Պետրոս-Պողոս եկեղեցի (Ստարոչերկասկայա)

Վիքիպեդիայից՝ ազատ հանրագիտարանից
Պետրոս-Պողոս եկեղեցի
ռուս.՝ Петропавловская церковь
Храм Петра и Павла (Старочеркасская).jpg
Հիմնական տվյալներ
Տեսակ տաճար
Երկիր Ռուսաստան Ռուսաստան
Տեղագրություն Ստարոչերկասկայա
Դավանանք ուղղափառություն
Թեմ Ռոստովի և Նովոչերկասկի թեմ
Ճարտարապետական նկարագրություն
Ճարտարապետական ոճ բարոկկո
Առաջին հիշատակում 1692
Պետրոս-Պողոս եկեղեցի (Ստարոչերկասկայա)ը գտնվում է Ռուսաստանում
Պետրոս-Պողոս եկեղեցի (Ստարոչերկասկայա)
Կոորդինատներ: 47°14′18.902400100011″ հս․ լ. 40°2′12.177600099994″ ավ. ե. / 47.23858400002777813° հս․. լ. 40.03671600002777353° ավ. ե. / 47.23858400002777813; 40.03671600002777353

Սուրբ առաքյալներ Պետրոսի և Պողոսի եկեղեցի (ռուս.՝ Церковь святых апостолов Петра и Павла), եռամաս ուղղափառ եկեղեցի՝ ի պատիվ սուրբ առաքյալներ Պետրոսի և Պողոսի։ Գտնվում է Ռուսաստանի Դաշնության Ռոստովի մարզի Ակսայի շրջանի Ստարոչերկասկայա (մինչև 1805 թվականը՝ Չերկասկ) գյուղում (հասցեն՝ Խորհրդային փողոց, 27)։

Պատմություն[խմբագրել | խմբագրել կոդը]

Չերկասկում Պետրոսի և Պողոսի առաջին փայտե փոքրիկ եկեղեցու մասին հիշատակումը թվագրվում է 1692 թվականով։ 1744 թվականի քաղաքային հրդեհից հետո կայսրուհի Ելիզավետա Պետրովնան 1749 թվականին տեղի ատաման Դանիլա Եֆրեմովին նոր տաճար կառուցելու համար ուղարկեց տասը որմնադիրների և սվաղող բանվորների, որոնք շատ արագ ավարտեցին շինարարությունը[1]։ Արդեն 1751 թվականին տեղի է ունեցել պատարագ՝ տաճարի և Հովհան Ռազմիկի պատվին կողմնասեղանի բացման կապակցությամբ։

Նոր օծված եկեղեցում նույն թվականին կնքվել է փառապանծ ատաման Մատվեյ Պլատովը։ 2013 թվականի օգոստոսին եկեղեցու պատին փակցվել է հուշատախտակ հետևյալ տեքստով[2].

Aquote1.png Այստեղ Պետրոս-Պողոս եկեղեցում 1753 թվականին կնքվել է Մատվեյ Իվանովիչ Պլատովը՝ Դոնի զորքի ատամանը, 1812 թվականի Հայրենական պատերազմի հերոսը, հեծելազորի գեներալը։ Aquote2.png


Խորհրդային ժամանակաշրջանում տաճարը փակվեց և սկսեց անկում ապրել։ 1970-ական թվականներին շենքի վիճակը դարձավ ողբալի. բացակայում էին գմբեթը և կողմնասեղանները, իսկ զանգակատունն ամբողջովին քանդվել էր։ Պետրոս-Պողոս եկեղեցու վերականգնումը սկսվել է դեռևս 1975 թվականին, բայց բավարար ֆինանսավորման բացակայության պատճառով կանգ է առել։ Աշխատանքները վերսկսվել են 2004 թվականին՝ մարզային վարչակազմի հատկացրած միջոցներով։ Մինչև 2008 թվականն ավարտվել է հարդարման աշխատանքների մեծ մասը։

Տաճարը գործող է, այստեղ էքսկուրսիաներ են կազմակերպում Ստարոչերկասկայայի պատմաճարտարապետական թանգարան-արգելոցի աշխատակիցները[3]։

Ծանոթագրություններ[խմբագրել | խմբագրել կոդը]