Պլատովի ձիարձան (Նովոչերկասկ)

Վիքիպեդիայից՝ ազատ հանրագիտարանից
Jump to navigation Jump to search
Picto infobox architecture.png
Մատվեյ Պլատովի ձիարձան
Здание Вознесенского войскового всеказачего собора в городе Новочеркасске, Ростовская область,Россия.jpg
Ձիարձանի տեսքը հետևից՝ տաճարի ֆոնին
Կոորդինատներ47°24′47″ հս․ լ. 40°06′29″ ավ. ե.HGЯO
Գտնվում էՆովոչերկասկ
Կառուցվել է2003
Կառուցել էԱ. Ա. Սկնարին
Ներկա վիճակըկանգուն

Մատվեյ Պլատովի ձիարձան (ռուս.՝ Конный памятник Матвею Платову), հուշարձան Ռուսաստանի Դաշնության Ռոստովի մարզի Նովոչերկասկ քաղաքում։ Նվիրված է Դոնի կազակական զորքի ատաման, հեծելազորի գեներալ, Ռուսական կայսրության 18-րդ դարի վերջի - 19-րդ դարի սկզբի բոլոր պատերազմների մասնակից Մատվեյ Իվանովիչ Պլատովին (1753-1818)։ Բրոնզե ձիարձանը տեղադրված է Պլատովի պողոտայում՝ Համբարձման զորական մայր տաճարի առջև։ Բացվել է 2003 թվականին։ Հուշարձանի հեղինակներն են քանդակագործ, ՌԴ վաստակավոր նկարիչ (2004) Ա. Ա. Սկնարինը և ճարտարապետ Ի. Ա. Ժուկովը։

Պատմություն[խմբագրել | խմբագրել կոդը]

Դոնի կազակական զորքի ատաման, հեծելազորի գեներալ Մատվեյ Պլատովի բրոնզե ձիարձանը կառուցվել է Ռոստովի մարզի Նովոչերկասկ քաղաքի Պլատովի պողոտայում՝ Համբարձման զորական մայր տաճարի առջև։ Հուշարձանը բացվել է 2003 թվականի օգոստոսի 23-ին՝ Մատվեյ Պլատովի 250-ամյա հոբելյանի օրերին։

Հուշարձանի նախագծի հեղինակներն են քանդակագործ, Ռուսաստանի Դաշնության վաստակավոր նկարիչ (2004) Ա. Ա. Սկնարինը և ճարտարապետ Ի. Ա. Ժուկովը։

Հուշարձանի հետնամասում, գրանիտե պատվանդանին, փակցված է մետաղյա հուշատախտակ, որի վրա գրված է.

Aquote1.png Հուշարձանը տեղադրել են Դոնի մեծ զորքի ատամաններն ու կազակները՝ Դոնի երկրամասի մեծ որդու, ռուս հայտնի զորավար, հեծելազորի գեներալ, Օքսֆորդի համալսարանի դոկտոր, բանակային ատաման, կոմս Մատվեյ Իվանովիչ Պլատովի 250-ամյակի առթիվ։ Տեղադրվել է զորական ատաման Վ. Պ. Վոդոլացկու օրոք՝ Ռոստովի մարզի նահանգապետ Վ. Ֆ. Չուբի, Նովոչերկասկի քաղաքապետ Ա. Պ. Վոլկովի կառավարման ժամանակ։ Քանդակագործ՝ Ա. Ա. Սկնարին։ Ճարտարապետ՝ Ի. Ա. Ժուկով։ Ձուլված է բրոնզից «ՌՊՇՀ[1] Ակադեմ-Արտ-մաստեր» արվեստանոցում 2003 թվականին։ Aquote2.png

Պատվանդանի դիմային կողմում թղթագլանի տեսքով մետաղական տախտակին արված է հետևյալ մակագրությունը.

Aquote1.png Պլատով Մատվեյ Իվանովիչ։ Aquote2.png


Հուշարձանի բարձրությունը պատվանդանով մոտ ութ մետր է։ Բրոնզե ձիավորի քանդակի բարձրությունը 3 մետր 20 սանտիմետր է, քաշը՝ մոտ երեք տոննա[2]։ Զորավար Մ. Ի. Պլատովը բազմել է ձիու վրա, նրա ձեռքին հուսարական գլխարկ է, հագուստը զարդարում են շքանշանները, կողքից կախված է թուրը։ Հուշարձանի տարածքը բարեկարգ է։

Ծանոթագրություններ[խմբագրել | խմբագրել կոդը]

  1. Ռոստովի պետական շինարարական համալսարան
  2. Памятники Платову

Գրականություն[խմբագրել | խմբագրել կոդը]

  • Новочеркасск. Энциклопедия. Новочеркасск. Изд. Новопринт. 2005. ISBN 5-94549-006-7.

Արտաքին հղումներ[խմբագրել | խմբագրել կոդը]