Jump to content

Պավել Վշոլեկ

Վիքիպեդիայից՝ ազատ հանրագիտարանից
Պավել Վշոլեկ
Քաղաքացիությունը  Լեհաստան
Ծննդյան ամսաթիվ ապրիլի 30, 1992(1992-04-30)[1][2] (34 տարեկան)
Ծննդավայր Տչև[3]
Հասակ 186 սանտիմետր
Քաշ 77 kg
Դիրք եզրային կիսապաշտպան և կիսապաշտպան

Պավել Մարեկ Վշոլեկ (լեհ.՝ Paweł Marek Wszołek; ապրիլի 30, 1992(1992-04-30)[1][2], Տչև[3]), լեհ ֆուտբոլիստ, «Լեգիա» ակումբի և Լեհաստանի հավաքականի կիսապաշտպան։

Կարիերա

[խմբագրել | խմբագրել կոդը]

Ակումբային

[խմբագրել | խմբագրել կոդը]

Պավել Վշոլեկը ֆուտբոլով սկսել է զբաղվել իր հայրենի քաղաքի «Վիսլա» ակումբում։ 2004-ից 2005 թվականներին մարզվել է Գդանսկի «Լեգիա»-ի հետ։ 2009 թվականին հայտնվել է «Պոլոնիա» (Վարշավա) ակումբի պատրաստման համակարգում։

Կիսապաշտպանն իր նորամուտը նշել է «Պոլոնիա»-ի առաջին թիմում 2010 թվականի նոյեմբերի 13-ին երկրի առաջնության խոժուվյան «Ռուխ»-ի դեմ խաղում[4]։ Իր առաջին մրցաշրջանում Վշոլեկը խաղացել է 9 խաղ վարշավյան ակումբի կազմում և աչքի չի ընկել արդյունավետ գործողություններով։ Սակայն արդեն 2011/12 թվականների առաջնության առաջին խաղում ֆուտբոլիստը փոխանցում է կատարել Բրունոյին, որի շնորհիվ խփվել է միակ գոլը «Լեգիա»-ի դարպասը։ Պավել Վշոլեկն իր պրոֆեսիոնալ կարիերայի առաջին գոլը խփել է 2011 թվականի սեպտեմբերի 21-ին Լեհաստանի գավաթի խաղարկության շրջանակներում՝ Ռաձյոնկուվի «Ռուխ»-ի դարպասը։ Գժեգոժ Բոնինը դարձել է կիսապաշտպանին գոլային փոխանցում կատարողը[5]։ Մինչև 2013 թվականի ամռանը իտալական «Սամպդորիա» տեղափոխվելը Վշոլեկը «Պոլոնիա»-ի կազմում անցկացրել է 64 խաղ երկրի առաջնությունում և գավաթում և խփել 13 գոլ։

2013 թվականի սեպտեմբերի 21-ին կիսապաշտպանն առաջին անգամ խաղադաշտ է դուրս եկել Սերիա A-ի խաղում։ «Կալյարիի» դեմ խաղում լեհ ֆուտբոլիստը խաղացել է առաջին 54 րոպեն, որից հետո նրան փոխարինել է Նիկոլա Պոցին[6]։

Հավաքականում

[խմբագրել | խմբագրել կոդը]

2010-ից 2011 թվականներին Պավել Վշոլեկը հանդես է եկել Լեհաստանի մինչև 19 տարեկանների պատանեկան հավաքականում։ Նա իր նորամուտը նշել է թիմում 2010 թվականի սեպտեմբերի 28-ին Թուրքիայի իրենց հասակակիցների հետ ընկերական խաղում[7]: Հետագայում Վշոլեկը ևս 7 հանդիպում է անցկացրել այս տարիքային խմբի հավաքականում։

20 տարեկանների ազգային հավաքականում ֆուտբոլիստը առաջին անգամ խաղացել է 2011 թվականի օգոստոսի 31-ին Գերմանիայի դեմ խաղում[8]: Ընդհանուր առմամբ, Պավել Վշոլեկը այս տարիքում անցկացրել է 4 հանդիպում և խփել 1 գոլ (2012 թվականի օգոստոսի 15-ին Չեխիայի հավաքականից Տոմաշ Կոուբեկի դարպասը)[9]:

2011 թվականի հոկտեմբերի 6-ին ֆուտբոլիստը սկսել է հանդես գալ երիտասարդական հավաքականում։ Ֆուտբոլիստը խաղադաշտ է դուրս եկել Եվրոպայի 2013 թվականի առաջնության ընտրական խաղում Պորտուգալիայի թիմի հետ երկրորդ խաղակեսում՝ փոխարինելով Արթուր Սոբեխին[10]: Կիսապաշտպանը հաջող հանդես եկավ 2013 թվականի մարտին Լիտվայի և Լատվիայի իրենց հասակակիցների հետ ընկերական խաղերում։ 23-ին Վշոլեկի փոխանցումներից Մարիուշ Ստեմպինսկին և Բարտլոմեյ Պավլովսկին գոլ խփեցին լիտվացիների դարպասը[11], իսկ 3 օր անց Վշոլեկը Դամյան Դոմբրովսկու փոխանցումից խփեց իր առաջին գոլը «երիտասարդական թիմում»[12]:

Երկրի գլխավոր հավաքականում Պավել Վշոլեկը նորամուտը նշել է 2012 թվականի հոկտեմբերի 12-ին Հարավային Աֆրիկայի հետ ընկերական խաղում[13]: 2013 թվականի փետրվարի 2-ին Ռումինիայի հավաքականի հետ խաղում ֆուտբոլիստը գոլային փոխանցում կատարեց Լուկաշ Թեոդորչիկին[14]:

Ծանոթագրություններ

[խմբագրել | խմբագրել կոդը]
  1. 1 2 Transfermarkt.com(բազմ․) — 2000.
  2. 1 2 As (իսպ.) — Madrid: PRISA, 1967. — ISSN 1888-6671
  3. 1 2 90minut.pl (польск.) — 2003.
  4. ↑ «Transfermarkt» (գերմաներեն) — «Полония» — «Рух» Х 3:1.
  5. ↑ «Transfermarkt» (գերմաներեն) — «Рух» Р — «Полония» 0:4.
  6. ↑ «Transfermarkt» (գերմաներեն) — «Кальяри» — «Сампдория» 2:2.
  7. ↑ «Transfermarkt» (գերմաներեն) — Турция (до 19) — Польша (до 19) 2:0.
  8. ↑ «Transfermarkt» (գերմաներեն) — Германия (до 20) — Польша (до 20) 4:2.
  9. ↑ «Transfermarkt» (գերմաներեն) — Чехия (до 20) — Польша (до 20) 1:2.
  10. ↑ «Transfermarkt» (գերմաներեն) — Португалия (мол.) — Польша (мол.) 1:1.
  11. ↑ «Transfermarkt» (գերմաներեն) — Польша (мол.) — Литва (мол.) 3:0.
  12. ↑ «Transfermarkt» (գերմաներեն) — Польша (мол.) — Латвия (мол.) 4:1.
  13. ↑ «Transfermarkt» (գերմաներեն) — Польша — ЮАР 1:0.
  14. ↑ «Transfermarkt» (գերմաներեն) — Польша — Румыния 4:1. Արխիվացված օրիգինալից 2013 թ․ դեկտեմբերի 3-ին.
Ստացված է «https://hy.wikipedia.org/w/index.php?title=Պավել_Վշոլեկ&oldid=10673572» էջից