Պյոտր Խրոմով
Պյոտր Խրոմով | |
|---|---|
 | |
| Ծնվել է | 1904[1] |
| Ծննդավայր | Ռուսական կայսրություն |
| Վախճանվել է | մարտի 15, 1942 |
| Վախճանի վայր | Բոլշեկրեպրինսկի շրջան, ՌԽՖՍՀ, ԽՍՀՄ |
| Գերեզման | Ռոստովի մարզ |
| Մասնագիտություն | գրող |
| Լեզու | ռուսերեն |
| Քաղաքացիություն | .svg){kind=small} ԽՍՀՄ |
Պյոտր Ֆիլիպովիչ Խրոմով (ռուս.՝ Пётр Фили́ппович Хро́мов, 1904[1], Ռուսական կայսրություն - մարտի 15, 1942, Բոլշեկրեպրինսկի շրջան, ՌԽՖՍՀ, ԽՍՀՄ[2]), ռուս խորհրդային բանաստեղծ, որը զոհվել է Հայրենական մեծ պատերազմում։
Կենսագրություն[խմբագրել | խմբագրել կոդը]
Ծնվել է Կուբանի կազակական սպայի ընտանիքում[3]։
Ապագա բանաստեղծի մանկությունն ու երիտասարդությունը անցել են Կուբանի մարզի (այժմ՝ Կրասնոդարի երկրամասի Կուրգանինսկի շրջան) Տեմիրգոևսկայա ստանիցայում[4]։
Գյուղում ապրելու տարիներին, դեռևս դպրոցում, սկսել է գրել բանաստեղծություններ[5]։ Դպրոցն ավարտելուց հետո ընդունվել է Կրասնոդարի գեղարվեստական տեխնիկում[4]։ Այնուհետև տեղափոխվել է Դոնի Ռոստով, ընդունվել Դոնի Ռոստովի պետական մանկավարժական ինստիտուտ[2]։
Աշխատել է Դոնի Ռոստովի օդանավակայանում[4]։
1920-ական թվականների վերջերից Խրոմովի բանաստեղծությունները հայտնվել են Հյուսիսկովկասյան երկրամասի պարբերականներում՝ «Նա պոդյոմե», «Սովետսկի Սևեռնի Կավկազ» ամսագրերում, «Լիտերարտուրնի Ռոստով» ալմանախում, «Բոլշևիստսկայա սմենա», «Կոլխոզնայա պրավդա» և «Մոլոտ» թերթերում[2]։ Նրա բանաստեղծությունները հրապարակել են նաև կենտրոնական ամսագրերը, մասնավորապես՝ «Կրասնայա նովը»[6], «Կոստյորը» և ուրիշները։
Մասնակցել է Գյուղացիական գրողների համառուսաստանյան ընկերության գործունեությանը։
Խրոմովի բանաստեղծություններում զգալի տեղ է հատկացվել խորհրդային գյուղի կյանքի նկարագրությանը, կոլեկտիվացմանը։ Նա սիրով պատկերել է հայրենի բնությունը։ Քիչ տողեր չի նվիրել աշխատանքի մարդկանց, ծովային ճանապարհորդությունների ռոմանտիկային և օդաչուներին[7]։
Ուժերը փորձել է նաև արձակում՝ գրելով «Հարևան», «Միշկայի հիվանդությունը» և այլ պատմվածքներ, ինչպես նաև մի շարք ակնարկներ[2]։
Խրոմովին աջակցել է Ալեքսանդր Ֆադեևը[6]՝ ստեղծագործությունները հրապարակելով ամսագրերում, տալով արժեքավոր խորհուրդներ, նշելով հաջողությունները[8]։
Խրոմովի ընկերոջ՝ գրող Միխայիլ Օբուխովի վկայությամբ՝ Խրոմովի բանաստեղծությունները բարձր էր գնահատում նաև Միխայիլ Իսակովսկին[6]։
Խրոմովի կյանքի ընթացքում լույս է տեսել նրա բանաստեղծությունների ընդամենը երկու ժողովածու՝ 1939 թվականին երեխաների համար՝ «Ինքնաթիռ» գրքույկը, իսկ 1940 թվականին՝ «Թարմ քամին»։
Հայրենական մեծ պատերազմը սկսվելուն պես Խրոմովը զորակոչվել է Կարմիր բանակ։ Լեյտենանտի կոչումով ավարտելով կարճ դասընթացները[4]՝ գնդապետ Ս. Կ. Պոտեխինի փառապանծ Իրկուտսկի 30-րդ հրաձգային դիվիզիայի[9] շարքերում մասնակցել է Հարավային ռազմաճակատի մարտերին։
