Պիետրո Բեմբո

Պիետրո Բեմբո (Bembo) (20․ 5․ 1470, Վենետիկ – 18․ 1․ 1547, Հռոմ), իտալացի գրող, պատմաբան, լատիներեն լեզվի և ոճի տեսաբան։ 1539-ից՝ կարդինալ։

Բեմբոյի երկերի համար հիմք են ծառայել Ցիցերոնի, Բոկաչչոյի և Պետրարկայի ստեղծագործական ավանդները։ Ճանաչվել է սիրո մասին «Ազոլանական զրույցներ» (1505) գրքով։ Արժեքավոր գործերից է իտալերենի լեզվա–ոճական առանձնահատկությունների, տաղաչափության և նորմատիվ քերականության հիմունքներին վերաբերող «Արձակ դատողություն ժողովրդական լեզվի մասին» (1525) աշխատությունը։ Կողմնակից է եղել ազգային գրական լեզվին։ 12 գրքով գրել է Վենետիկի 1487– 1513 թթ․ պատմությունը (լատիներեն, հրտ․ 1551) և թարգմանել է իտալերենի։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 385)։