Պարտիզանական մարքեթինգ

Պարտիզանական մարքեթինգ, գովազդի և մարքեթինգի ցածր բյուջետային միջոց, որը թույլ է տալիս արդյունավետորեն խթանել ձեր ապրանքը կամ ծառայությունը, ներգրավել նոր հաճախորդներ և ավելացնել ձեր շահույթը առանց ներդրումների կամ գրեթե առանց գումար ներդնելու։ Ուստի պարտիզանական մարքեթինգը կոչվում է նաև «ցածր բյուջեի մարքեթինգ» կամ «քիչ ծախսատար մարքեթինգ»։

Պարտիզանական մարքեթինգի նպատակն է ապրանքի կամ ծառայության մասին տեղեկատվություն տրամադրել այնպես, որ ազդի պոտենցիալ գնորդների որոշումների կայացման գործընթացի վրա։

Պատմություն և նկարագրություն

Հենց «պարտիզանական մարքեթինգ» հասկացությունը կիրառության մեջ դրեց և տեսական հիմք ապահովեց ամերիկացի գովազդատու Ջեյ Կոնրադ Լևինսոնը, որը «Leo Burnett», գովազդային գործակալության նախկին ստեղծարար տնօրենն է։ Նա այդ վերնագրով գիրք է հրատարակել 1984 թվականին։ Գիրքը ուղղված էր փոքր բիզնեսին և կենտրոնացած էր գովազդի էժան եղանակների վրա։ Այդ ժամանակից եզրույթը դարձել է հանրաճանաչ, չնայած Լևինսոնը չի սահմանել «պարտիզանական մարքեթինգ» եզրույթը։

Լևինսոնը առաջարկեց հետևյալ մոտեցումը՝ թանկարժեք գովազդային միջոցների փոխարեն օգտագործել էժան միջոցներ՝ այցեքարտեր, թռուցիկներ, ցուցանակներ, բուկլետներ, բացիկներ և այլն։ Հեղինակը նաև բազմաթիվ հնարքներ է առաջարկել գովազդի արդյունավետությունը բարձրացնելու և դրանից առավելագույն արդյունք քամելու համար։

Լևինսոնի և նրա գործընկերների հետագա գրքերում ընդլայնվել է պարտիզանական մարքեթինգային գործիքների շարքը, ներառյալ անվճար առաջխաղացման մեթոդները՝ հոդվածներ գրել թեմատիկ ամսագրերի համար, ելույթ ունենալ հանրային միջոցառումներին, հաճախորդների հետ հարաբերություններ հաստատել և այլն։ Որպես կարևոր սկզբունք առանձնացվել է նաև այլ ձեռնարկությունների հետ համագործակցությունը։

Մեր օրերում պարտիզանական մարքեթինգը սովորաբար ներառում է նաև մի շարք գովազդային մեթոդներ, որոնք ներառված չեն Լևինսոնի պաշտոնական ցուցակներում, բայց համապատասխանում են պարտիզանական մարքեթինգի հիմնական սկզբունքին՝ փոքր գովազդային բյուջե ունեցող ընկերությունների համար մատչելիություն ապահովել։ Այդպիսի մեթոդներից են «վիրուսային մարքեթինգը», «արտաքին գովազը», «թաքնված մարքեթինգը», «սարաֆանային ռադիո», «էպատաժային մարքեթինգը» և այլն։

Գրականություն

• Jay Conrad Levinson Guerilla Marketing: Secrets for Making Big Profits from Your Small Business. — Houghton Mifflin Harcourt, 1985. — 226 p. — ISBN 978-0395353509
• Jay Conrad Levinson, Paul R. J. Hanley The Guerrilla Marketing Revolution: Precision Persuasion of the Unconscious Mind. — Piatkus Books, 2005. — 192 p. — ISBN 978-0749926113
• Jay Conrad Levinson, Al Lautenslager Guerrilla Marketing In 30 Days. — Entrepreneur Press, 2006. — 180 p. — ISBN 978-1599180434
• Иванов А. Н. Бесплатная реклама: результат без бюджета. — М.: Альпина Паблишер, 2010. — 206 с. — ISBN 978-5-9614-1218-5
• Джей Конрад Левинсон Партизанский маркетинг. Простые способы получения больших прибылей при малых затратах. — М.: Манн, Иванов и Фербер, 2012. — С. 432. — ISBN 978-5-91657-485-2
• Левитас А. М. Больше денег от вашего бизнеса. Партизанский маркетинг в действии. — М.: Манн, Иванов и Фербер, 2012. — 320 с. — ISBN 978-5-91657-259-9
• Манн И. Б. Без бюджета. 57 эффективных приемов маркетинга. — М.: Манн, Иванов и Фербер, 2009. — 306 с.
• Пармар А. НЕОТОМ. Прикладной учебник по партизанскому маркетингу. - М։ Снежный Ком М, 2020 - 464с. - ISBN 978-5-6044966-1-9

Արտաքին հղումներ

• Ջեյ Քոնրադ Լևինսոնի էջը Արխիվացված 2017-12-07 Wayback Machine(անգլ.)