Պիրոտի հունական զինվորական գերեզմանոց
| Պիրոտի հունական զինվորական գերեզմանոց | |
|---|---|
 | |
 | |
| Տեսակ | զինվորական գերեզմանոց |
| Տեղագրություն |  Սերբիա, Պիրոտ |
| Երկիր | Սերբիա |
| Հիմնման տարի | 1924 թվական |
| Ազգային կազմ | հունական գերեզմանատուն |
| Կրոնական կազմ | քրիստոնեություն |
| Սեփականատեր | Հունաստանի Հանրապետություն |
Պիրոտի հունական զինվորական գերեզմանոց (հուն․՝ Ελληνικό στρατιωτικό κοιμητήριο του Πίροτ), զինվորական գերեզմանատուն, որը գտնվում է Սերբիայի Պիրոտ փոքրիկ քաղաքում՝ Բուլղարիայի հետ սահմանից մի փոքր հեռավորության վրա։
Գերեզմանատանը հանգչում են Առաջին համաշխարհային պատերազմում կռվող հունական 3-րդ հետևակային դիվիզիայի 358 զինվորների աճյուններ[1]։ Հույն զինվորները մահացել են գերմանացիների և բուլղարացիների դեմ մղվող մարտերի ժամանակ, որոնց նպատակն էր պահպանել Սերբիայի տարածքային ամբողջականությունը։ Պիրոտի գերեզմանոցին կից գործում է նաև սերբական գերեզմանոց, որտեղ թաղված են 7610 սերբ զինվորներ։
Գերեզմանատանը կանգնեցված է հույն-սերբական բարեկամությունը խորհրդանշող հուշակոթող։
Պատմություն[խմբագրել | խմբագրել կոդը]
Հունական 3-րդ հետևակային դիվիզիայի սպաներն ու զինվորները զոհվել են Պիրոտի ճակատամարտում։ Նրանց մի հասն էլ մահացել է 1918-1919 թվականներին Եվրոպայում տարածված իսպանական գրիպից։ Նրանց աճյունները թաղված են տարածաշրջանի մի շարք գերեզմանատներում, այդ թվում և Պիրոտի ռազմական գերեզմանոցում։ 1923 թվականին Կատերինա Լևանտեն ամուսնանալով սերբ Պետար Ստանկովիչի հետ ձեռնամուխ է եղել դիակների մի տեղում հավաքման աշխատանքների իրագործմանը։
Լևանտեն իր այս գործի մասին հետագայում գրեց.
|
Այն բանից հետո, երբ իմացա, որ մեր երեխաները կարող են թաղված լինել այստեղ կորցրեցի հանգիստս։ Տեղացի բնակիչների օգնությամբ մենք գտանք մնացորդները և դրանք հավաքեցինք մեկ տեղում - Կատերինա Լևանտե[2]
|
|
Հունական զինվորական գերեզմանոցի բացման պաշտոնական արարողությունը տեղի է ունեցել 1924 թվականին։ Նույն տարում Պիրոտի քաղաքապետարանը երախտագիտության խոսք հայտնեց հույն ժողովրդին և այն պաշտոնապես հայտարարեց Հունաստանի Հանրապետության տարածք։ Այստեղ տեղադրվել է հույն քանդակագործ Անտոնիոս Սոխոսի հեղինակային աշխատանք հանդիսացող 12 մետրանոց մարմարե սյուն՝ ի նշան սերբ և հույն ժողովրդների դարավոր բարեկամության։
1945 թվականին Հարավսլավիայի կառավարությունը հրաժարվել է ճանաչել գերեզմանոցը, որպես Հունաստանի անկլավային տարածք։ Ամեն տարի բազմաթիվ մարդիկ այցելում են գերեզմանատուն և հարգանքի տուրք մատուցում հանուն Հունաստանի և Սերբիայի անկախության համար կռվող նահատակներին։ 2004 թվականին նորանկախ Սերբիայի կառավարությունը վերահաստատել է գերեզմանատունը, որպես Հունաստանի տարածք Սերբիայում։ Ամեն տարի սեպտեմբեր ամսին այստեղ կատարվում է պաշտոնական արարողություն, որին ներկա են գտնվում բարձրաստիճան սպաներ և հոգևորականներ Սերբիայից և Հունաստանից[3][4]։
Ծանոթագրություններ[խմբագրել | խմբագրել կոդը]
- ↑ Κώστας Ν. Τριανταφύλλου, Ιστορικόν λεξικόν των Πατρών, Εκ του τυπογραφείου Πέτρου Χρ. Κούλη, Πάτρα 1995, λήμμα Πιρότ
- ↑ «Πίροτ, Σερβία: Τελετή μνήμης για τους Έλληνες στρατιώτες που σκοτώθηκαν στον Α' Π.Π. | DefenceNet.gr». Արխիվացված է օրիգինալից 2015 թ․ սեպտեմբերի 23-ին. Վերցված է 2017 թ․ մարտի 7-ին.
- ↑ «Σερβία: Το ελληνικό στρατιωτικό νεκροταφείο του Πίροτ». Արխիվացված է օրիգինալից 2014 թ․ մայիսի 13-ին. Վերցված է 2017 թ․ մարտի 7-ին.
- ↑ Επίσκεψη Κωσταράκου στο ελληνικό στρατιωτικό νεκροταφείο στη Σερβία