Монгол: Алхам1: Төхөөрөмж сүлжээнд холбогдоод DHCP DISCOVER мессежийг сүлжээнд цацна. Үүгээрээ сүлжээнд боломжит DHCP сервер байгаа үгүйг тодорхойлно.

Алхам2: DHCP DISCOVER мессежийг хүлээн авсан DHCP сервер нь хариуд нь DHCP OFFER буюу хаягийн хүрээн дэх боломжит IP хаяг, сабнет маск, гарцын хаяг зэргийг багтаасан мессежээр хаяг санал болгоно.

Алхам3: Хэрэглэгч нь тухайн сүлжээнд нэгээс олон DHCP сервер байгаа тохиолдолд хэд хэдэн DHCP OFFER пакет хүлээн авч болох бөгөөд тэдгээрээс хамгийн түрүүлж энэ мессежийг илгээсэн сервер рүү DHCP REQUEST пакетыг илгээнэ. Энэ нь тухайн серверийн санал болгосон IP хаягийг хүлээн авахад бэлэн байгаагаа илэрхийлнэ.

Алхам4: Хэрэглэгчээс хүссэн хаяг эсвэл серверээс санал болгосон хаяг боломжтой тохиолдолд сервер DHCP ACK-ийг хост руу илгээснээр хост амжилттай хаяглагдана. Харин тухайн хаягийг хостд өгөх боломжгүй байвал сервер DHCP NAK мессежийг илгээнэ. DHCP NAK мессеж буцаж ирвэл хаяг сонгох процесс шинэ DHCP DISCOVER шидэхээс дахин эхэлнэ.