Պուջա Բհատ

Պուջա Բհատ; հինդի՝ पूजा भट्ट; գուջարաթի՝ પૂજા ભટ્ટ
Ծնվել է	փետրվարի 24, 1972 (51 տարեկան)
Ծննդավայր	Մումբայ, Հնդկաստան
Քաղաքացիություն	Հնդկաստան
Մասնագիտություն	դերասանուհի, կինոպրոդյուսեր, կինոռեժիսոր, կինոդերասանուհի, մոնտաժող, սցենարիստ և մոդել
Ծնողներ	հայր՝ Մահեշ Բհատ, մայր՝ Kiran Bhatt?
Ամուսին(ներ)	Մանիշ Մախիջա
Պարգևներ և մրցանակներ	Filmfare Award լավագույն կանացի դեբյուտային դերի համար

Պուջա Բհատ (հինդի पूजा भट्ट, փետրվարի 24, 1972(1972-02-24), Մումբայ, Հնդկաստան), հնդիկ դերասանուհի, մոդել, ռեժիսոր և պրոդյուսեր։

Կենսագրություն[խմբագրել | խմբագրել կոդը]

Ծնվել է հնդիկ ռեժիսոր Մահեշ Բհատի և նրա առաջին կնոջ՝ Կիրան Բհատի (Լորեն Բրայթ) ընտանիքում^[1]։ Հայրական կողմից ունի գուջարաթյան արմատներ, իսկ մայրական կողմից անգլիական, շոտլանդական, հայկական և բիրմայական^[2]^[3]^[4]^[5]։ Ունի հարազատ եղբայր (Ռահուլ Բհատ) և հայրական կողմից երկու քույր (Շահին Բհատ և դերասանուհի Ալիյա Բհատ)։ Նրա զարմիկն է հայտնի դերասան Էմրան Հաշմին։

Պուջա Բհատի կինոդեբյուտը կայացել է 1989 թվականին «Հայրիկը» ֆիլմում, որի ռեժիսորն էր հայրը՝ Մահեշ Բհատը։ Ֆիլմում Պուջան խաղացել է դեռահաս աղջկա դեր, ով ծանր էր տանում հարբեցող հոր հետ իր հարաբերությունները։ Հոր դերը ֆիլմում կատարում էր Անուպամ Կհերը։ Կինոնկարը Պուջա Բհատին բերեց Filmfare Awards` լավագույն դեբյուտային կանացի դերի համար։

Սակայն իրականում մեծ էկրանին Պուջա Բհատը հայտնվեց «Սրտին չես հրամայի» (1991 թ.) երաժշտական կինոնկարով, որը ամերիկյան «Դա տեղի է ունեցել մի անգամ գիշերը» (1934 թ.) դասական օսկարակիր կինոնկարի ռեմեյքն էր։ Հետագայում Պուջա Բհատը հանդես է եկել իր հոր ֆիլմերում՝ «Մոլեգնություն» (1992 թ.), «Ես կրկին քո մասին եմ հիշում» (1993 թ.), «Երկու կրակի միջև» (1993 թ.) և այլն։ Պուջա Բհատը վերջին անգամ նկարահանվել է «Everybody Says I’m Fine!» (2001 թ.) կինոնկարում, որից հետո հրաժարվել է նկարահանվել։

2004 թվականից հանդես է գալիս որպես ռեժիսոր և պրոդյուսեր։ Որպես ռեժիսոր առաջին անգամ նա հանդես է եկել «Քավելի մեղք» (2004 թ.) կինոնկարով, որտեղ գլխավոր դերերը կատարել էին Ջոն Աբրահամը և Ուդիտա Գոսվամին։ Պուջա Բհատը նկարահանել է նաև «Արձակուրդներ» (2006 թ.), «Խաբեություն» (2007 թ.), «Սև աչեր» (2010 թ.), «Ցանկության մութ կողմը 2» (2012 թ.) ֆիլմերը։

Անձնական կյանքը[խմբագրել | խմբագրել կոդը]

2003 թվականին Պուջա Բհատը ամուսնացել է ռեստորանատեր Մանիշ Մախիջայի հետ։ 2014 թվականին նրանք ամուսնալուծվել են։

