Պոմբիա սաֆարի-պարկ
Տեսակ | safari park?, կենդանաբանական այգի և զվարճանքի այգի |
---|---|
Երկիր | Իտալիա |
Վարչատարածք | Պոմբիա |
Աշխարհագրական տեղադրաում | Պոմբիա |
Հիմնվել է | 1976 |
Մակերես | 40 հեկտար |
Անդամակցություն | Կենդանաբանական այգիների և ակվարիումների եվրոպական միություն |
Պոմբիա սաֆարի-պարկ (իտալ.՝ Safari Park di Pombia), կենդանաբանական այգի և զվարճանքի զբոսայգի Հյուսիսային Իտալիայում, Պիեմոնտ մարզի Պոմբիա կոմունայում։ Պարկը ստեղծվել է 1976 թվականին, Անջելո Լոմբարդիի կողմից։ Զբաղեցնում է 400 հազար մետր քառ. տարածք[1]։ 1999 թվականին, երբ արդեն այգին խարխլվել էր, Օրֆեո Տրիբերտին ձեռք է բերում այն և սկսում լայնամասշտաբ վերակառուցողական աշխատանքներ։ Նրա օրոք, այգին բաժանված էր երկու գոտիների՝ սաֆարի-պարկ և զվարճանքների այգի։ Սաֆարի-պարկը համագործակցում է Թուրինի համալսարանի անասնաբուժության ֆակուլտետի հետ և անցկացնում մի շարք հետազոտական նախագծեր, մասնավորապես՝ գյուղատնտեսական կենդանիների պաթոլոգիայի և հազվադեպ տեսակների ոչնչացման կանխարգելման վերաբերյալ։ Այգում ապրում են ավելի քան 600 տեսակի կենդանիներ։
Այգին ուշագրավ է նրանով, որ այստեղ ապրում են սպիտակ առյուծներ (ալբինոսներ), որոնք 2004[2] և 2006 թվականներին ձագեր են ունեցել[3]։ 2011 թվականի հուլիսին Պոմբիա սաֆարի-պարկում հիմնադրվել է Sos Elephants շահույթ չհետապնդող հիմնադրամը, որի նպատակն է պահպանել բորնեյան փղերին[4]։
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «ItaliaParchi». Արխիվացված է օրիգինալից 2015 թ․ հոկտեմբերի 2-ին. Վերցված է 2018 թ․ հունիսի 2-ին.
- ↑ Repubblica.it 2006
- ↑ unannoinpiemonte.com
- ↑ La Stampa 2014