Պինջուր

Պինջուր
	Պինջուրի բաղադրիչները
Ենթատեսակ	ռելիշ
Առաջացման երկիր	Հյուսիսային Մակեդոնիա, Սերբիա և Բուլղարիա
Հիմնական	բուսական յուղ և eggplant?
	Pindjur Վիքիպահեստում

Պինջուր (սերբ.՝ pinđur / пинђур, բուլղար․՝ пинджур, մակեդոներեն՝ пинџур), սմբուկի խավիար և համանուն սմբուկով սոուս։ Բալկանյան բազմաթիվ երկրների ազգային կերակրատեսակներից մեկը։ Պատրաստում են հիմնականում ամռանը։ Հայտնի է Բուլղարիայում, Սերբիայում, Մակեդոնիայում ու Բոսնիա և Հերցեգովինայում։ Նման է այվարի, բայց տարբերվում է նրանով, որ պատրաստելիս օգտագործում են հենց սմբուկ, այլ ոչ պղպեղ^[1]։

Բաղադրատոմսեր[խմբագրել | խմբագրել կոդը]

Ավանդական բաղադրատոմսում ներառված են ներքոհիշյալ բանջարեղենները՝ սմբուկ, լոլիկ, կարմիր և սև պղպեղ, սոխ, սխտոր, ձեթ, շաքար և աղ։ Պինջուրի պատրաստման գործընթացը սովորաբար տևում է երկար, քանի որ մի քանի բաղադրիչներ պատրաստվում են մի քանի ժամում։ Պատրաստման հերթականությունն է^[2].

Խորովել բանջարեղենները ջեռոցում 40-45 րոպե։
Տեղափոխել դրանք կաթսայի մեջ և լցնել սառը ջուր, հետո փակել կափարիչով և եփել 20 րոպե՝ չափավոր կրակի վրա։
Շոգեխաշված բանջարեղենները սառեցնել, հանել կեղևները և հեռացնել սերմերը պղպեղից։
Բանջարեղենները անցկացնել մսաղացով, թողնել հեղուկը հոսի, ավելացնել մամլիչով անցկացված սխտորը, բուսական յուղը, աղը, պղպեղը և մաղադանոսը։ Մատուցելիս ամբողջը խառնել։

Պինջուրը մատուցում են մսի, կարտոֆիլի և թարմ հացի հետ^[3]։