Պատկերացանցային գրաֆիկայի խմբագրիչ

Վիքիպեդիայից՝ ազատ հանրագիտարանից
Jump to navigation Jump to search
GIMP պատկերացանցային գրաֆիկայի խմբագրիչի աշխատանքային լուսանկար

Պատկերացանցային գրաֆիկայի խմբագրիչ, համակարգչային ծրագիր, որը թույլ է տալիս համակարգչի էկրանին ստեղծել և խմբագրել պատկերներ` JPEG, PNG, GIF կամ պատկերացանցային այլ ձևաչափերով[1]:

Համեմատություն վեկտորային գրաֆիկայի խմբագրիչների հետ[խմբագրել | խմբագրել կոդը]

Վեկտորային գրաֆիկայի խմբագրիչները հաճախ հակադրում են պատկերացանցային գրաֆիկայի խմբագրիչներին, սակայն դրանց գործառույթները փոխլրացնում են իրար: Վեկտորային և պատկերացանցային խմբագրիչների միջև տեխնիկական տարբերությունները ծագում են վեկտորային և պատկերացանցային պատկերների միջև տարբերությունից: Վեկտորային գրաֆիկան ստեղծվում է մաթեմատիկորեն, օգտագործելով` երկրաչափական բանաձևեր: Ամեն տարրը ստեղծվում է և ձևափոխվում է թվաբանորեն. առանցքային կետերի տեղադրման համար այն հիմնականում օգտագործվում է դեկարտյան կոորդինատների համակարգը, ապա` մաթեմատիկական ալգորիթմով այն միացնում է կետերը և հստակեցնում գույները:

Պատկերացանցային պատկերները ներառում են թվային լուսանկարները: Պատկերացանցային պատկերը կառուցված է փիքսել կոչվող կետերի տողերից ու սյուներից և հիմնականում ավելի ֆոտոռեալիստիկ է: Դա թվային լուսանկարչական սարքերի ստանդարտ է, անկախ այն բանից, թե լուսանկարը .raw թե jpg ձևաչափով է: Պատկերը ներկայացված է փիքսել առ փիքսել, ինչպես մանր փազլ:

Վեկտորային խմբագրիչները ավելի հարմար են գրաֆիկական դիզայնի, էջադրման, տպագրության, պատկերանիշների, սրաեզր պատկերազարդումների ևն համար:

Ավելի բարձրորակ պատկերացանցային խմբագրիչները օրինակ` GIMP-ը, և Adobe Photoshop-ը օգտագործում են մաթեմատիկա` ընդհանուր դասավորության համար և տարրեր, օրինակ` տեքստը, և օժտված են պատկերացանցային պատկերի հետ փիքսելի ճշտությամբ աշխատելու հնարավորությամբ[2][3]:

Ընդհանուր յուրահատկություններ[խմբագրել | խմբագրել կոդը]

  • Խմբագրման հատվածի ընտրություն
  • Տարբեր գույների, չափերի, կառուցվածքի վրձիններով գծերի նկարում
  • Հատվածի` առանձին գույնով, գունային սահանցումով և/կամ կառուցվածքով լցոնում
  • Գույնի ընտրություն օգտագործելով գունային տարբեր համակարգեր
  • Գունային տարբեր համակարգերի միջև անցում
  • Տարբեր տառատեսակներով տառերի ավելացում
  • Պատկերի վրայից թերությունների հեռացում
  • Շերտերի օգտագործումով բարդ խմբագրում
  • Նկարի հստակեցման կամ լղոզման համար զտիչների ավելացում
  • Նկարի փոխանցում տարբեր ձևաչափերի միջև

Ծանոթագրություններ[խմբագրել | խմբագրել կոդը]

  1. Top 5 raster graphics editors to create stunning photo edits
  2. «gimp - GNU Image Manipulation Program»։ git.gnome.org 
  3. «Adobe Pushes the Boundaries of Digital Photography and Imaging with Debut of Photoshop CS2»։ Press Release։ Adobe։ Արխիվացված է օրիգինալից November 13, 2012-ին։ Վերցված է March 29, 2012