Պորսանգեր

Վիքիպեդիայից՝ ազատ հանրագիտարանից
Jump to navigation Jump to search
Picto infobox map.png
Պորսանգեր
նորվ.՝ Porsanger
սամ.՝ Porsáŋgu
Դրոշ Զինանշան
Porsanger flag.png
Porsanger komm.svg
Repvåg.jpg
ԵրկիրՆորվեգիա Նորվեգիա
ԿարգավիճակՖյուլքե
Մտնում էՖինմարք ֆյուլքե
ՎարչկենտրոնԼակսելվ
Մոնա Սկանե
Հիմնական լեզուԲուկմոլ,
Հյուսիսսաամերեն,
Քվեներեն
Պաշտոնական լեզուներՀյուսիսսաամերեն և նորվեգերեն
Բնակչություն (2012)3946[1]
Ազգային կազմսաամներ, քվեններ, նորվեգացիներ
Տարածք4872.69
NO 2020 Porsanger.svg
Հիմնադրված է1838 թ.
Սահմանակցում էԿվալսուն, Մոսյո, Նորդկապ, Լեբեսյու, Կարասիոկ, Ալտա Ֆլորեստա և Տանա
Ժամային գոտիUTC+1
ՓոխարինեցKistrand?
ISO 3166-2 կոդ2020
Կոորդինատներ: 70°3′8.0000000991981″ հս․ լ. 24°57′21.000000098802″ ավ. ե. / 70.052222222249781680° հս․. լ. 24.95583333336077914° ավ. ե. / 70.052222222249781680; 24.95583333336077914
porsanger.kommune.no
Պորսանգեր կոմունան Ֆինմարք ֆյուլքեի քարտեզին

Պորսանգեր (նորվ.՝ Porsanger),  կոմունա (համայնք) Նորվեգիայի Ֆինմարք ֆյուլքեյում (մարզում): Վարչական կենտրոնն է Լակսելվ քաղաքը: Զբաղեցնում է 4872.69 կմ² տարածք: Ունի 3946 բնակիչ (2012թ.): Պաշտոնական լեզուներն են՝ Բուկմոլը, Հյուսիսսաամերենը և Քվեներենը[2]:

Անվանում[խմբագրել | խմբագրել կոդը]

Կոմունայի անվան սկզբնամասը՝ pors ամենայն հավանականությամբ առաջացել է տեղանքի ճահիճներում աճող ծաղիկներից մեկի անունից: Մեկ այլ տեսակետի համաձայն pors բառը սաամերեն borsi բառի ձևափոխված տարբերակն է, որը նշանակում է ջրվեժ: Անվան երկրորդ մասը՝ angr-ը, նշանակում է ֆյորդ:

Աշխարհագրություն[խմբագրել | խմբագրել կոդը]

Պորսանգերը տարածքի մեծության առումով Նորվեգիայի երրորդ մեծ կոմունան է: Տեղակայված է ֆյուլքեյի կենտրոնական մասում: Շրջապատված է Պորսանգեր ֆյորդի ափերով, որը հանդիսանում է Նորվեգիայի չորրորդ ամենաերկար ֆյորդը: Հյուսիս-արևմուտքից սահմանակից է Կվալսուն և Մոսյո, հյուսիսում՝ Նորդկապ, արևելքում՝ Լեբեսյու, հարավում՝ Կարասիոկ, արևմուտքում՝ Ալտա կոմունաներին: Վարչականկենտրոնն ու խոշորագույն բնակավայրն է Լակսելվը: Մնացած բոլոր բնակավայրերը տեղակայված են ֆյորդի երկայնքով, որոնցից են՝ Կիստրանդ, Օլդերֆյորդ, Բյորսելվ: Կոմունայում, ֆյորդից հարավ-արևմուտք, գտնվում է Ստասբուրսդալեն ազգային պարկը, որտեղ գտնվում է ամենահյուսիսային սոճու անտառը:

Կոմունայի տարածքում կարելի է ականատես լինել նաև սպիտակ գիշերների, որոնք լինում են մայիսի 16-ից հուլիսի 27-ը ընկած ժամանակահատվածում: Բևեռային գիշերները տևում են նոյեմբերի 25-ից հունվարի 16-ը: Տարածաշրջանը հայտնի է իր ֆաունայով: Այստեղ հանդիպում են բազմաթիվ անհետացող կենդանատեսակներ: Ամռանը ափերին ձվադրում են հազարավոր թռչուններ:

Բնակչություն[խմբագրել | խմբագրել կոդը]

2012 թվականի տվյալներով կոմունայում բնակվում է 3946 մարդ: Պորսանգերը Նորվեգիայի միակ կոմունան է, որտեղ գործում է միանգամից 3 պաշտոնական լեզու՝ Բուկմոլը, Հյուսիսսաամերենը և Քվեներենը[2]:

Տնտեսություն[խմբագրել | խմբագրել կոդը]

Պորսանգերի տնտեսության մեջ զգալի դեր է կատարում կոմունայում տեղակայված Նորվեգիայի զինված ուժերի ռազմաբազան և օդանավակայանը, որի թռիչքուղին օգտագործվում է նաև քաղաքացիական օդանավերի կողմից: Այստեղ է գտնվում աշխարհի ամենահյուսիսային գինեգործական գործարանը: Որպես հումք ծառայում է ակնաթուփի պտուղները:

Հասարակական կյանք[խմբագրել | խմբագրել կոդը]

Կոմունայում գործում է սաամերենով հրապարակվող Ságat թերթ:

Պատկերասրահ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

  • SSB: Befolkningsstatistikk
  • 2,0 2,1 "Jukvam, Dag. «Historisk oversikt over endringer i kommune- og fylkesinndelingen»