Պատկուլի դաստակերտ
 | |
|---|---|
 | |
| Տեսակ | տեսարժան վայր և բնակելի տուն |
| Երկիր |  Ռուսաստան[1] |
| Տեղագրություն | Պուշկին |
| Հիմնադրված է | 1854 |
| Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ |
 | |
 | |
Պատկուլի դաստակերտ (ռուս.՝ Усадьба Паткуль), պատմական շենք Սանկտ Պետերբուրգի Պուշկինի շրջանի Պուշկին քաղաքում։ Կառուցվել է 1854 թվականին։ Տարածաշրջանային նշանակության մշակութային ժառանգության օբյեկտ է։ Գտնվում է Սրեդնյայա փողոցի 8 հասցեում։ Դաստակերտի համալիր կազմում ընդգրկված է նաև Մալայա փողոցի 13 հասցեի կողաշենքը։
Պատմություն
[խմբագրել | խմբագրել կոդը]19-րդ դարի սկզբում ներկայիս տան տեղում եղել է պալատական սպասավոր Տերենտևի վերնահարկով փայտե տունը։ 1848 թվականին տարածքի սեփանակատերն է դարձել Մարիա Ալեքսանդրովնա Պատկուլը։ Նոր փայտե տան շինարարությունը սկսվել է 1854 թվականին Իպպոլիտ Մոնիգետտիի նախագծով, շինարարությունը ղեկավարել է Ի. Ա. Վիդովը։ Հին տունը միաժամանակ տեղափոխվել է Մալայա փողոցում գտնվող տարածքի մյուս ծայր և դարձել դաստակերտի կողաշենք։ Դաստակերտի շուրջը տեղադրվել է փայտե ցանկապատ դարպասներով։ Կողաշենքը կառուցվել է 1881 թվականին, ճարտարապետ Ն. Ս. Նիկինինի նախագծի համաձայն կիսավերնահարկը վերակառուցվել է ամբողջական երկրորդ հարկի[2][3]։
Հայրենական մեծ պատերազմից հետո գլխավոր տանը տեղավորվել է թիվ 2 մանկապարտեզը, այնուհետև` սթափարանը։ Ներկայումս շենքը զբաղեցնում է Պուշկինի շրջանի բնակարանային գործակալությունը։ 1970-ական թվականներին տարածքի խորքում կառուցվել է բնակելի բազմաբնակարան շենք, որը խախտել է նախկին դաստակերտի պլանավորումը։ Չի պահպանվել նաև դարպասներով ցանկապատը։ 1990-2000-ական թվականներին շրջակայքում կառուցվել են 5 նոր տներ։ 2012 թվականի սեպտեմբերին քանդվել է բացահայտված մշակութային ժառանգության օբյեկտի կարգավիճակ ունեցող կողաշենքը։ Տունը վերակառուցվել է 2015 թվականին, բայց միայն արտաքին շերտն է մնացել փայտյա, տունը կառուցվել է աղյուսից[2][4]։
Ճարտարապետություն
[խմբագրել | խմբագրել կոդը]Տունն ասիմետրիկ է։ Այն նախատեսված է ամռանն ապրելու համար։ Ունի պատուհաններ, դիրքն այնպես է, որ ցերեկը լուսավորվում է արևի լույսով։ Պատուհանների ձևն ու դիրքն ազատ են և բազմազան։ Ճակատային ձևավորումն ընդօրինակում է քարի ճարտարապետության տեխնիկան։ Տունը ունի մի քանի էրկերներ, պատշգամբներ, անկյունային կիսավերնահարկ։ Ճակատային մասում կա հարուստ փորագրված դիզայն։ Պահպանվել են նաև շքամուտքի ինտերիերները՝ շրջակալներով դռները, սվաղված ֆրիզները, քիվերը[2][3]։
Պատկերասրահ
[խմբագրել | խմբագրել կոդը].jpg)
.jpg)
Ծանոթագրություններ
[խմբագրել | խմբագրել կոդը]- ↑ https://ru-monuments.toolforge.org/wikivoyage.php?id=7802279000
- ↑ 2,0 2,1 2,2 «Средняя 8. Усадьба Паткуль». Энциклопедия Царского Села. Արխիվացված է օրիգինալից 2018 թ․ հուլիսի 2-ին. Վերցված է 2018 թ․ հուլիսի 1-ին.
- ↑ 3,0 3,1 «Усадьба М. А. Паткуль». citywalls.ru. Արխիվացված է օրիգինալից 2018 թ․ հուլիսի 2-ին. Վերցված է 2018 թ․ հուլիսի 1-ին.
- ↑ «Новодел дома Паткуль на Малой улице в Пушкине заселят в 2016 году». kanoner.com. 2015 թ․ նոյեմբերի 27. Վերցված է 2018 թ․ հուլիսի 1-ին.
Արտաքին հղումներ
[խմբագրել | խմբագրել կոդը]- «Средняя 8. Усадьба Паткуль». Энциклопедия Царского Села. Արխիվացված է օրիգինալից 2018 թ․ հուլիսի 2-ին. Վերցված է 2018 թ․ հուլիսի 1-ին.
- «Усадьба М. А. Паткуль». citywalls.ru. Արխիվացված է օրիգինալից 2018 թ․ հուլիսի 2-ին. Վերցված է 2018 թ․ հուլիսի 1-ին.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Պատկուլի դաստակերտ կատեգորիայում։ |