Պետրոս Մարկարիս

Վիքիպեդիայից՝ ազատ հանրագիտարանից
Picto infobox auteur.png
Պետրոս Մարկարիս
Petros Markaris 2012a.jpg
Ծնվել է հունվարի 1, 1937({{padleft:1937|4|0}}-{{padleft:1|2|0}}-{{padleft:1|2|0}})[1] (80 տարեկան)
Ծննդավայր Ստամբուլ, Թուրքիա
Մասնագիտություն Գրող,թարգմանիչ
Լեզու նոր հունարեն[2] և գերմաներեն
Ազգություն հույն
Քաղաքացիություն Հունաստան Հունաստան
Ստեղծագործական շրջան 1965 - մինչ օրս
Ժանրեր դետեկտիվ վեպ, թատերգություն, կինոսցենար,թարգմանություններ
Պարգևներ Սպայական շքանշանի խաչ «Գերմանիայի Դաշնային Հանրապետությանը մատուցած ծառայությունների համար»
Petros Markaris Վիքիպահեստում

Պետրոս Մարկարիս (հուն.՝ Πέτρος Μάρκαρης; 1, հունվար, 1937, Ստամբուլ, Թուրքիա), հայկական ծագմամբ հույն գրող, թարգմանիչ, կինոսցենարիստ։ Հատկապես հայտնի է իր դետեկտիվ ժանրին պատկանող վեպերով։

Կենսագրություն[խմբագրել | խմբագրել կոդը]

Պետրոս Մարկարիսը ծնվել է 1937 թ. հունվարի 1-ին Ստամբուլում։ Նրա հայրը հայ էր, իսկ մայրը հույն։ Բարձրագույն կրթությունը ստացել է Վիեննայում և Շտուտգարտում։ Մինչ գրական գործունեությանը նվիրվելը ուսումնասիրել է տնտեսագիտություն։ 1974 թ. ստացել է Հունաստանի քաղաքացիություն։ Այժմ ապրում և ստեղծագործում է Աթենքում։

Ստեղծագործություն[խմբագրել | խմբագրել կոդը]

Պետրոս Մարկարիսը ստեղծագործում է հունարեն, գերմաներեն և թուրքերեն լեզուներով։ 1965 թ. Մարկարիսը գրում է «Ալի Ռեջո» վերնագրով թատերգությունը, դրանից հետո նա գրում է մի քանի այլ թատերգություններ։ Հույն կինոբեմադրիչ Թեոդորոս Անգելոպուլոսի հետ ստեղծել է մի շարք կինոսցենարներ։ Սակայն Պետրոս Մարկարիսին լայն հռչակ բերեց դետեկտիվ ժանրին պատկանող Աթենքի ոստիկանության աշխատակից Կոստաս Խարիտասի մասին պատմող վեպերը։ Այս ստեղծագործությունները ջերմորեն են ընդունվել Հունաստանի, Գերմանիայի, Իսպանիայի, Ֆրանսիայի և Մեծ Բրիտանիայի ընթերցողների կողմից։ Պետրոս Մարկարիսը հայտնի է նաև իր գերմաներենից կատարած թարգմանություններով։ Նա հունարեն է թարգմանել Գյոթեի «Ֆաուստ» և Բերտոլդ Բրեխտի «Կուրաժ մայրիկը և նրա երեխաները» ստեղծագործությունները։

Մատենագրություն[խմբագրել | խմբագրել կոդը]

Վեպեր Կոստաս Խարիտասի մասին[խմբագրել | խմբագրել կոդը]

  • 1995 - «Վաղ լուրեր»
  • 1998 - «Տարածքի պաշտպանությունը»
  • 2003 - «Չ – ն ինքնասպանություն է գործել»
  • 2006 - «Հիմնական բաժնետերը»
  • 2008 - «Հնում, շատ հնում»
  • 2010 - «Ուշացված փոխառում»
  • 2011 - «Պարտքի կարգավորում»
  • 2012 - «Հաց, կրթություն, ազատություն»
  • 2014 - «Վերջագիր»

Այլ ստեղծագործություններ[խմբագրել | խմբագրել կոդը]

  • 2004 - «Աթենք՝ Բալկանների մայրաքաղաքը»
  • 2006 - «Ռեցիդիվ»

Ֆիլմագրություն[խմբագրել | խմբագրել կոդը]

  • 1991 - «Արագիլի անվստահ քայլը»
  • 2004 - «Ամպերին սպասելիս»

Պարգևներ[խմբագրել | խմբագրել կոդը]

2013 թ. մարտի 29-ին Ֆրանսիայի Լիոն քաղաքում Պետրոս Մարկարիսն արժանացել է Եվրոպայի ոստիկանական վեպի "Quais du Polar Festival 2013" մրցանակին։

Ծանոթագրություններ[խմբագրել | խմբագրել կոդը]

  1. Record #121868338 // Gemeinsame Normdatei Ստուգված է հոկտեմբերի 17-ին 2015:
  2. http://data.bnf.fr/ark:/12148/cb13521198x Ստուգված է հոկտեմբերի 10-ին 2015:

Արտաքին հղումներ[խմբագրել | խմբագրել կոդը]