Պետրոս Բեզիրգանյան

Անվան այլ կիրառումների համար տե՛ս՝ Պետրոս Բեզիրգանյան (այլ կիրառումներ)

Պետրոս Բեզիրգանյան
Ծնվել է	դեկտեմբերի 15, 1916(1916-12-15) Ալաստան, Ախալքալաքի շրջան, Սամցխե-Ջավախեթի մարզ, Վրացական Խորհրդային Սոցիալիստական Հանրապետություն
Մահացել է	հունիսի 15, 1994(1994-06-15) (77 տարեկան) Երևան, Հայաստան
Ազգություն	հայ
Մասնագիտություն	ֆիզիկոս
Հաստատություն(ներ)	Երևանի պետական համալսարան
Ալմա մատեր	Երևանի պետական համալսարան
Գիտական աստիճան	ֆիզիկամաթեմատիկական գիտությունների դոկտոր և պրոֆեսոր

Պետրոս Հակոբի Բեզիրգանյան (դեկտեմբերի 15, 1916(1916-12-15), Ալաստան, Ախալքալաքի շրջան, Սամցխե-Ջավախեթի մարզ, Վրացական Խորհրդային Սոցիալիստական Հանրապետություն - հունիսի 15, 1994(1994-06-15), Երևան, Հայաստան), հայ ֆիզիկոս։ Ֆիզիկա-մաթեմատիկական գիտությունների դոկտոր (1969), պրոֆեսոր (1970)։ ՀԽՍՀ Պետական մրցանակակիր (1985)։ ՀԽՍՀ բարձրագույն դպրոցի վաստակավոր գործիչ (1987)։

Կենսագրություն

1948 թվականին ավարտել է Երևանի պետական համալսարանը։ 1961-1987 թվականներին եղել է Երևանի պետական համալսարանի պինդ մարմնի ֆիզիկայի ամբիոնի վարիչ, 1946-1994 թվականներին՝ նյութի հետ ռենտգենյան ճառագայթների կոհերենտ փոխազդեցության ֆիզիկայի հիմնախնդրի և 1978-1994 թվականներին՝ ռենտգենյան հետազոտությունների ճյուղային լաբորատորիաների գիտական ղեկավար։

ԽՍՀՄ-ում ռենտգենաինտերֆերաչափության հիմնադիրն է։ Բեզիրգանյանի ղեկավարությամբ ստեղծվել է բյուրեղների կառուցվածքային արատների ռենտգենադիֆրակցիոն տեղագրական պատկերները տեսանելի դարձնող ռենտգենահեռուստատեսային եզակի համակարգ։

Երկեր

• «Ռենտգենյան հետազոտությունների ֆիզիկական հիմունքները», ուսումնական ձեռնարկ, 1977

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 352)։