուցաբերել ճանապարհորդության և մոտոցիկլետների նկատմամբ:

Լուսավորչական փորձ[խմբագրել | խմբագրել կոդը]

Քսանհինգ տարեկան հասակում, 1982 թվականի սեպտեմբերի 23-ին, Ջագգիին հասավ խորը հոգևոր փորձ, որը վիճակված էր փոխել նրա հետագա կյանքը: Սադգուրուն նկարագրում է, թե ինչպես է նա մի անգամ մեկնել Մայսուրում գտնվող Չամունդի բլուրներ և բաց աչքերով նստել ժայռի վրա: Հանկարծ նա դադարեց զգալ մարմնի սահմանները և միասնություն զգաց իրեն շրջապատող ամեն ինչի հետ: Ըստ նրա, նա չի կարողացել տարբերակել, թե որտեղ է եղել, և որտեղ՝ ոչ: Նրա շուրջ գտնվող ամեն ինչը՝ ժայռերը, ծառերը, հողերը նա ընկալում էր որպես ինքն իր մի մասը: Նա կարծում էր, որ անցել է 10-15 րոպե, բայց երբ նա վերադառնում է իր բնականոն վիճակին, անցել էր մոտ 4-5 ժամ և արդեն մութ էր: Նա չգիտեր, թե արդյո՞ք սա հալածանք էր, բայց հաջորդ օրերին այս վիճակը կրկնվում էր՝ թողնում էին աննկարագրելի երանության մեջ: Այս դրվագը ամբողջովին փոխեց նրա կյանքը: Ջագգին որոշեց իր ողջ կյանքը նվիրել այս փորձի փոխանակմանը՝ փորձելով մարդկանց հնարավորություն տալ մոտենալ իրենց աստվածային բնույթին:

1983 թվականին նա Մայսուրում անցկացրեց յոգայի իր առաջին դասը 7 հոգու համար: Ժամանակի ընթացքում նա սկսեց անցկացնել յոգայի դասընթացներ՝ դասընթացից դասընթաց իր մոտոցիկլետով շարժվելով: Նա ապրում էր թռչնաբուծական ֆերմայում և հրաժարվեց վճարվել դասերի համար: Նրա համար սովորական պրակտիկա էր ուսանողների կողմից հավաքված գումարները տեղական բարեգործությանը նվիրաբերելը:

Հոգևոր գործունեություն[խմբագրել | խմբագրել կոդը]

1994 թվականին Ջագգի Վասուդևն առաջին ծրագիրը վարեց նոր հիմնադրված «Իշա Յոգա» կենտրոնում, որտեղ նկարագրեց Դայանալինգամը: Դայանալինգամը յոգական տաճար է և մեդիտացիայի տեղ, և նվիրվելով դրա ստեղծմանը Սադգուրուն դա իր կյանքի առաքելությունն էր համարում, որ իրեն վստահել էր իր գուրուն: 1996-ին սկսեց նախագծվել քարե շենքը: 3 տարի հետո՝ 1999 թվականի հունիսի 23-ին, Դայանալինգման կառուցվեց, իսկ հասարակության համար բացվեց նոյեմբերի 23-ին:

Դայանալինգման մեդիտացիայի վայր է, և չի պատկանում որևէ կոնկրետ հավատքի: 23 մետր գմբեթը, որը կառուցված է առանց պողպատի և բետոնի, ծածկում է սրբարանը: Լինգամը ավելի քան 4 մետր բարձրություն ունի և պատրաստված է սև գրանիտից: Առջևի մուտքի մոտ կանգնած է Սառվա Դարմա Ստհամբան` քանդակագործական ռելիեֆով և հինդուիզմի, իսլամի, քրիստոնեության, սիխիզմի, ջայնիզմի, դաոսականության, զրադաշտականության, հուդայականության, բուդդիզմի և շինտոիզմի խորհրդանիշներով:

Եղել է ամուսնացած (1984): Կինը մահացել է 1996 թվականին։ Ունի մեկ դուստր։

Ծանոթագրություններ[խմբագրել | խմբագրել կոդը]

Աղբյուրներ[խմբագրել | խմբագրել կոդը]