Պիեռ Կարդեն

Պիեռ Կարդեն ֆր.՝ Pierre Cardin
Ծնվել է	հուլիսի 2, 1922({{padleft:1922|4|0}}-{{padleft:7|2|0}}-{{padleft:2|2|0}}) (95 տարեկան)
Ծննդավայր	Սան Բիաջիո դի Կալալտա, Տրևիզո, Վենետո, Իտալիա
Քաղաքացիություն	Ֆրանսիա
Մասնագիտություն	grand couturier
Պարգևներ և մրցանակներ	Պատվո լեգեոնի շքանշանի ասպետ «Մատուցած ծառայությունների համար» շքանշանի կոմանդոր Արվեստների և գրականության շքանշանի ասպետ Բարեկամության շքանշան Արվեստի և գրականության շքանշան և Order of Merit (Ukraine), 3rd class
Կայք	pierrecardin.com
Pierre Cardin Վիքիպահեստում

Pierre Cardin գնդիկավոր գրիչ

Պիեռ Կարդեն (ֆր.՝ Pierre Cardin, իտալ.՝ Pietro Cardin, ծնվ. 1922 թ. հուլիսի 2, Սան Բիաջիո դի Կալալտա, Իտալիա), իտալական ծագումով ֆրանսիական դիզայներ: Ֆրանսիայի ամենախոշորագույն սեփականատերերից մեկն է:

Կենսագրություն

Պիեռ Կարդենը 14 տարեկանից ուսումնասիրել է շինարարության և նորաձևության հիմունքները: 1939 թվականին տանից հեռանալով, մեկնել է Վիշի, որտեղ աշխատել է որպես դերձակ` կարելով հագուստներ հիմնականում կանանց համար: Երկրորդ համաշխարհային պատերազմի տարիներին աշխատել է Կարմիր խաչում: Պատերազմից հետո, 1945 թվականին տեղափոխվել է Փարիզ, որտեղ ուսումնասիրել է ճարտարապետություն և աշխատել նկարիչ-ձևավորող Ժաննա Պակենի նորաձևության տանը: Նա աշխատել է նաև Էլզա Սկիապարելլիի հետ, իսկ 1947 թվականից` Քրիստիան Դիորի մոտ: 1946 թվականին ստեղծել է Ժան Կոկտոյի «Գեղեցկուհին և հրեշը» կինոնկարի հանդերձանքը: 1950 թվականին հիմնադրել է իր սեփական նորաձևության տունը: Սկսնակ դիզայներին Քրիստիան Դիորը խորհուրդ է տվել` ասելով. «Վաճառիր թանկ, քանի որ տաղանդը պետք է գնահատվի»:

Պիեռ Կարդենը գերադասում էր աբստրակցիոնիզմի վերացական ոճը և երկրաչափական դիզայնը: Նա առաջիններից մեկն էր ունիսեքս ոճում (1958 թ-ի հավաքածուն), որտեղ վերանում էր տղամարդու և կնոջ արտաքին տարբերությունը և համարվում էր նորաձևության ավանգարդիզմի ներկայացուցիչ: 1960 թվականին նա խախտեց ավանդական դարձած այն մոտեցումը, որ նորաձևությունը կանանց համար նախատեսված արվեստ է և առաջին անգամ ստեղծեց տղամարդկանց հագուստի հավաքածու:

Պիեռ Կարդենը արտոնագրել է ավելի քան 500 գյուտ` նորաձևության բնագավառում: Դրանցից են գունավոր զուգագուլպաները և բարձր կրկնակոշիկները, ծաղկավոր փողկապները, առանց օձիքի երկար պիջակները, կոճակներով նեղ տաբատները` սկզբնապես նախատեսված «Բիթլզ» խմբի համար և այլն: Նա առաջիններից մեկն էր, որ զբաղվեց ջինսե հագուստների ուղղությամբ և երեխաների ու երիտասարդների հագուստներով: Նա այն առաջին մոդելյորներից էր, ով սկսեց իր հագուստներն ու օծանելիքները վաճառել առավել ցածր գներով, դարձնելով դրանք հասանելի սպառողների լայն շրջանակների համար: Բացի այդ, Պիեռ Կարդենը զբաղվել է կահույքի, ավտոմեքենաների և ինքնաթիռների սրահների դիզայնով:

Պիեռ Կարդենը Փարիզի հանրահայտ «Մաքսիմ» ռեստորանի և համանուն առևտրային ապրանքանիշի սեփականատերն է: 1970 թվականին, որպես սեփականություն, ձեռք է բերել Փարիզի Café des Ambassadeurs թատերական համալիրը և վերանվանել իր պատվին` Espace Pierre Cardin: Որպես Մառլեն Դիտրիխի վերջին համերգային շրջագայության պրոդյուսեր, ելույթների համար նրան է տրամադրել այդ համալիրի համերգային դահլիճը: Տարիների ընթացքում Պիեռ Կարդենը Փարիզի 8-րդ շրջանում և Ելիսեյան պալատի շրջակայքում ձեռք է բերել բազմաթիվ անշարժ գույք:

Պարգևատրվել է մի շարք ֆրանսիական և արտասահմանյան մրցանակներով ու պարգևներով: