Պիսուար

Վիքիպեդիայից՝ ազատ հանրագիտարանից
Jump to navigation Jump to search
Պիսուարներ հասարակական զուգարանում

Պիսուար (ֆր.՝ Pissoir) կամ ուրինալ, զուգարանակոնքի տարատեսակ, որը նախատեսված է բացառապես մեզի արտազատման համար։ Որպես կանոն, կիրառվում է հասարակական զուգարաններում։ Կարող է պատրաստվել տարբեր նյութերից՝ սանֆայանսից, էմալացված մետաղից կամ այլ նյութերից։

Պիսուարները տարբեր պետություններում[խմբագրել | խմբագրել կոդը]

Բաց պիսուար Հաագայում

Իսլամական զուգարանային էթիկետը արգելում է կանգնած դիրքում միզել, ուստի իսլամական պետություններում պիսուարները չեն կիրառվում։ Որոշ պետություններում (Ֆրանսիա, Նիդերլանդներ և այլն) կիրառելի են բաց պիսուարներ։

Կանանց համար նախատեսված պիսուարներ[խմբագրել | խմբագրել կոդը]

Կանանց համար նախատեսված պիսուարից օգտվում են մեջքով դեպի պիսուարը

Արևմտյան աշխարհում ընդունված է, որ կանայք միզարձակման ժամանակ պիտի նստած դիրքով լինեն։ Հավասար հնարավորությունների ստեղծման համար հաճախ են կիրառվում, այսպես կոչված, կանացի պիսուարները, որոնք հարմարեցված են նստելու կամ կքանստելու համար։ Այդ պիսուրաները լայն տարածում չստացան, քանի որ անհարմարավետ են կանանց համար։

Քսաներորդ դարի ավարտին արևմտյան երկրներում ի հայտ եկան հատուկ հարմարանքներ, որոնք թույլ տվեցին կանանց կանգնած դիրքում միզել։ Այդ հարմարանքները հաճախ կոչվում են ուրինելլա։

Շատ հազվադեպ հանդիպում են ունիսեքս պիսուարներ, որոնք նախատեսված են կքանստելու համար և ավելի նման են զուգարանակոնքի։

Պիսուարներն արվեստում[խմբագրել | խմբագրել կոդը]

«Շատրվան», Մարսել Դյուշան

Դադաիզմի հիմնադիր, արվեստագետ և արվեստի տեսաբան Մարսել Դյուշանի աշխարհահռչակ գործը՝ «Շատրվան» ռեդի-մեյդը, իրենից ներկայացնում է պիսուար, որ վրա Դյուշանը ստորագրել է՝ «R. Mutt»։

«Շատրվանը» ստեղծվել է 1917 թվականին և համարվում է դադաիզմի առավել նշանավոր գործերից մեկը և Դյուշանին այսպիսով մոտեցնում է սյուռեալիզմին։ Այս աշխատանքը, ինչպես և բազում այլ ռեդի-մեյդներ, հիմնված է Դյուշանի «հանկարծակիության սկզբունքի» վրա։

Պատկերասրահ[խմբագրել | խմբագրել կոդը]