Պիրիդոստիգմին

Պիրիդոստիգմին
Նույնացուցիչներ
CAS համար	155-97-5
PubChem CID	4991
DrugBank	00545
CompTox Dashboard (EPA)	DTXSID20165786 ;
	դ; ք; խ;

Պիրիդոստիգմին, կիառվում է միասթենիա գրավիս հիվանդության բուժման համար^[1]։ Հակաապաբևեռացնող մկանապալարիչների (միոռելաքսանտ) ազդեցությունները դադարեցնելու նպատակով այն նաև կիրառվում է ատրոպինի հետ համակցված^[2]։ Դեղամիջոցը ներքին ընդունման է, բայց հնարավոր է կիրառել նաև ներարկելով^[2]։ Ազդեցությունը սկսում է կիրառելուց մոտավորապես 45 րոպե հետո և տևում է 6 ժամ^[2]։

Հիմնական կողմնակի ազդեցություններն են սրտխառնողցը, լուծը, հաճախամիզությունը, և որովայնային ցավը^[2]։ Այլ մի քանի կողմնակի ազդեցություններ են՝ ցածր զարկերակային ճնշումը, թուլությունը, և ալերգիկ ռեակցիաները^[2]։ Հղիության ընթացքում նրա կիրառման անվտանգությունը դեռևս պարզ չէ^[2]։ Պիրիդոստիգմինը ացետիլխոլինէսթերազ ֆերմենտի ինհիբիտոր (ներհակորդ, հակազդիչ) է և պատկանում է անուղղակի խոլինոմիմետիկների շարքին^[2]։ Այն խաթարում է ացետիլխոլինէսթերազ (քայքայում է ացետիլխոլինին) ֆերմենտի աշխատանքը՝ ավելացնելով ացետիլխոլինի քանակությունը^[2]։

Պիրիդոստիգմինը հայտնաբերվել է 1945 թվականին և անցել բժշկական կիրառման 1955 թվականին^[3]։ Այն Առողջապահության համաշխարհային կազմակերպության հիմնական դեղերի ցանկում է, որոնք ամենաանվտանգ և արդյունավետն են մարդու օրգանիզմի համար^[4]։ Պիրիդոստիգմինը արտոնագրված է որպես ջեներիկ դեղ^[2]։ Զարգացող երկրներում արժեքը կազմում է ամսական 7.17–65.93 ԱՄՆ դոլար^[5], իսկ ԱՄՆ-ում 25-50 ԱՄՆ դոլար։

Բժշկական կիրառություն[խմբագրել | խմբագրել կոդը]

Պիրիդոստիգմինը օգտագործվում է միասթենիա գրավիս հիվանդության ժամանակ մկանների թուլությունը վերացնելու նպատակով կամ բնածին միասթենիկ համախտանիշով հիվանդների բուժման ընթացքում, նաև կիրառվում է կուրարենանման մկանապալարիչների թունավոր ազդեցությունների վերացման համար։ ԱՄՆ-ում պիրիդոստիգմին բրոմիդը թույլատրված է կիրառել ռազմական իրավիճակների ընթացքում՝ զոման քիմիական թունավոր նեյրոպարալիտիկ (նյարդալուծանքային) գազի կիրառման պայմաններում ապրելիության հավանականությունը մեծացնելու համար։ Կիրառվել է նաև Իրաքա-քուվեյթյան պատերազմում, որտեղ այն եղել է պատճառիչ գործոն Իրաքա-Քուվեյթյան պատերազմի համախտանիշի առաջացման համար^[6]։

Պիրիդոստիգմինը որոշ դեքերում կիրառվում է օրթոստատիկ հիպոտենզիայի (թերճնշում) բուժման համար^[7]։ Այն կարող է օգտակար լինել աքսոնալ պոլինեյրոպաթիայի ժամանակ կիրառելիս^[8]։

Այն նաև նշանակվում է դիրքային հաճախասրտության համախտանիշի և Էհլերս-Դանլոսի համախտանիշի ժամանակ առաջացած բարդությունները կանխարգելելու նպատակով^[8]^[9]։

Հակացուցումներ[խմբագրել | խմբագրել կոդը]

Պիրիդոստիգմինի բրոմիդը հակացուցված է աղիների և միզուղիների անանցանելիության ժամանակ, իսկ բրոնխային ասթմայի ժամանակ պետք է կիրառել զգուշությամբ^[10]^[11]։

