Պիեռ Դեգեյտեր

Պիեռ Դեգեյտեր
Ծնվել է	հոկտեմբերի 8, 1848(1848-10-08)
Ծննդավայր	Գենտ, Բելգիա
Մահացել է	սեպտեմբերի 26, 1932(1932-09-26) (83 տարեկան)
Մահվան վայր	Սեն Դենի
Քաղաքացիություն	Բելգիա
Մայրենի լեզու	ֆրանսերեն
Կրթություն	Լիլի կոնսերվատորիա
Երկեր	Ինտերնացիոնալ
Մասնագիտություն	կոմպոզիտոր
Pierre De Geyter Վիքիպահեստում

Պիեռ դը Դեգեյտեր (ֆր.՝ Pierre Degeyter, հոլ.՝ Pierre De Geyter, հոկտեմբերի 8, 1848(1848-10-08), Գենտ, Բելգիա - սեպտեմբերի 26, 1932(1932-09-26), Սեն Դենի, Փարիզի մոտ), բելգիացի սոցիալիստ, հետագայում՝ կոմունիստ, կոմպոզիտոր, Ֆրանսիայի կոմունիստական կուսակցության անդամ (1920)։ Առավելապես հայտնի է որպես սոցիալիստական շարժման օրհներգի՝ «Ինտերնացիոնալի» երաժշտության հեղինակ։

Մասնագիտությամբ եղել է կահույքագործ։ Երգել է երգչախմբում, ուսումնասիրել երաժշտության տեսություն, սովորել նվագել։ Մասնակցել է սոցիալիստական հեղափոխությանը։ Եղել է Լիլլի «Բանվորական քնար» երգչախմբային ընկերության խմբավար։ Այդ ընկերության համար 1888 թվականին Էժեն Պոտիեի բանաստեղծության տեքստով գրել է «Ինտերնացիոնալի» երաժշտությունը։ Նոտաները տպվել են Դեգեյտերի ազգանունով, առանց անունի։ Աջ սոցիալիստներն ստիպել են Դեգեյտերի եղբորը՝ Ադոլֆին, վիճարկել երգի հեղինակային իրավունքը։ Երկար դատավարությունից հետո, 1922 թվականին, բարձրագույն վճռաբեկ ատյանը Պիեռ Դեգեյտերին հեղինակ է ճանաչել։

Դեգեյտերի այլ գործերից են «Կոմունար» (տեքստը՝ Է․ Պոտիեի), «Հառաջ, բանվոր դասակարգ», «Մուրճ և մանգաղ», «Ռուսական հեղափոխության հաղթարշավը» (Դեգեյտերի տեքստով)։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 323)։

Վիքիպահեստն ունի նյութեր, որոնք վերաբերում են «Պիեռ Դեգեյտեր» հոդվածին։