Պետրու Միսիր
| Պետրու Միսիր | |
|---|---|
.jpg) | |
| Ծնվել է | հոկտեմբերի 8, 1856 |
| Մահացել է | հունվարի 10, 1929 (72 տարեկան) |
| Քաղաքացիություն |  Ռումինիա |
| Կրթություն | HU Berlin |
| Մասնագիտություն | փաստաբան և գրական քննադատ |
| Աշխատավայր | Ալեքսանդրու Իոան Կուզայի անվան համալսարան և Բուխարեստի համալսարան |
| Զբաղեցրած պաշտոններ | Ռումինիայի Սենատի անդամ |
| Կուսակցություն | Conservative Party? |
| Անդամություն | Միջազգային իրավունքի ինստիտուտ |
 Petru Th. Missir Վիքիպահեստում | |
Պետրու Թ. Միսիր (ռումիներեն՝ Petru Th. Missir, հոկտեմբերի 8, 1856 - հունվարի 10, 1929), ռումինահայ գրականագետ, լրագրող, իրավաբան, քաղաքական գործիչ։
Կենսագրություն[խմբագրել | խմբագրել կոդը]
Պետրու Թ. Միսիրը ծնվել է Ռումինիայի Ռոման քաղաքում՝ ծագումով հայ վաճառականների ընտանիքում։ 1873 թվականին նա ավարտել է Յաշի ազգային քոլեջը։ Վիեննայի համալսարանի իրավաբանական ֆակուլտետում սովորելու տարիներին նա ընդունվել է România jună ընկերություն և դարձել նրա քարտուղարը։ Հետագայում նա իրավունք է ուսանել Բեռլինի համալսարանում, որտեղ դոկտորի կոչում է ստացել 1879 թվականին։ Ռումինական գրական Junimea («Հունիս») ընկերության անդամ էր, որտեղ նաև ծառայում էր որպես կազմակերպության լիազորված անձ[1]։
Միսիրը եղել է Յոն Լուկա Կարաջալեի ամբողջ կյանքի ընկերը և Տիտու Մայորեսկուի ու Պետրե Պ. Կարպի մտերիմը։ 1880-1884 թվականներին Յաշում որպես մագիստրատ աշխատելուց հետո[2] նա սկսած 1884 թվականից բնական և միջազգային իրավունք է դասավանդել Յաշի համալսարանում։ 1890 թվականից Միսիրը Բուխարեստի համալսարանի պրոֆեսոր էր և 1893 թվականին մասնակցել է Միջազգային մասնավոր իրավունքի Հաագայի կոնֆերանսին։ Նա Junimea-ի այն անդամներից էր, ովքեր միջոցներ են հավաքել ի պաշտպանություն Միհայ Էմինեսկուի։
Միսիրը խմբագրել է Era nouă (1889-1900) շաբաթաթերթը և եղել Revista română-ի (1902) խմբագրական հանձնաժողովի կազմում[1]։ 1891 թվականին Era nouă-ն սկսել է ասոցացվել Սահմանադրական կուսակցության՝ Պահպանողական կուսակցության Կարպի գլխավորած յունիմիստների այլախոհական խմբակցության հետ, որին նա կրկին միացել է 1900 թվականին։ 1912 թվականին եղել է Ռումինիայի Սենատի փոխնախագահ[3]։
Հաջորդ տարի նա մտել է Տակե Իոնեսկուի Պահպանողական-դեմոկրատական կուսակցություն։ 1926 թվականին ընտրվել է Ռումինական ակադեմիայի պատվավոր անդամ[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Aurel Sasu (ed.), Dicționarul biografic al literaturii române, vol. I, p. 433. Pitești: Editura Paralela 45, 2004. 973-697-758-7
- ↑ Platon, Mircea. «"În linie dreaptă: Conservatorul Petru Th. Missir şi statul reprezentativ", in Caiete Critice, Nr. 7/2011, p.68-9» (PDF).
- ↑ Mircea Platon, "În linie dreaptă: Conservatorul Petru Th. Missir şi statul reprezentativ", in Caiete Critice, Nr. 7/2011, p.68-9