Պելիո (ն)[1][2][3] (հուն․՝ Πήλιο), լեռներ Հունաստանում՝ Թեսալիայի հարավ-արևելքում, Եգեյան ծովի Պագասիտիկոս ծոցի և Բեբեյդա լճի միջև։ Բարձրագույն կետը Պուրիանոս Ստավրոս գագաթն է (Πουριανός Σταυρός, 1610 մետր): Այս լեռները հիշատակել են Հոմերոսը[4][5], Պոլիբիոսը[6]: Հնում լեռան բարձրությունը չափել է Արիստոտելի աշակերտ Դիկերաքոսը։ Ըստ Դիկերաքոսի այն հավասար է 1250 քայլի (ժամանակակից տվյալներով՝ 1651 մետրի)։ Պելիոն լեռների վրա և շուրջն են ծավալվում հունական մի շարք առասպելների իրադարձությունները։ Լեռան վրա բնակվել են կենտավրոսներ, այդ թվում՝ իմաստուն Քիրոնը։ Պելիոնից հարավ առասպելական Իոլկն էր՝ Յասոնի, Պելիի և Պելեի մասին առասպելների կենտրոնը։ Այստեղ է ապրել գեղեցկուհի Կիրենան, մինչև որ սիրահարված Ապոլլոնը նրան Լիբիա է տարել ոսկե մարտակառքով, որին կարապներ էին լծված[7][8]։
Անվան այլ կիրառումների համար տե՛ս՝ Պելիոն (այլ կիրառումներ)
Հունաստան
Լեռան անտառածածկ լանջերը
Սբ. Հովհաննես լողափը
Լեռնալանջի աշտարակներից մեկը՝ Օլիմպիուն, որտեղ օտտոմանյան ժամանակներում ռուսական հյուպատոսարան է գործել
Pinakates
Մակրինիցա բնակավայրը
