Պատշգամբի մոտ: Իսպանուհի Լեոնորան և Ամպարան

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Պատշգամբի մոտ: Իսպանուհի Լեոնորան և Ամպարան
Korovin On Balcony.jpg
տեսակգեղանկար
նկարիչԿոնստանտին Կորովին
տարի1888
գտնվում էՄոսկվա
հավաքածուՏրետյակովյան պատկերասրահ
Ծանոթագրություններ

«Պատշգամբի մոտ։ Իսպանուհիներ Լեոնորան և Ամպարան» (ռուս.՝ У балкона. Испанки Леонора и Ампара), ռուս գեղանկարիչ, թատերական նկարիչ, մանկավարժ և գրող Կոնստանտին Կորովինի նկարներից։ Այս ստեղծագործությունը հեղինակը վրձնել է 1888-ից 1889 թվականներն ընկած ժամանակահատվածում։ Յուղաներկով կտավի չափերն են 62 × 39 սմ[1][2]։ Երբեմն կտավը կոչվում է «Պատշգամբի մոտ» և «Իսպանուհիները»։

Այսօր «Պատշգամբի մոտ։ Իսպանուհիներ Լեոնորան և Ամպարան» ստեղծագործությունը պահպանվում և ցուցադրվում է Տրետյակովյան պատկերասրահում (Մոսկվա, Ռուսաստան

Նկարագիր[խմբագրել | խմբագրել կոդը]

«Պատշգամբի մոտ։ Իսպանուհիներ Լեոնորան և Ամպարան» ստեղծագործությունում Կորովինը պատկերել է երկու աղջկա։ Նրանք կանգնած են գորգին, պատուհանի մոտ, որը բացվում է դեպի պատշգամբ։ Այդ աղջիկները, հենված մեկը մյուսին, կտավի կոմպոզիցիայի կենտրոնական մասն են։ Նրանք աշխուժորեն հետաքրքրված են ինչ-որ բանով, որը կատարվում է փողոցում, այդ պատճառով էլ պատշգամբի պատուհանների շերտավարագույրների արանքից դուրս են նայում[3]։ Նկարիչը մեծ ուշադրություն է դարձրել լույսի նրբերանգի խաղերին, որոնք ներթափանցում ե շերտավարագույրի արանքից։ Թեթև, սահուն վրձնահարվածները կատարված են իմպրեսիոնիզմի ոճով, որին միահյուսվում է նաև մոդեռնիզմը[1]։

Պատմություն[խմբագրել | խմբագրել կոդը]

«Պատշգամբի մոտ։ Իսպանուհիներ Լեոնորան և Ամպարան» ստեղծագործությունը Կորովինը սկսել է նկարել 1888 թվականին Վալենսիայում, երբ ճանապարհորդում էր Իսպանիայում։ Կտավն ավարտին է հասցրել 1889 թվականին Մոսկվայում[4]։ Նկարիչը նշում է, որ Վալենսիայի հյուրանոցում նա շվեյցարին խնդրել է իր համար երկու մոդել իսպանուհի գտնի։ Որոշ ժամանակ անց բարապանը Կորովինի սենյակ է ուղեկցում երկու երիտասարդ իսպանուհու՝ Ամպարային ու Լեոնորային։ Նկարիչը խնդրում է աղջիկներին, որ կանգնեն պատշգամբի մոտ ու կեցվածք ընդունեն։ Վերջում աղջիկները հրաժարվում են նկարչի առաջարկած գումարից, բայց, ինչ-որ կերպ փոխհատուցել ցանկացող Կոնստանտին Կորովինը նրանց տանում է շուկա՝ գնելով կոշիկ ու չինական մետաքսից գլխաշոր[4]։

Նկարն առաջին անգամ հանրությանը ցուցադրվել է 1889 թվականին՝ Գեղարվեստական շրջիկ ցուցահանդեսների ընկերության 17-րդ ցուցահանդեսին[2]։

1900 թվականին կտավը ցուցադրվել է Փարիզում՝ Համաշխարհային ցուցահանդեսում։ Այստեղ հեղինակին շնորհում են ոսկե մեդալ։ Այս ցուցահանդեսին Կորովինը գերազանցում է Վիկտոր Վասնեցովին, Իսահակ Լևիտանին, Վասիլի Պոլենովին և Կոնստանտին Մակովսկուն[5][6]։

Ծանոթագրություններ[խմբագրել | խմբագրել կոդը]

  1. 1,0 1,1 «Коровин Константин Алексеевич — У балкона. Испанки Леонора и Ампара» (HTML)։ Государственная Третьяковская галерея, www.tretyakovgallery.ru։ Արխիվացված է օրիգինալից 2012-10-01-ին։ Վերցված է 02.08.2012 
  2. 2,0 2,1 «Константин Коровин — У балкона. Испанки Леонора и Ампара» (HTML)։ Сайт выставки ГТГ «Константин Коровин: живопись, театр», korovin.tretyakov.ru։ Արխիվացված է օրիգինալից 2012-10-01-ին։ Վերցված է 02.08.2012 
  3. Р. И. Власова։ «Константин Коровин: Коровин в живописи и театре (часть 7)» (HTML)։ Сайт, посвящённый Константину Коровину — kkorovin.ru։ Արխիվացված է օրիգինալից 2012-10-01-ին։ Վերցված է 03.08.2012 
  4. 4,0 4,1 «Константин Коровин. Галерея картин и рисунков художника — У балкона. Испанки Леонора и Ампара. 1888—1889» (HTML)։ Сайт, посвящённый Константину Коровину — kkorovin.ru։ Արխիվացված է օրիգինալից 2012-10-01-ին։ Վերցված է 02.08.2012 
  5. «Письмо [[Васнецов, Виктор Михайлович|Виктора Васнецова]] [[Васнецов, Аполлинарий Михайлович|Аполлинарию Васнецову]] от 23 сентября 1900 года (с примечаниями)» (HTML)։ Сайт, посвящённый Виктору Михайловичу Васнецову — www.vasnecov.ru։ Արխիվացված է օրիգինալից 2012-10-01-ին։ Վերցված է 15.08.2012 
  6. «Университетский историк. Альманах. Выпуск 9: Русско-французские художественные связи на рубеже XIX–XX вв.» (PDF)։ Санкт-Петербургский государственный университет — history.spbu.ru։ 2011։ Արխիվացված է օրիգինալից 2012-10-01-ին։ Վերցված է 15.08.2012 

Արտաքին հղումներ[խմբագրել | խմբագրել կոդը]