Կողմնակի ազդեցություննէր[խմբագրել | խմբագրել կոդը]

Հիմնական կողմնական ազդեցություններն են^[10]՝

Քրտնարտադրություն
Լուծ (դիարեա)
Սրտխառնոց
Փսխում
Որովայնային ցավեր
Խթանված թքարտադրություն
Կատաղություն
Խթանված բրոնխային լորձարտադրություն
Բբի նեղացում (միոզ)
Անոթալայնացման պատճառով դեմքի կարմրություն
Էրեկտիլ խանգարումներ

Ազդեցության մեխանիզմ[խմբագրել | խմբագրել կոդը]

Պիրիդոստիգմինը սինապտիկ ճեղքում ընկճում է ացետիլխոլինէսթերազ ֆերմենտի աշխատանքը, որով նվազում է ացետիլխոլինի հիդրոլիզը։ Այն չորրորդային ազոտ պարունակող կարբամատ է և դարձելիորեն ընկճում է ացետիլխոլինէսթերազ ֆերմենտի աշխատանքը, չի անցնում արյուն-ուղեղային պատնեշով և կարբամիլացնում է ծայրամասային արյան շրջանառության ամբողջ ացետիլխոլինէսթերազ ֆերմենտի 30%-ը։ Կարբամիլացված ֆերմենտը կարողանում է վերականգնվել ինքնուրույն հիդրոլիզի միջոցով, որից հետո ացետիլխոլինի մակարդակը վերականգնվում է։

Սինապսներով գործողության պոտենցիալը փոխանցվում է շարժիչ նյարդերին Ca²⁺ -ի ներհոսքի և ացետիլխոլինի ձերբազատման միջոցով։ Ացետիլխոլինը անցնում է սինապտիկ ճեղք և կապվում հետսինապսային թաղանթի վրա գտնվող ընկալիչների հետ առաջացնելով Na-ի իոնների ներհոսք և ապաբևեռացում։ Ներհոսքի բավականաչափ քանակի դեպքում առաջանում է գործողության պոտենցիալը։ Ացետիլխոլինի ձերբազատումից հետո, որպեսզի կանխվի ընկալիչների մշտական դրդումը, ացետիլխոլինէսթերազ ֆերմենտը տեղակայվում է հետսինապսային թաղանթի վրա և հիդրոլիզի է ենթարկում ացետիլխոլինին այն ժամանակ, երբ այն ազատվում է ընկալիչից։

Անվանումներ[խմբագրել | խմբագրել կոդը]

Պիրիդոստիգմինը հասանելի է մեստինոն (Valeant Pharmaceuticals), ռեգանոլ և գրավիտոր (SUN Pharma) անվանումներով։

Ծանոթագրություններ[խմբագրել | խմբագրել կոդը]

↑ WHO Model Formulary 2008։ World Health Organization։ 2009։ էջ 429։ ISBN 9789241547659։ Արխիվացված օրիգինալից դեկտեմբերի 13, 2016-ին։ Վերցված է դեկտեմբերի 8, 2016
↑ ^2,0 ^2,1 ^2,2 ^2,3 ^2,4 ^2,5 ^2,6 ^2,7 ^2,8 «Neostigmine Bromide»։ The American Society of Health-System Pharmacists։ Արխիվացված օրիգինալից դեկտեմբերի 21, 2016-ին։ Վերցված է դեկտեմբերի 8, 2016
↑ Fischer Janos, Ganellin C. Robin (2006)։ Analogue-based Drug Discovery (անգլերեն)։ John Wiley & Sons։ էջ 540։ ISBN 9783527607495։ Արխիվացված օրիգինալից 2016-12-20-ին
↑ «WHO Model List of Essential Medicines (19th List)»։ World Health Organization։ April 2015։ Արխիվացված օրիգինալից դեկտեմբերի 13, 2016-ին։ Վերցված է դեկտեմբերի 8, 2016
↑ Hamilton Richart (2015)։ Tarascon Pocket Pharmacopoeia 2015 Deluxe Lab-Coat Edition։ Jones & Bartlett Learning։ էջ 339։ ISBN 9781284057560
↑ Golomb BA (March 2008)։ «Acetylcholinesterase inhibitors and Gulf War illnesses»։ Proceedings of the National Academy of Sciences of the United States of America 105 (11): 4295–300։ Bibcode:2008PNAS..105.4295G։ JSTOR 25461411։ PMC 2393741։ PMID 18332428։ doi:10.1073/pnas.0711986105։ Արխիվացված է օրիգինալից 2015-09-24-ին։ Վերցված է 2019-05-11։ lay summary – Reuters (մարտի 10, 2008)
↑ «Pyridostigmine in the treatment of orthostatic intolerance»։ Annals of Pharmacotherapy 41 (2): 314–8։ 2007։ PMID 17284509։ doi:10.1345/aph.1H458
↑ ^8,0 ^8,1 «Pyridostigmine in the treatment of orthostatic intolerance»։ The Annals of Pharmacotherapy 41 (2): 314–8։ February 2007։ PMID 17284509։ doi:10.1345/aph.1H458
↑ «Pyridostigmine in the treatment of postural orthostatic tachycardia: a single-center experience»։ Pacing and Clinical Electrophysiology 34 (6): 750–5։ June 2011։ PMID 21410722։ doi:10.1111/j.1540-8159.2011.03047.x
↑ ^10,0 ^10,1 Mestinon | Home Archived 2008-05-13 at the Wayback Machine.
↑ Mestinon Official FDA information, side effects and uses Archived 2008-05-24 at the Wayback Machine.

