Պիրոգովի փողոց (Յալթա)

Պիրոգովի փողոց
Երկիր	Ռուսաստան / Ուկրաինա, Ղրիմ
Գտնվում է	Յալթա
Երկարություն	300 մետր
Անվանվել է	Նիկոլայ Պիրոգով
Փոստային ինդեքս	298604

Պիրոգովի փողոց (ռուս.՝ Пироговская улица), փողոց Ղրիմի Յալթա քաղաքում։ Անվանվել է ռուս գիտնական, վիրաբույժ, մանկավարժ և հասարակական գործիչ Նիկոլայ Իվանովիչ Պիրոգովի (1810-1881) պատվին։ Սկիզբ է առնում Պիոներսկայա փողոցից և ավարտվում Բլյուխերի փողոցի հետ հատումով։ Երկարությունը 300 մետր է։

Նկարագրություն

Յալթա քաղաքի Պիրոգովի փողոցը սկսվում է Պիոներսկայա փողոցից, հատում Կուչերի փողոցը և ավարտվում Բլյուխերի փողոցի հետ հատումով։ Փողոցում կա համարակալված 44 շինություն։ Երկարությունը 300 մետր է։

Պիրոգովի փողոցի փոստային դասիչն է՝ 298604։

Փողոցն անվանվել է ռուս գիտնական, վիրաբույժ, մանկավարժ և հասարակական գործիչ, Սանկտ Պետերբուրգի գիտությունների ակադեմիայի թղթակից անդամ Նիկոլայ Իվանովիչ Պիրոգովի (1810-1881) պատվին։ Նա տեղագրական անատոմիայի և օպերատիվ վիրաբուժության հիմնադիրն է։ Անատոմիական շրջանները, զարկերակներն ու փակեղներն ուսումնասիրելիս մշակել է շերտավոր պատրաստուկների պատրաստման սկզբունքները։ Նպաստել է վիրաբուժության մեջ փորձառական մեթոդի կիրառմանը։ Աշխարհում առաջինն է արտահայտել ոսկրային պլաստիկայի, Ռուսաստանում՝ պլաստիկ վիրահատությունների գաղափարը։ Մշակել է մի շարք կարևոր վիրահատություններ և վիրաբուժական հնարքներ։ Առաջինն է առաջարկել ուղիղաղիքային նարկոզը։ Պիրոգովը ռազմադաշտային վիրաբուժության հիմնադիրն է։ Աշխարհում ռազմադաշտային վիրաբուժության մեջ առաջինն է կիրառել նարկոզը։

Աղբյուրներ

• Пироговская улица в Ялте
• Подробная карта Пироговская улица, город Ялта со спутника с номерами домов, индекс и маршруты, Яндекс, Гугл карта

Արտաքին հղումներ

• г. Ялта, Пироговская улица