Պի թվի օր

Վաթերլոյի համալսարանում $\pi$ թվի օրը առաջարկվում է անվճար կարկանդակ (pie)

Պի թվի օրը, տոնում են որոշ մաթեմատիկոսներ մարտի 14-ին (ամիս/ամսաթիվ ֆորմատով՝ 3/14), որը համընկնում է պի թվի առաջին երեք նիշի հետ։ Պի թվի հետ է կապված նաև հուլիսի 22-ը՝ «Մոտավոր $\pi$ թվի օրը» (անգլ.՝ Pi Approximation Day), այն բանի շնորհիվ, որ ամսաթվերի եվրոպական ձևաչափով այդ օրը գրվում է 22/7, իսկ այդ տեսքով գրված կոտորակը համապատասխանում է $\pi$-ի մոտավոր արժեքին։

Պի թվի օրը նաև այն օրն է, երբ 76 տարեկան հասակում մահացել է հայտնի ֆիզիկոս Սթիվեն Հոքինգը։

Ծագում

Տոնակատարության սկիզբը 1987 թ. դրել է Սան Ֆրանցիսկոյում ապրող ֆիզիկոս Լարի Շոուն (անգլերեն՝ Larry Shaw)։ Նա նկատել է, որ ամսաթվերի ամերիկյան համակարգով գրված մարտի 14-ը՝ 3/14 և նրան հաջորդող ժամը մեկն անց հիսունինը րոպե քսանվեց վայրկյանը՝ 1։59։26 համընկնում են պի թվի առաջին նիշերին՝ $\pi$=3.1415926։

Հատկանշական է նաև այն, որ հենց այդ օրն է ծնվել Ալբերտ Այնշտայնը։

Տոնակատարությունը

Տոնակատարությունն արվում է մարտի 14-ի գիշերվա 1։59-ին, քանի որ ցերեկվա այդ նույն ժամը, այնուամենայնիվ, գրվում է այլ ձևով՝ 13։59։ Մյուս դեպքում՝ ամեն տարվա հուլիսի 22-ին։

Տոնակատարության ժամանակ ձոն են կարդում $\pi$ թվին, պատմում մարդկության կյանքում նրա դերի մասին, նկարագրում թե կյանքը ինչքան անտանելի կլիներ առանց $\pi$ թվի։ Այդ օրը ուտում են կարկանդակ (անգլ.՝ pie = $\pi$ ), օգտագործում են խմիչքներ և խաղում խաղեր, բոլորը $\pi$ տառով սկսող։

$\pi$ թվի արժեքով հրուշակեղեն

Տես նաև

• Պի թիվ

Արտաքին հղումներ

• $\pi$ թվի օրվա մասին exploratorium.edu կայքում
• Ինչպես տոնել $\pi$ թվի օրը
• «PiDay.org», մարտի 14-ի պաշտոնական կայքը
• $\pi$ թվի օրը տոնելու մասին մտքեր
• $\pi$ թվի պաստառը