Պերովսկիտ

Բյուրեղային կառուցվածքը (փիրուզագույն - կալցիումի ատոմ, մոխրագույն - տիտանի ատոմ, կարմիր - թթվածնի ատոմ)

Պերովսկիտ, [ռուս կոմս Լ․ Ա․ Պերովսկու (1792–1856) անունով],

1. միներալ՝ օքսիդների դասից։ Բաղադրությունը համապատասխանում է $CaTiO_{3}$ բանաձևին (41,24% $CaO$ և 58,76% $TiO_{2}$), երբեմն պարունակում է $Ce$ (կնոպիտ), $Nb,Ce,Fe$ (դիզանալիտ), $Na,Ce,Ti,Nb$ (լոպարիտ) խառնուրդներ։ Բյուրեղային համակարգը կեղծ խորանարդային Է․ կարծրությունը՝ 6–7, խտությունը՝ 3950–4040 կգ/մ³։ Լինում է սև, մոխրագույն-սև, գորշ դարչնագույն։ Շատ բնորոշ է գերհիմքային ալկալային ապարների և նրանց հետ կապված հանքային սեգրեգացիաների և կարբոնատիտների համար։ Հանդիպում է կոնտակտային հանքավայրերում։ Օգտագործվում է ցերիումի խմբի հազվագյուտ հողային տարրեր ստանալու համար։
2. Պերովսկիտի բյուրեղական կառուցվածքը և $ABX_{3}$ ընդհանուր բանաձևն ունեցող քիմիական միացություններ։ $A$-ն՝ մինչև չորս, $B$-ն մինչև յոթարժեք կատիոններ են․ $X$-ը՝ անիոններ (հաճախ թթվածին)։ Դրանցից շատերը սեգնետաէլեկտրիկներ են ($BaTiO_{3},LiNbO_{3}$ ևն), մի քանիսը՝ կիսահաղորդիչներ, գերհաղորդիչներ ($SiTiO_{3}$ ևն), ֆերոմագնետիկներ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 278)։