Պենրոուզի եռանկյուն

Վիքիպեդիայից՝ ազատ հանրագիտարանից
Պենրոուզի եռանկյուն (գունավոր)

Պենրոուզի եռանկյուն, անհնարին պատկերներից մեկը, հայտնի է նաև անհնարին եռանկյուն անվամբ[1]։

Պատմություն[խմբագրել | խմբագրել կոդը]

Բացահայտվել է 1935 թվականին շվեդ նկարիչ Օսկար Ռեուտերսվարդի կողմից, որն այն պատկերել էր խորանարդների հավաքածուի տեսքով: 1980 թվականին անհնարին եռանկյունու այդ տարբերակը տպագրվեց շվեդական նամականիշների վրա:

Այս պատկերը լայն ճանաչում ստացավ 1958 թվականին, երբ անգլիացի մաթեմատիկոս Ռոջեր Պենրոուզը բրիտանական հոգեբանական ամսագրում հոդված հրատարակեց անհնարին պատկերների մասին: Այս հոդվածում անհնարին եռանկյունը պատկերված էր ավելի ընդհանուր ձևով` ուղիղ անկյուններով միացած երեք չորսուի տեսքով: Այդ հոդվածի ազդեցության տակ 1961 թվականին հոլանդացի նկարիչ Մաուրից Էշերը ստեղծեց իր հայտնի վիմագրություններից մեկը` «Ջրվեժ»:

Պենրոուզի եռանկյան 3D տպագրություն

Քանդակներ[խմբագրել | խմբագրել կոդը]

1999 թվականին Ավստրալիայի Պերթ քաղաքում կանգնեցվել է անհնարին եռանկյան 13 մետրանոց ալյումինե քանդակը:

Այլ պատկերներ[խմբագրել | խմբագրել կոդը]

Կան նաև այլ պատկերներ, որոնք անհնարին պատկերների շարքին են դասվում: Դրանք ներառում են սատանայի պատառաքաղը, պարող փիղը և անհնարին կամարը[2]:

Չնայած հնարավոր է կառուցել Պենրոուզի եռանկյան նմանօրինակները բազմանկյունների հիման վրա, սակայն դրանց վիզուալ էֆեկտներն այդքան տպավորիչ չեն լինի: Կողմերի քանակի ավելացման հետևանքով պատկերը կթվա ծռված կամ պտտված:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Pappas, T. "The Impossible Tribar." The Joy of Mathematics. San Carlos, CA: Wide World Publ./Tetra, p. 13, 1989.
  2. Adamovic Jan։ «BrainDen.com - Impossible Objects»։ BrainDen.com։ Վերցված է 2016-02-09