Պյոտր Նոսով

Պյոտր Նոսով
Ծննդյան թիվ՝	ապրիլի 23, 1907(1907-04-23)
Ծննդավայր՝	Կիև, Ռուսական կայսրություն
Վախճանի թիվ՝	հուլիսի 11, 1971(1971-07-11) (64 տարեկան)
Վախճանի վայր՝	Մոսկվա, ԽՍՀՄ
Քաղաքացիություն՝	ԽՍՀՄ  Ռուսական կայսրություն Ուկրաինայի Ժողովրդական Հանրապետություն
Մասնագիտություն՝	ռեժիսոր, նկարիչ, կինոռեժիսոր, մուլտիպլիկատոր և սցենարիստ
Պարգևներ՝
IMDb։	ID 2725238

Պյոտր Նոսով (ուկրաիներեն՝ Петро Миколайович Носов), ապրիլի 23, 1907(1907-04-23), Կիև, Ռուսական կայսրություն - հուլիսի 11, 1971(1971-07-11), Մոսկվա, ԽՍՀՄ), խորհրդային ռեժիսոր-մուլտիպլիկատոր, սցենարիստ և բեմադրող նկարիչ:

Կենսագրություն

Ծնվել է 1907 թվականի ապրիլի 23-ին Կիևում: Գրող` Նիկոլայ Նոսովի ավագ եղբայրն է: 1923-1924 թվականներին սովորել է գեղարվեստա-արդյունաբերական արհեստագիտական դպրոցում: 1927-1929 թվականներին սովորել է Կիևի գեղարվեստի ինստիտուտի կինոթատրոնի ֆակուլտետում: 1931 թվականին նրա անունն առաջին անգամ որպես նկարիչ հիշատակվել է ռեժիսորներ` Լև Ատամանովի և Վլադիմիր Սուտեևի «Լայնակի փողոցը» մուլտֆիլմի տիտրում, որը նկարահանվել է «Մեժրաբպոմֆիլմ» կինոստուդիայում: Հետագա տարիներին աշխատել է «Կոկորդիլոս» երգիծական մուլտիպլիկացիոն ամսագրի թողարկման վրա: 1934-1942 թվականներին Նոսովը նկարիչ-մուլտիպլիկատորից դարձել է բեմադրող նկարիչ: Սկզբում աշխատել է «Մոսկինոկոմբինատ»-ում, այնուհետև` «Մոսֆիլմ»-ում և վերջապես` «Սոյուզմուլտֆիլմ»-ում: 1943 թվականին անցնում է ռեժիսորական գործունեության: 1944-1954 թվականներին ռեժիսոր` Օլգա Խոդատաևայի ստեղծագործական ընկերակցությամբ միաժամանակ աշխատել է համառեժիսոր և բեմադրող նկարիչ: Ինչպես նաև համագործակցել է Վիկտոր Սմիրնովի հետ: 1955 թվականից որպես ռեժիսոր սկսել է ինքնուրույն աշխատել։

Պյոտր Նոսովի հետ աշխատել են այնպիսի նկարիչներ, ինչպիսիք են` Վլադիմիր Արբեկովը, Կոնստանտին Կարպովը, Պյոտոր Ռեպկինը, Իգոր Զնամենսկին, Մաքս Ժերեբչևսկին և ուրիշներ:

Մահացել է 1971 թվականի հուլիսի 11-ին Մոսկվայում:

Ստեղծագործություն

Ռեժիսոր

1. 1932 թվական` Կինո-կոկորդիլոս №5
2. 1940 թվական` Արջուկը
3. 1942 թվական` Տոնածառը (Ամանորյա հեքիաթ)
4. 1944 թվական` Երգ Չապաևի մասին
5. 1945 թվական` Վերնատնակ
6. 1948 թվական` Ամանորի գիշեր
7. 1949 թվական` Ժամային դաշտեր
8. 1954 թվական` Երեք պարկ խորամանկություն
9. 1955 թվական` Աքլորիկ, ոսկե կատարիկ
10. 1955 թվական` Կռվարար արջուկը
11. 1956 թվական` Կարկանդակիկ
12. 1957 թվական` Գայլն ու յոթ ուլիկները
13. 1958 թվական` Աղվեսն ու գայլը
14. 1959 թվական` Ամանորյա ճանապարհորդություն
15. 1960 թվական` Վինտիկն ու Շպունտիկը՝ ուրախ վարպետներ
16. 1960 թվական` Մուրզիլկան և հսկան
17. 1961 թվական` Անգետիկը սովորում է
18. 1962 թվական` Լուսատտիկ № 2
19. 1963 թվական` Վազի՛ր առվակ
20. 1963 թվական` Հետախույզ
21. 1964 թվական` Չթե փողոցը
22. 1965 թվական` Լուսատտիկ № 6
23. 1966 թվական` Լուսատտիկ № 7
24. 1967 թվական` Հայելի
25. 1968 թվական` Ամենամեծ ընկերը
26. 1969 թվական` Գողացված ամիս
27. 1969 թվական` Աղվեսը, արջը և անվասայլակով մոտոցիկլետը
28. 1971 թվական` Անտառային ժամանակագրություն

Սցենարիստ

1. 1942 թվական` Տոնածառը (Ամանորյա հեքիաթ)
2. 1948 թվական` Ամանորի գիշեր
3. 1955 թվական` Աքլորիկ, ոսկե կատարիկ

Բեմադրող նկարիչ

• 1931 թվական` Լայնակի փողոցը
• 1938 թվական` Փոքրիկ Մուքը
• 1945 թվական` Վերնատնակ
• 1946 թվական` Վախի աչքերը մեծ են
• 1948 թվական` Ամանորի գիշեր
• 1950 թվական` Հրաշք ջրաղացը
• 1951 թվական` Տայգայական հեքիաթ
• 1952 թվական` Սարմիկո
• 1953 թվական` Քույրիկ Ալյոնուշկան և եղբայր Իվանուշկան

Նկարիչ

• 1936 թվական` Շինարար աղվեսը
• 1938 թվական` Մատնաչափիկը

Մրցանակներ

• «Աշխատանքային արիության համար» մեդալ` (1950 թվականի մարտի 6)` խորհրդային կինեմատոգրաֆիայի զարգացման գործում ունեցած ակնառու ծառայությունների համար, 30-ամյակի կապակցությամբ:

Գրականություն

• Сергей Капков Энциклопедия отечественной мультипликации. — М.: Алгоритм, 2006. — С. 477—478. — 816 с. — 3000 экз. — ISBN 5-9265-0319-4