[WHO2008-1] WHO Model Formulary 2008։ World Health Organization։ 2009։ էջ 429։ ISBN 9789241547659։ Արխիվացված օրիգինալից դեկտեմբերի 13, 2016-ին։ Վերցված է դեկտեմբերի 8, 2016

[AHFS2016-2] 2,0 ^2,1 ^2,2 ^2,3 ^2,4 ^2,5 ^2,6 ^2,7 ^2,8 «Neostigmine Bromide»։ The American Society of Health-System Pharmacists։ Արխիվացված օրիգինալից դեկտեմբերի 21, 2016-ին։ Վերցված է դեկտեմբերի 8, 2016

[Fis2006-3] Fischer Janos, Ganellin C. Robin (2006)։ Analogue-based Drug Discovery (անգլերեն)։ John Wiley & Sons։ էջ 540։ ISBN 9783527607495։ Արխիվացված օրիգինալից 2016-12-20-ին

[WHO19th-4] «WHO Model List of Essential Medicines (19th List)»։ World Health Organization։ April 2015։ Արխիվացված օրիգինալից դեկտեմբերի 13, 2016-ին։ Վերցված է դեկտեմբերի 8, 2016

[Ric2015-5] Hamilton Richart (2015)։ Tarascon Pocket Pharmacopoeia 2015 Deluxe Lab-Coat Edition։ Jones & Bartlett Learning։ էջ 339։ ISBN 9781284057560

[Golomb-6] Golomb BA (March 2008)։ «Acetylcholinesterase inhibitors and Gulf War illnesses»։ Proceedings of the National Academy of Sciences of the United States of America 105 (11): 4295–300։ Bibcode:2008PNAS..105.4295G։ JSTOR 25461411։ PMC 2393741։ PMID 18332428։ doi:10.1073/pnas.0711986105։ Արխիվացված է օրիգինալից 2015-09-24-ին։ Վերցված է 2019-05-11։ lay summary – Reuters (մարտի 10, 2008)

[Gales-2007-7] «Pyridostigmine in the treatment of orthostatic intolerance»։ Annals of Pharmacotherapy 41 (2): 314–8։ 2007։ PMID 17284509։ doi:10.1345/aph.1H458

[Galassi-2011-8] 8,0 ^8,1 «Pyridostigmine in the treatment of orthostatic intolerance»։ The Annals of Pharmacotherapy 41 (2): 314–8։ February 2007։ PMID 17284509։ doi:10.1345/aph.1H458

[9] «Pyridostigmine in the treatment of postural orthostatic tachycardia: a single-center experience»։ Pacing and Clinical Electrophysiology 34 (6): 750–5։ June 2011։ PMID 21410722։ doi:10.1111/j.1540-8159.2011.03047.x

[autogenerated1-10] 10,0 ^10,1 Mestinon | Home Archived 2008-05-13 at the Wayback Machine.

[11] Mestinon Official FDA information, side effects and uses Archived 2008-05-24 at the Wayback Machine.

[1]

[2]

[3]

[4]

[5]

[6]

[7]

[8]

[9]

[10]

[11]