Պեգ Էնտուիսլ

Վիքիպեդիայից՝ ազատ հանրագիտարանից
Jump to navigation Jump to search
Պեգ Էնտուիսլ
23Zeruk Green-from sitebuilder 1.jpg
Ծննդյան թիվ՝փետրվարի 5, 1908(1908-02-05)[1]
Ծննդավայր՝Port Talbot, Ուելս, Մեծ Բրիտանիայի և Իռլանդիայի միացյալ թագավորություն
Վախճանի թիվ՝սեպտեմբերի 16, 1932(1932-09-16)[1] (24 տարեկանում) կամ սեպտեմբերի 18, 1932(1932-09-18)[2] (24 տարեկանում)
Վախճանի վայր՝Հոլիվուդ, Լոս Անջելես, Կալիֆոռնիա, ԱՄՆ
Քաղաքացիություն՝Flag of the United Kingdom.svg Միացյալ Թագավորություն
Flag of the United Kingdom.svg Մեծ Բրիտանիայի և Իռլանդիայի միացյալ թագավորություն
Մասնագիտություն՝կինոդերասանուհի և թատրոնի դերասանուհի
IMDb։ID 0258201

Պեգ Էնտուիսլ (անգլ.՝ Peg Entwistle, փետրվարի 5, 1908(1908-02-05)[1], Port Talbot, Ուելս, Մեծ Բրիտանիայի և Իռլանդիայի միացյալ թագավորություն - սեպտեմբերի 16, 1932(1932-09-16)[1] կամ սեպտեմբերի 18, 1932(1932-09-18)[2], Հոլիվուդ, Լոս Անջելես, Կալիֆոռնիա, ԱՄՆ), թատրոնի և կինոյի բրիտանացի դերասանուհի: Թատրոնում սկսել է հանդես գալ 1925 թվականից սկսած՝ խաղալով մի քանի բրոդվեյան ներկայացումներում: Նկարահանվել է ընդամենը մեկ ֆիլմում՝ «Տասներեք կանայք», որը դուրս եկավ իր մահվանից հետո: Ճանաչելի դարձավ այն բանից հետո, երբ ցած նետվեց «Hollywoodland»-ի H տառից՝ 24 տարեկան հասակում:

Ծնված 1908 թվականի փետրվարի 5-ին, մահացած 1932 թվականի սեպտեմբերի 18-ին:

Կենսագրություն[խմբագրել | խմբագրել կոդը]

Միլլիսենտ Լիլիան Էնտուիսլը ծնվել է ուելսյան Պորտ-Տոլբոտ քաղաքում: Իր կյանքի առաջին ութ տարիներն անցկացրել է Լոնդոնում: Մայրը՝ Էմիլին, մահացել է շատ վաղ: Մոր մահվանից հետո հայրն ամուսնացել է այլ կնոջ հետ: Խորթ մայրը՝ Լաուրետտա Ռոսսը, դերասանուհի Ջեյն Ռոսսի քույրն էր: Զույգն ունենում է երկու երեխա՝ Միլտոն և Ռոբերտ Բլիկսները: 1916 թվականին հայրն ընտանիքը տեղափոխում է ԱՄՆ, որտեղ ստացել էր բրոդվեյյան պրոդյուսեր Չարլզ Ֆրոմենի մենեջերի աշխատանքը:

Հինգ տարի անց Պեգը կորցնում է թե հորը և թե խորթ մորը: 1921 թվականին մենինգիտից մահանում է Լաուրետտա Ռոսսը, իսկ մեկ տարի անց՝ նոյեմբերի 2-ին, ավտովթարից մահանում է հայրը: Երեխաների խնամքը ստանձնում է հորեղբայրը՝ Չարլզ Էնտուիսլը, որն այդ ընթացքում հանդիսանում էր դերասան Ուոլտեր Հէմպդենի մենեջերը:

