Պետրոս հավալուսն

Պետրոս
	Պետրոս հավալուսնը
Անվան բնօրինակ	հուն․՝ Πέτρος ο πελεκάνος
Տեսակ	Վարդագույն հավալուսն
Մահացել է	դեկտեմբերի 2, 1985
Մահվան վայր	Միկոնոս, Հունաստան
Երկիր	Հունաստան
Հայտնի է	Միկոնոս կղզու պաշտոնական թալիսման
	Petros, the pelican of Mykonos Վիքիպահեստում

Պետրոս հավալուսն (հուն․՝ Πέτρος ο πελεκάνος), վարդագույն հավալուսն, Հունաստանի Միկոնոս կղզու պաշտոնական թալիսմանը^[1]^[2]:

1958 թվականին տեղի ձկնորսները փոթորկի ժամանակ գտել են մի վիրավոր հավալուսնի: Նրանք փրկել են հավալուսնին և իրենց հետ տարել նավահանգիստ: Այնտեղ կենդանուն բուժել են և լավ կերակրել: Ի վերջո հավալուսնը սկսել է բնակություն հաստատել մարդկանց շրջանում:

Միկոնոսցիները վարդագույն հավալուսնին տվել են Պետրոս անունը: Շուտով հավալուսնը դարձել է Միկոնոս կղզու գլխավոր խորհրդանիշը: Այն գրավել է Հունաստան ժամանած զբոսաշրջիկների ուշադրությունը:

Սակայն՝ 1985 թվականի դեկտեմբերի 2-ին Պետրոս հավալուսնը ընկել է մեքենայի տակ և անասնաբույժներին չի հաջողվել փրկել կենդանուն^[3]: Որպես փոխհատուցում՝ Գերմանիայում գտնվող Համբուրգի կենդանաբանական այգուց Միկոնոս է բերվել ևս մեկ վարդագույն հավալուսն, որին տեղացիները կրկին անվանեցին Պետրոս:

Այսպիսով՝ հավալուսները դարձան կղզու կարևոր բնակիչները: Ներկայումս Միկոնոսում ապրում են երեք հավալուսներ: Նրանք ազատ կերպով քայլում են փողոցներով: Տեղի բնակիչներն ու զբոսաշրջիկները կերակրում են կենդանիներին: Միկոնոսի շատ հյուրանոցներ անվանվել են ի պատիվ Պետրոս հավալուսնի (օրինակ՝ «Հավալուսն հյուրանոց»):