Պրահայի կատարողական արվեստների ակադեմիայի կինոյի և հեռուստատեսության դպրոց
Պրահայի կատարողական արվեստների ակադեմիայի կինոյի և հեռուստատեսության դպրոց | |
|---|---|
 | |
| Տեսակ | կինոդպրոց և Ֆակուլտետ |
| Հիմնադրված է | 1946 |
| Երկիր |  Չեխիա |
| Տեղագրություն | Պրահա |
| Հասցե | Прага 1, Старе-Место, набережная Сметаны, 1012/2 |
| Կայք | famu.cz |
  Պրահայի կատարողական արվեստների ակադեմիայի կինոյի և հեռուստատեսության դպրոց, Չեխիա | |
 Faculty of Film and Television (Prague) Վիքիպահեստում | |
Պրահայի կատարողական արվեստների ակադեմիայի կինոյի և հեռուստատեսության դպրոց (չեխ․՝ Filmová a televizní fakulta Akademie múzických umění v Praze կամ FAMU), կինոդպրոց Պրահայում։ Հիմնադրվել է 1946 թվականին որպես Պրահայի կատարողական արվեստի ակադեմիայի երեք մասնաճյուղերից մեկը[1]։ Դասավանդման լեզուն չեխերեն է, սակայն որոշ ծրագրեր դասավանդվում են անգլերեն։ Ըստ The Hollywood Reporter-ի՝ FAMU-ն Եվրոպայի լավագույն կինոդպրոցն է և աշխարհի թիվ 11 կինոդպրոցը[2]։
Գործունեություն
[խմբագրել | խմբագրել կոդը]Պրահայի կատարողական արվեստների ակադեմիայի կինոյի և հեռուստատեսության դպրոցի գլխավոր շենքը գտնվում է Պրահայի պատմական կենտրոնում։ Դպրոցը ներառում է Studio FAMU-ն, արտադրական և հետբուհական ֆակուլտետ՝ հագեցված ձայնային և հեռուստատեսային ստուդիաներով և նորարարական տեխնոլոգիաներով՝ ուսանողական աշխատանքների իրականացման համար։ Յուրաքանչյուր աշուն, FAMU-ն կազմակերպում է Famufest փառատոնը` իր ուսանողների ներկայիս աշխատանքների ցուցադրումը, ինչպես նաև ուղեկցող մշակութային ծրագիր և ֆիլմարտադրության բնագավառի նշանավոր գործիչների այցելություններ։
1960-1970-ական թվականներին Հարավսլավիայից բազմաթիվ երիտասարդ ռեժիսորներ FAMU-ի շրջանավարտներ էին (Ռայկո Գրլիչ, Սրջան Կարանովիչ, Էմիր Կուստուրիցա, Գորան Մարկովիչը (կինոռեժիսոր), Գորան Պասկալևիչը և Լորդան Զաֆրանովիչը)[3]։
Դասընթացներ
[խմբագրել | խմբագրել կոդը]
Ներկայումս FAMU-ն բաղկացած է տասնմեկ բաժիններից, որոնք ուսանողներին նախապատրաստում են ֆիլմերի և աուդիո-վիզուալ արտադրության բոլոր մասնագիտությունների համար։ Այդ ստորաբաժանումներն են՝
- Ռեժիսուրա
- Վավերագրական ֆիլմերի ստեղծում
- Սցենար և դրամատուրգիա
- Անիմացիոն ֆիլմեր
- Կինեմատոգրաֆիա
- Ձայնային դիզայն
- Մոնտաժ
- Արտադրություն
- Լուսանկարչություն
- FAMU կենտրոն միջմեդական առարկաների համար
Դասընթացները նախատեսված են բակալավրի, մագիստրոսի և դոկտորական մակարդակների համար։ Բացի այդ, FAMU միջազգային բաժինը առաջարկում է եռամյա մագիստրոսական ծրագիր կինոյի և թվային մեդիայի համար անգլերենի դասավանդմամբ օտարերկրյա ուսանողների համար, որոնք հիմնականում կենտրոնանում են հեղինակային սցենարիստական և ռեժիսորական աշխատանքների վրա։
Անհատական բաժիններն աստիճանաբար ընդլայնում են իրենց ծրագրերը՝ ներառելով անգլերենի դասավանդում, որը ներկայումս ներառված է լուսանկարչության և կինեմատոգրաֆիայի բաժիններում։ FAMU-ն արտասահմանցի ուսանողների համար նաև առաջարկում է մեկամյա Ակադեմիական նախապատրաստման ծրագիր, որն օգտագործում է ինտենսիվ տեսական մեթոդաբանություն։ Եռամսյա հատուկ արտադրական դասընթացը կենտրոնանում է աուդիո-վիզուալ աշխատանքների արտադրության և բաշխման գործնական խնդիրների վրա։
Ծանոթագրություններ
[խմբագրել | խմբագրել կոդը]- ↑ «Արխիվացված պատճենը». Արխիվացված է օրիգինալից 2014 թ․ դեկտեմբերի 6-ին. Վերցված է 2017 թ․ հուլիսի 17-ին.
- ↑ http://www.hollywoodreporter.com/gallery/thrs-top-25-film-schools-354506#11
- ↑ Praška škola ne postoji
Արտաքին հղումներ
[խմբագրել | խմբագրել կոդը]- Պաշտոնական կայք Արխիվացված 2016-09-16 Wayback Machine
 | Վիքիպահեստն ունի նյութեր, որոնք վերաբերում են «Պրահայի կատարողական արվեստների ակադեմիայի կինոյի և հեռուստատեսության դպրոց» հոդվածին։ |
| ||||||