Դեռ մանուկ հասակից Պեգն երազում էր դառնալ դերասանուհի: 1924 թվականին մեկնել է Բոսթոն, որտեղ ընդունվել է Հենրի Ջուիտտի (ներկայումս՝ Հանթինգթոնի) թատերական ստուդիան: Նրա ուսուցիչների շարքում էև ժամանակի հայտնի դերասանուհիներից Բլանշ Յուրկան: Այս դերասանուհու ղեկավարությամբ Պեգը ստանում էր շատ դերեր ներկայացումներում: 16 տարեկանում Պեգն արդեն հուսալի և խոստումնալից ապագա ուներ: Առաջին դերերից մեկը եղել է «Վայրի բադ» պիեսում Եդվիգի դերը: Այս դերով հիացել է Բետտ Դեյվիսը, ով իր հետագա հուշերում գրել էր, որ կուզենար նմանվել Պեգ Էնտուիսլին: Այս ամենից հետո դերսանուհին ընդունվում է Նյու-Յորք թատերական խմբերից մեկը:

1925 թվականին, առաջին անգամ ելույթ է ունենում բրոդվեյյան ներկայացման մեջ: Չնայած ունեցած դերը փոքրիկ էպիզոդ էր և ոչնչով աչքի չէր ընկնում, այնուամենայնիվ Պեգը կարողանում է ուշադրությունը սևեռել իր վրա: 1926 թվականին արդեն բրոդվեյյան դեյբյուտը տեղի է ունենում արդեն Նյու-Յուրքյան խմբի կազմում: Ցուցադրում էին «Մարդը Տորոնտոյից» պիեսը, որը հետագայում ունեցավ 28 ցուցադրություն: Պեգի ամենահաջողված աշխատանքը դարձավ Սիդնի Տոլեռի հետ համատեղ ունեցած «Տոմմի» պիեսը, որը 1927 թվականին ունեցավ 232 ցուցադրություն:

1927 թվականին Պեգին ամուսանանում է դերասան Ռոբերտ Կիտի հետ: Սակայն ամուսնությունը կարճ տևեց, քանի որ զույգը հայտարարեց բաժանվելու մասին: Ըստ Պեգի, ամուսինը դաժան էր և չէր հայտնել այն մասին, որ նախկինում ամուսնացած է եղել ու ունի 16-ամյա երեխա:

Դերասանուհին ունենում է հոբելյանական շրջագայություն թատրոնի հետ կապված: Այս ամենով անձամբ զբաղվում էր Բերնարդ Շոու: Բնականաբար այս շրջագայությունների ընթացքում Պեգին ունենում է շատ դերեր և այդ ժամանակներում նա համարվում էր արդեն հայտնի դերասանուհի: Ու անգամ եթե ներկայացումը վատ էր բեմականացվում կամ եթե Պեգին ունենում էր նույնիսկ փոքրիկ դեր ներկայացումներում, միևնույն է, նրա մասին մեծ հաճույքով էին խոսում թե քննադատները և թե հասարակ արվեստասերները: Նրա համբավն օր օրի տարածվում էր և արդեն նրա մասին գրում էին ժամանակի հայտնի թերթերը: Օրինակ New York Times-ի (1927) և Oakland Tribune-ի(1929) հոդվածները:

1932 թվականին, վերջին անգամ Պեգին դուրս է գալիս բեմ: Դա «Alice Sit-by-the-Fire» ներկայացումն էր: Այս տարիներին Պեգին ուներ արդեն հոգեբանական խնդիրներ: Անգամ ներկայացումների ընթացքում ալկոհոլի չարաշահման պատճառով սկսել էր վատ համբավ ձեռք բերել: Նույնիսկ հանդիսատսին էին վերադարձնում գնված տոմսերի գումարները, քանի որ դերասանուհու պատճառով չէր տեղի ունենում ներկայացումները: 1932 թվականի մայիսին մեկնում է Լոս-Անջելոս: Հունիսիսն որոշում է վերադառնալ Նյու-Յորք, սակայն «RKO» կինոստուդիան առաջարկում է մնալ և նկարահանվել «Տասներեք կանայք» ֆիլմում, այս կերպ ապագա բացելով դեպի մեծ կինոն: Պեգին համաձայնվում է և ստանում իր կինոյում ունեցած առաջին և վերջին դերը: Չնայած ֆիլմում հանդես էին գալիս ժամանակի ականավոր դերասանուհիներ՝ Միռնի Լոյը և Այրին Դաննը, այնուամենայնիվ ֆիլմը թեստային ցուցադրության ընթացքում չի արդարացնում սպասելիքները: Ստիպված են լինում վերամշակել այն և զգալիորեն կտրում են Պեգի մասնակցությամբ հատվածը:

