Պլոեշտի

Քաղաք
Պլոեշտի
ռում.՝ Ploiești
Դրոշ Զինանշան
Երկիր	Ռումինիա
Հիմնադրված է	1596 թ.
Մակերես	58, 2 կմ²
ԲԾՄ	561 մ
Բնակչություն	197 542 մարդ (2011)
Տեղաբնականուն	santaeufemianos, calabreses
Ժամային գոտի	UTC+2
Հեռախոսային կոդ	(+40) 02 44
Փոստային ինդեքս	100xxx
Փոստային ինդեքսներ	100001–100585
Ավտոմոբիլային կոդ	PH
Պաշտոնական կայք	ploiesti.ro
Պլոեշտի Վիքիպահեստում

Պլոեշտի (ռում.՝ Ploiești), քաղաք Ռումինիայի հարավում։ Պրահովա գավառի վարչական կենտրոնն է։ 199 հզ․ բն․ (1977)։

Տրանսպորտային կարևոր հանգույց է (7 երկաթուղագծերի, ավտոճանապարհների, նավթագազամուղների), նավթարդյունահանման շրջանի կենտրոնը։

Արդյունաբերություն

Արդյունահանվում է նաև բնական գազ, գորշ ածուխ, քարաղ։ Առաջատար են նավթավերամշակումը, մեքենաշինությունը (նավթային և քիմիական սարքավորումներ, առանցքակալներ, տրանսպորտային միջոցներ) և սննդի արդյունաբերությունը։ Կան քիմիական տեքստիլ, ապակու-հախճապակու, կաշվի, պոլիգրաֆիայի ձեռնարկություններ, շինանյութերի արտադրություն, ՋԷԿ։

Պատմություն

Ենթադրվում է, որ հայերը Պլոեշտիում հաստատվել են ուշ միջնադարում։ Պլոեշտիի փոքրաքանակ հայկական գաղութը ստվարացել է առաջին համաշխարհային պատերազմի տարիներին, երբ Արևմտյան Հայաստանի և Թուրքիայի տարբեր շրջաններից բռնագաղթի ենթարկված որոշ թվով հայեր հաստատվել են այնտեղ։ Պլոեշտիի հայերը զբաղվել են առետրով և արհեստներով, աշխատել նավթարդյունաբերության մեջ։ 1935 թվականին Պլոեշտիում բնակվել է մոտ 200 հայ։ 1936 թվականին ստեղծվել է հայկական մշակույթի ակումբ, կազմակերպվել են հայերենի դասընթացներ, հայագիտական դասախոսություններ։

Երկրորդ համաշխարհային պատերազմից հետո՝ 1946 թվականին և 1948 թվականին, Պլոեշտիի հայերի զգալի մասը ներգաղթել է Խորհրդային Հայաստան։

Արտաքին հղումներ

• Պաշտոնական կայք

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 331)։