Պոլկի նեղուց
| Մասն է | • Ջրոլորտ • Համաշխարհային օվկիանոս • Հնդկական օվկիանոս  | |
|---|---|---|
| Inflows | Malvathu River, Mandekal Aru, Nay Aru, Pali Aru, Pallavarayankaddu Aru, Parangi Aru | |
| Ավազանի երկիր | Հնդկաստան | |
| Երկիր | Շրի Լանկա | |
| Կոորդինատներ | 9°50′0″N 79°30′0″E | |
Պոլկի նեղուց[1], (անգլ.՝ Palk Strait) նեղուց Հնդկական օվկիանոսում, որը բաժանում է Շրի Լանկա կղզու հյուսիսային ծայրը Հինդուստան թերակղզուց։ Պալկի ծոցի միջոցով միացնում է Բենգալյան ծոցը Լակադիվ ծովի վրա գտնվող Մաննար ծոցի հետ[2]։ Երկարությունը մոտ 150 կմ է, ամենափոքր լայնությունը՝ 55 կմ, խորությունը՝ 2-ից 9 մ[3]։ Անվանվել է անգլիացի պետական գործիչ, Մադրաս (Բրիտանական Հնդկաստան) նահանգի նահանգապետ Ռոբերտ Պոլկի անունով[4]։
Աշխարհագրություն
[խմբագրել | խմբագրել կոդը]Պոլկի նեղուցը իր հարավային ծայրում ցածր կղզիների և խութերի շարք ունի, որը կոչվում է Ադամի կամուրջ[4], և հինդուական դիցաբանության մեջ պատմականորեն հայտնի է որպես «Ռամ Սեթու», այսինքն՝ Ռամայի կամուրջ[5]: Այս շղթան տարածվում է Թամիլ Նադուի ամբան (նաև կոչվում է Ռամեսվարամ) կղզու Դհանուսկոդիի և Շրի Լանկայի մոտ գտնվող Մաննար կղզու: Փամբան կղզին միանում է Հնդկաստանի մայրցամաքին Փամբան կամրջով։
Տրանսպորտ
[խմբագրել | խմբագրել կոդը]1914 թվականից ի վեր Մադրասից կանոնավոր գնացքներ են եղել Դհանուշկոդի գյուղ, այնուհետև լաստանավ` դեպի Թալայմաննար, որը գտնվում է Մաննար կղզում, իսկ հետո գնացք` դեպի Կոլոմբո։ 1964 թվականին ցիկլոնը ոչնչացրել է Դհանուշկոդին և երկաթուղին և լուրջ վնասներ հասցրել Պոլկի նեղուցի և Պոլկ ծովածոցի ափերին[6][7][8]։ Դհանուշկոդին չի վերակառուցվել, իսկ Շրի Լանկայի Թալայմաննարից մինչև Մահավիլաչչիյա երկաթգիծը չվերսկսվել իր աշխատանքը քաղաքացիական պատերազմի պատճառով: 2011 թվականին վերականգնվել է Պոլկի նեղուցով լաստանավային հաղորդակցությունը[9], իսկ 2015 թվականին երկաթուղին ամբողջությամբ վերակառուցվել է և բացվել[10]։
Առաջարկվող ծովային ուղի
[խմբագրել | խմբագրել կոդը]Նեղուցի ծանծաղ ջրերն ու խութերը դժվարացնում են մեծ նավերի անցումը, չնայած որ ձկնորսական նավակները և ափամերձ առևտրով զբաղվող փոքր նավերը դարեր շարունակ նավարկել են նեղուցով։ Խոշոր նավերը պետք է նավարկեն Շրի Լանկայում: Նեղուցով տրանսպորտային ջրանցքի կառուցումն առաջին անգամ առաջարկվել է Հնդկաստանի բրիտանական կառավարությանը 1860 թվականին, և մի շարք հանձնաժողովներ ուսումնասիրել են առաջարկը: Սեթուսամուդրամ նավի ջրանցքի նախագծի ամենավերջին ուսումնասիրությունը, ինչպես այն այժմ կոչվում է, շրջակա միջավայրի վրա ազդեցության գնահատումն ու տեխնիկատնտեսական հիմնավորումն էր, որը պատվիրվել էր Թամիլ Նադուի կառավարության կողմից 2004 թվականին:
Այնուամենայնիվ, շինարարության ծրագիրը բախվել է տարբեր կրոնական շրջանակների հակազդեցությանը։ Հնդկական «Ռամայանա» էպիկական պոեմը, որը գրվել է հազարավոր տարիներ առաջ սանսկրիտով, պատմում է, թե ինչպես է Ռաման վանարական բանակի օգնությամբ քարե կամուրջ կառուցել ծովի վրայով դեպի Լանկա՝ փրկելու իր կնոջը՝ Սիտային Ասուրայից՝ Ռավանայի թագավորից: Ռամ Կարմաբխումի շարժումը, որն աջակցում է ՆԱՍԱ-ի Ռամ Սետու արբանյակային լուսանկարչությանը, ստեղծվել է նավային ջրանցքի կառուցումը կանխելու համար[11]։
Առաջարկ կա նաև երկաթուղային թունել կառուցել Հնդկաստանն ու Շրի Լանկան միացնող ստորջրյա ջրանցքի վրա, որն անցնելու է Պոլկի նեղուցով[12]։
Ծանոթագրություններ
[խմբագրել | խմբագրել կոդը]- ↑ Կաղապար:СГН
- ↑ Южный Индостан, Шри-Ланка // Атлас мира / сост. и подгот. к изд. ПКО «Картография» в 1999 г. ; отв. ред. Т. Г. Новикова, Т. М. Воробьёва. — 3-е изд., стер., отпеч. в 2002 г. с диапоз. 1999 г. — М. : Роскартография, 2002. — С. 163. — ISBN 5-85120-055-3.
- ↑ Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ 4,0 4,1 Chisholm, Hugh, ed. (1911). . Encyclopædia Britannica (անգլերեն) (11th ed.). Cambridge University Press.
- ↑ Adam's bridge-ը Բրիտանիկա հանրագիտարանում
- ↑ «India Train, 150 Aboard, Swept Away By Big Wave». UPI. 1964-12-26. էջ 3A. Արխիվացված է օրիգինալից 2020-07-26-ին. Վերցված է 2019-11-11-ին.
- ↑ «1,800 Asians Feared Dead After Cyclone and Tidal Wave». UPI. 1964-12-28. էջ 4. Արխիվացված է օրիգինալից 2020-07-26-ին. Վերցված է 2019-11-11-ին.
- ↑ «Ships, Planes Search for Survivors». A.A.P.-Reuters. 1964-12-28. էջ 4. Արխիվացված է օրիգինալից 2020-07-26-ին. Վերցված է 2019-11-11-ին.
- ↑ «Sri Lanka, India to relaunch ferry service after three decades». Արխիվացված է օրիգինալից 2020-08-01-ին. Վերցված է 2019-11-11-ին.
- ↑ «PM Narendra Modi Flags off Train Service at Talaimannar in Sri Lanka». Արխիվացված է օրիգինալից 2019-09-29-ին. Վերցված է 2019-10-20-ին.
- ↑ «Hanuman bridge is myth: Experts». Արխիվացված է օրիգինալից 2019-03-24-ին. Վերցված է 2019-11-11-ին.
- ↑ «The Tunnel from India to Sri Lanka». Արխիվացված է օրիգինալից 2020-01-03-ին. Վերցված է 2019-11-11-ին.