Այս տարիներին ԱՄՆ հասարակությունը հայտնված էր ճգնաժամում: Դա Մեծն դեպրեսսիայի տարիներն էին: Բնակչության քառորդ հատվածն անգործ էր, հասարակության գրեթե կեսը խեղճության մեջ էր: Տեղի էին ունենում մի շարք բողոքի ակցիաներ, որոնք ունենում էին դաժան հետևանքներ: Լոս-Անջելոսում ծայրահեղ դժվար էր գտնել դեր, իսկ գումարը հազիվ բավականացնում էր անհրաժեշտ միջոցների համար: Ետ վերադառնալու գումար չկար: Այս ծանր զգացմունքները օր օրի մաշում էին Պեգին և նա հաճախ էր հայտնվում խոր դեպրեսսիայի մեջ: Իսկ երբ իմացավ այն մաիսն, որ իր դերը զգալիորեն կրճատվել է «Տասներեք կանայք» ֆիլմից, դերասանուհին վերջնականապես հուսահատվում է:

1932 թվականի սեպտեմբերի 16-ի ուրբաթ երեկոյան Պեգ Էնտուիսլը թողնում է գրություն իր հարազատներին, թե մեկնում է ընկերների մոտ: Սրանից հետո նրան ողջ չեն տեսնում: Սեպտեմբերի 18-ին ոստիկանություն գրանցվում է զանգ և անհայտ մի կին հաղորդում է, որ «Hollywoodland»-ի մոտ հանդիպել է կանացի կոշկի և խնամքով ծալած վերարկույի: Իսկ մի փոքր հեռու գտել է կանացի պայուսակ, որի միջից գտել է նախասպանության գրություն: Երեսուն մետրանոց կիրճից տեսել է մարմին: Անհայտ այս կինը, խուսափելու հետագա հարցազրույցներից, գտնված պարագաները թողել է ոստիկանական բաժանմունքի դռան դիմաց: Նկարագրած վայր հասնելով, ոստիկանները գտել են կոկիկ հանգնված կնոջ մարմին, բաց գույնի մազերով և կապույտ աչքերով: Ոստիկանները վերականգնում են կատարվածի պատկերը. կինը բարձրացել է վեր ծառայողական աստիճաններով HOLLYWOODLAND, որ միաժամանակ հանդիսացել է H տառի կառկասը: Ու 50 ֆուտ(15,2 մետր) բարձրությունից ցած նետվել: Նախասպանության գրությունում գրված է եղել հետևյալը.

Վիքիքաղվածք
«Հավանաբար ես վախկոտ եմ: Ներեք ինձ ամեն ինչի համար: Եթե ես սա անեյի մի փոքր շուտ, ապա շատերին կկարողանայի ազատել ցավից:»
(Պեգ Էնտուիսլ)

Հետազոտումը ցույց է տվել, որ մահը վրա է հասել ազդրի բազմակի ոսկորների կոտրվածքի հետևանքով: Ալկոհոլ չի հայտնաբերվել օրգանիզմում: Հաշվի առնելով, որ կնոջ մոտ չի եղել որևէ փաստաթուղթ, Los Angeles Times-ը տարածում է նախասպանության գրությունը, հույս ունենալով, որ ստորագրությունը ինչ-որ մեկը կճանաչի: Արդյունքում ոստիկանություն է դիմում Պեգ Էնտուիսլի հորեղբայր Գարոլդը, որը ճանաչում և հաստատում է մարմնի իսկությունը: Չնայած նրան, որ մահը ամենայն հավանականությամբ վրա է հասել հենց սեպտեմբերի 16-ին, սակայն վկայության գրքում նշված է սեպտեմբերի 18-ը՝ մարմնի հայտնաբերման օրը: Պեգ Էնտուիսլի մարմինն այրում են և թաղում են հոր գերեզմանի մոտ, որը գտնվում էր Գլենդեյլում:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Find A Grave — 1995. — ed. size: 165000000
  2. 2,0 2,1 2,2 Person Profile // Internet Movie Database — 1990.

Աղբյուրներ[խմբագրել | խմբագրել կոդը]