Պումպուանգ Դուանգջան

Վիքիպեդիայից՝ ազատ հանրագիտարանից
Jump to navigation Jump to search
Պումպուանգ Դուանգջան
Poompuang2526.jpg
Բնօրինակ անունթաի.՝ พุ่มพวง ดวงจันทร์
Ծնվել էօգոստոսի 4, 1961(1961-08-04)
Hankha, Chai Nat, Թաիլանդ
ԵրկիրFlag of Thailand.svg Թաիլանդ
Մահացել էհունիսի 13, 1992(1992-06-13) (30 տարեկանում)
Phitsanulok, Թաիլանդ
Ժանրերփոփ երաժշտություն և Luk thung?
Մասնագիտություներգչուհի և դերասանուհի
Գործիքներվոկալ
ԼեյբլTopline Diamond?
Կայքxs4all.nl/~mythai/pumpuang/pumpuangprint.htm
Ստորագրություն
Ստորագրություն
Pumpuang Duangjan Վիքիպահեստում

Պումպուանգ Դուանգջան (թաի.՝ พุ่มพวง ดวงจันทร์, հայտնի է նաև Պուենգ (Pueng) (թաի.՝ ผึ้ง) բեմական անունով, որ նշանակում է մեղու, օգոստոսի 4, 1961(1961-08-04), Hankha, Chai Nat, Թաիլանդ - հունիսի 13, 1992(1992-06-13), Phitsanulok, Թաիլանդ), 20-րդ դարի թայլանդցի երգչուհի, արտիստուհի, գերաստղ[1], ով համարվում է թայլանդական երգարվեստւմ նոր ոճի՝ electronic Luk Thung-ի ստեղծման ու տարածման տաղանդավոր նախաձեռնողներից և այդ ասպարեզի կարևորագույն դեմքերից մեկը[2]:

Կենսագրություն[խմբագրել | խմբագրել կոդը]

Աղքատ ագարակապանների զավակ լինելով՝ Պումպուանգը հնարավորություն է ունեցել ընդամենը երկու տարի դպրոց հաճախելու, որից հետո, իր ընտանիքին օգնելու նպատակով, ստիպված է եղել մանուկ հասակից աշխատել շաքարեղեգնի պլանտացիաներում[3][2]: Սակայն, չնայած թերուս լինելուն, կարողացել է անգիր հիշել երգերի տեքստերը և մասնակցել երգի մրցույթների ու հաղթել: Երբ տասնհինգամյա մի պարմանուհի էր, նրա տաղանդը նկատել են հյուրախաղային համերգով նրանց շրջան այցելած երաժշտախմբի անդամները, և դրանից հետո Պումպուանգը մասնակից է դարձել համերգների ու կարճ ժամանակամիջոցում արժանացել լայն ճանաչման: Այսօր նրան առաջին հերթին հիշում են աղքատ գյուղացիների հոգսերի ու ցավերի, հույզերի ու ապրումների մասին իր սրտառուչ երգերով[3][2]: Երգարվեստում Պուենգի նշանակալի նորամուծություններից մեկն այն է, որ թայլանդական քանթրի ոճին՝ pleng luk thung-ին հաղորդել է պարային ռիթմ ու ոգի, փաստորեն ստեղծել մի նոր ոճ, որ հայտնի է որպես electronic luk thung:

Երգչուհին միլիոնավոր երկրպագուներ ուներ, բայց, չնայած դրան, մենեջերների անխիղճ շահագործմանը ենթարկվելով, զրկված էր նյութական բավարար միջոցներից, այն աստիճան, որ ի վիճակի չէր գումար հատկացնելու իր անհետաձգելի բուժման համար (արյան հետ կապված լուրջ խնդիրներ ուներ) և վախճանվեց շատ երիտասարդ՝ ընդամենը երեսուն տարեկան հասակում[2]: Ուժերի ծաղկման շրջանում տաղանդավոր արվեստագետին պատուհասած մահը խոր վիշտ պատճառեց իր արվեստի միլիոնավոր սիրահարներին: 2018 թվականին՝ Պումպուանգ Դուանգջանի ծննդյան 57-րդ տարեդարձի օրը, Գուգլը իր նշանավոր Google Doodle-ով վերարծարծեց նրա հիշատակը[4]:

Սկավառակագրություն[խմբագրել | խմբագրել կոդը]

Ալբոմներ[խմբագրել | խմբագրել կոդը]

  • 1983 - Grasshopper Tie a Bow (ตั๊กแตนผูกโบว์)
  • 1985 - Aue Hue Lor Jang (อื้อฮือหล่อจัง)
  • 1986 - Hang Noi Thoi Nid (ห่างหน่อยถอยนิด)
  • Alas! Tinger (อนิจจาทิงเจอร์)
  • Marigold Stars Sprinkle (ดาวเรืองดาวโรย)
  • Ashamed of Neon Light (อายแสงนีออน)
  • Countryside Singer (นักร้องบ้านนอก)
  • Seen In District (นัดพบหน้าอำเภอ)
  • Phumphung's Clever (ทีเด็ดพุ่มพวง)
  • Expensive Lesson (บทเรียนราคาแพง)
  • Widowed Groom (หม้ายขันหมาก)
  • Green Papaya Salad (Som-tum) (ส้มตำ)
  • Upcountry Love Song (เพลงรักบ้านทุ่ง)
  • Good Luck The Money (ขอให้รวย)

Ֆիլմագրություն[խմբագրել | խմբագրել կոդը]

Կինոնկարներ[խմբագրել | խմբագրել կոդը]

  • 1984 - Nun (ชี)
  • 1984 - Ms. Fresh Coconut Milk (นางสาวกะทิสด)
  • 1984 - We're Sorry Love (ขอโทษที ที่รัก)
  • 1984 - King Cobra Emerged (จงอางผงาด)
  • 1985 - Love Hoow She Is (ที่รัก เธออยู่ไหน)
  • 1986 - New Gunman (มือปืนคนใหม่)
  • 1987 - Charming Singer (เสน่ห์นักร้อง)
  • 1987 - Captive Love (เชลยรัก)
  • 1987 - Music Love Song Gun (เพลงรัก เพลงปืน)
  • 1988 - Diamond Kingdom (เพชรพยัคฆราช)

Կենսագրական ֆիլմ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Dance and Music»։ Thai Culture։ OnlyChaAm.com։ Վերցված է 7 November 2016 Կաղապար:Unreliable source?
  2. 2,0 2,1 2,2 2,3 ปราการด่านสุดท้าย (2011-07-19)։ «ชีวิต แม่พุ่มพวงค่ะ ไปเจอมาเราว่าละเอียดที่สุดแล้วค่ะ»։ Pantip.com (Thai) 
  3. 3,0 3,1 Lockard Craig (2009)։ Southeast Asia in World History։ Oxford University Press։ ISBN 0195338111 
  4. «Pumpuang Duangjan’s 57th Birthday»։ Doodles Archive, Google։ 4 August 2018 
  5. «"ธีระพล แสนสุข" พระเอกตัวจริงของพุ่มพวง?»։ ASTV Manager (Thai)։ 2011-07-18 

Արտաքին հղումներ[խմբագրել | խմբագրել կոդը]