Պատճենահան ապարատ

Վիքիպեդիայից՝ ազատ հանրագիտարանից

Պատճենահան ապարատ, տարբեր նյութերի և փաստաթղթերի պատճեններ ստանալու սարքավորում։ Պատճենահան ապարատները ստորաբաժանվում են գլխավորապես ըստ պատճենահանման պրոցեսի ֆիզիկական սկզբունքի՝ լուսապատճենահան, ջերմապատճենահան, էլեկտրոնային պատճենահան, լուսանկարապատճենահան, էլեկտրալուսանկարչական ևն։ ԽՍՀՄ-ում առավել տարածում ունեին լուսապատճենահան և էլեկտրագրաֆիկական ապարատները։ Պատճենահան ապարատներ են նաև միկրոլուսապատճենահան (կոնտակտային և պրոյեկցիոն տպագրության համար) և դիտողապատճենահան (ընտրովի տպագրության համար) ապարատները, որոնք հնարավորություն են տալիս ոչ միայն դիտել 35 մմ ժապավենի վրա նկարահանված միկրոկինոնկարները, այլև էլեկտրալուսապատճենահանման եղանակով, սովորական թղթի վրա ստանալ դրանց պատճենները։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png