1942 թվականի մարտի 15-ին, զինվորներին իր հետևից հակագրոհի տանելիս, ծանր վիրավորվել է[10]։ Մահացել է նույն օրը հոսպիտալի ճանապարհին[10]։
Թաղված է Ռոստովի մարզի Բոլշեկրեպրինսկի շրջանի թիվ 16 եղբայրական գերեզմանում[11]։
Հիշատակ[խմբագրել | խմբագրել կոդը]
- 2005 թվականին Տեմիրգոևսկայա ստանիցայում ի հիշատակ Խրոմովի փակցվել է հուշատախտակ[4]։
- Խրոմովի հիշատակին էր նվիրված Կուրգանինսկի շրջանի գրականության և արվեստի «Ոսկե Վարդ» առաջին տոնը, որն անցկացվել է Տեմիրգոևսկայա ստանիցայում։
- Արդեն բանաստեղծի մահից հետո 1960-ական թվականներին Ռոստովի գրահրատարակչությունում լույս են տեսել նրա բանաստեղծությունների երկու գրքերը։
- 2005 թվականին «Ժիվիցա» հրատարակչությունը (Դոնի Ռոստով) «Պառնասոսի ուղով» շարքի 11-րդ ժողովածուում տպագրել է Պյոտր Խրոմովի «Ամպերի տանիքի տակ» բանաստեղծությունների գիրքը։
Գրքեր[խմբագրել | խմբագրել կոդը]
- Самолет: [Стихи. Для мл. возраста] / Рис. А. Глуховцева. — [Ростов-н/Д]: Ростиздат, 1939. — 20 000 экз.
- Свежий ветер: Стихи. — Ростов-н/Д: Ростиздат, 1940. — 56 с. — 3000 экз.
- Свежий ветер: [Стихи] / [Сост. А. Г. Гарнакерьян]. — Ростов-н/Д: Кн. изд-во, 1961. — 54 с. — 2000 экз.
- [Стихи] / Сост. Д. Долинский. — Ростов-н/Д: Кн. изд-во, 1967. — 23 с. — 3000 экз.
Ծանոթագրություններ[խմբագրել | խմբագրել կոդը]
- ↑ 1,0 1,1 NUKAT — 2002.
- ↑ 2,0 2,1 2,2 2,3 Писатели Советского Дона. — Ростов-н/Д, 1948. — С. 99.
- ↑ И. М. Гегузин, 1981
- ↑ 4,0 4,1 4,2 4,3 4,4 «В Темиргоевской открыли мемориальную доску поэту П. Хромову». ЮГА.ру. 2005 թ․ նոյեմբերի 4. Արխիվացված օրիգինալից 2012 թ․ հուլիսի 30-ին. Վերցված է 2019 թ․ սեպտեմբերի 10-ին.
- ↑ И. М. Гегузин, 1989
- ↑ 6,0 6,1 6,2 И. М. Гегузин, 1989, էջ 129
- ↑ И. М. Гегузин, 1989, էջ 133
- ↑ И. М. Гегузин, 1989, էջ 131
- ↑ «Приказ об исключении из списков». ОБД «Мемориал». Արխիվացված օրիգինալից 2012 թ․ հուլիսի 30-ին. Վերցված է 2020 թ․ սեպտեմբերի 17-ին.
- ↑ 10,0 10,1 И. М. Гегузин, 1989, էջ 134
- ↑ «Донесение о безвозвратных потерях». ОБД «Мемориал». Արխիվացված օրիգինալից 2012 թ․ հուլիսի 30-ին. Վերցված է 2020 թ․ սեպտեմբերի 17-ին.
Գրականություն[խմբագրել | խմբագրել կոդը]
- Гегузин И. М. С кровавых не пришедшие полей: Очерки о ростовских поэтах, погибших за Родину. — Ростов-н/Д: Кн. изд-во, 1981. — 173 с.
- Гегузин И. М. Писал, как чувствовал, как жил… // Гегузин И. М. Страницы ростовской летописи: Краеведческие очерки о событиях и людях, увековеченных в мемориальных досках. — 2-е изд., испр. и доп. — Ростов-н/Д: Ростовское обл. отд-е Всерос. о-ва охраны памятников и культуры, 1989. — Т. 2. — С. 128—135. — 282 с. — 2000 экз.
- Писатели Советского Дона: Био-библиогр. справочник. Вып. 1 и 2 / [Сост.: Д. И. Руманова, Д. К. Жак и др.]. — Ростов н/Д: Тип. изд-ва «Молот», 1948. — С. 99—100. — 112 с. — (Рост. гос. науч. б-ка им. К. Маркса). — 2500 экз.