Ֆիլմագրության ընտրանին[խմբագրել | խմբագրել կոդը]

Դերասանուհի

Թվական	Անվանում	Բնօրինակ անվանում	Կերպար
1989	Հայրիկը	Daddy	Պուջա
1991	Հետապնդում	Sadak	Պուջա
1991	Սրտին չես հրամայի	Dil Hai Ki Manta Nahin	Պուջա Դհարամչանդ
1992	Յոթերորդ երկինք	Saatwan Aasman	Պուջա Մալհոտրա
1992	Մոլեգնություն	Junoon	Նիտա Չաուհան
1993	Երկու կրակի միջև	Sir	Պուջա
1993	Ձախողակը Բոմբեյից	Pehla Nasha	Մոնիկա
1993	Թշվառը	Tadipaar	Մոհինիդևի, Նամկին
1993	Ես կրկին քո մասին եմ հիշում	Phir Teri Kahani Yaad Aayee	Պուջա
1994	Ընչազուրկների պաշտպանը	Naaraaz	Սոնյա
1994	Ահաբեկիչները	Kranti Kshetra	Պուջա
1995	Թիկնապահը	Angrakshak	Պրիյանկա «Պրիյա» Չաուդհարի
1996	Կրքոտ սեր	Chaahat	Պուջա
1997	Սահման	Border	Կամու
1998	Մի անգամ Հնդկաստանում	Angaaray	Պուջա
1998	Հոգու ցավ	Zakhm	մայր
2000	Հանուն քեզ, սիրելիս	Sanam Teri Kasam	Սիմա Կհաննա

Ռեժիսոր

Թվական	Անվանում	Բնօրինակ անվանում
2003	Քավելի մեղք	Paap
2006	Արձակուրդներ	Holiday
2007	Խաբեություն	Dhokha
2010	Սև աչեր	Kajraare
2012	Ցանկության մութ կողմը 2	Jism 2

Ծանոթագրություններ[խմբագրել | խմբագրել կոդը]

↑ Pooja Bhatt Bollywood Actress Biography
↑ Bollywood Trade News Network (July 2007)։ «Tulip's one exciting girl to watch for!»։ GlamSham։ Արխիվացված է օրիգինալից 2019-01-09-ին։ Վերցված է հուլիսի 27, 2014
↑ Jha Subhash K (մայիսի 23, 2013)։ «Pooja Bhatt auctions role for women's cause»։ Bollywood Hungama։ Վերցված է հուլիսի 27, 2014
↑ Bhatt Pooja (նոյեմբերի 21, 2013)։ «My mother is Scottish,Burmese,Armenian,English. My father is half Brahmin,half Muslim & Soni is Half Kashmiri & half German.»։ Twitter։ Վերցված է հուլիսի 27, 2014
↑ Bhatt Pooja (օգոստոսի 13, 2013)։ «Did you know my maternal great-grandmother was Burmese? I now have the chance to celebrate my roots. Come join me!»։ Twitter։ Վերցված է հուլիսի 27, 2014

[1] Pooja Bhatt Bollywood Actress Biography

[2] Bollywood Trade News Network (July 2007)։ «Tulip's one exciting girl to watch for!»։ GlamSham։ Արխիվացված է օրիգինալից 2019-01-09-ին։ Վերցված է հուլիսի 27, 2014

[3] Jha Subhash K (մայիսի 23, 2013)։ «Pooja Bhatt auctions role for women's cause»։ Bollywood Hungama։ Վերցված է հուլիսի 27, 2014

[4] Bhatt Pooja (նոյեմբերի 21, 2013)։ «My mother is Scottish,Burmese,Armenian,English. My father is half Brahmin,half Muslim & Soni is Half Kashmiri & half German.»։ Twitter։ Վերցված է հուլիսի 27, 2014

[5] Bhatt Pooja (օգոստոսի 13, 2013)։ «Did you know my maternal great-grandmother was Burmese? I now have the chance to celebrate my roots. Come join me!»։ Twitter։ Վերցված է հուլիսի 27, 2014

[1]

[2]

[3]

[4]

[5]