Պասկալ Սոտիրովսկի

Պասկալ Սոտիրովսկի մակեդոներեն՝ Паскал Сотировски
Ծնվել է	նոյեմբերի 23, 1927(1927-11-23) Vrben, Mavrovo and Rostuša Municipality, Հյուսիսային Մակեդոնիա
Մահացել է	փետրվարի 20, 2003(2003-02-20) (75 տարեկան) Փարիզ, Իլ-դը-Ֆրանս
Ազգություն	մակեդոնացիներ
Մասնագիտություն	աստղաֆիզիկոս
Հաստատություն(ներ)	Սկոպյեի համալսարան
Անդամակցություն	Մակեդոնիայի գիտությունների և արվեստի ակադեմիա
Ալմա մատեր	Սկոպյեի համալսարան
Գիտական աստիճան	գիտությունների թեկնածու

Պասկալ Սոտիրովսկի (մակեդոներեն՝ Паскал Сотировски, նոյեմբերի 23, 1927(1927-11-23), Vrben, Mavrovo and Rostuša Municipality, Հյուսիսային Մակեդոնիա - փետրվարի 20, 2003(2003-02-20), Փարիզ, Իլ-դը-Ֆրանս), հարավսլավցի և մակեդոնացի աստղաֆիզիկոս, Արեգակի ֆիզիկայի մասնագետ։

Կենսագրություն

Պասկալ Սոտիրովսկին ծնվել է 1927 թվականի նոյեմբերի 23-ին Վրբենում՝ ներկայիս Մակեդոնիայի Հանրապետության Գոստիվար համայնքում։ Ավարտել է հայրենի գյուղի տարրական դպրոցը, որից հետո ուսումնառությունը շարունակում է սերբական Գոռնի Միլանովաց քաղաքի գիմնազիայում։ Այնուհետև ընդունվում է Բելգրադի մանկավարժական ուսումնարանը։ Որոշ ժամանակ դասավանդել է Բելա Ցրկվայում (ներկայիս Կրիվոգաշտանի համայնք)։ 1950 թվականին Պասկալն ընդունվում է Սկոպյեի համալսարանի փիլիսոփայության ֆակուլտետը. այն ավարտում է 1956 թվականին։ Դասավանդել է ֆիզիկա առարկան միջնակարգ դպրոցում մինչև 1960 թվականը։

Կարիերա

1961 թվականին Սոտիրովսկին նշանակվում է աստղաֆիզիկայի ասիստենտ՝ Սկոպյեի համալսարանի բնագիտամաթեմատիկական ֆակուլտետում։ Նույն թվականին մեկնում է Սորբոնի համալսարան որպես ստաժոր, որն ավարտեց 1964 թվականին՝ աստղաֆիզիկոսի որոկավորմամբ։ 1971 թվականին Պասկալ Սոտիրովսկին դոկտորական ատենախոսություն է պաշտպանում՝ Արեգակի ֆիզիկայի բնագավառում։ Դրանից հետո դառնում է Ֆրանսիայի հետազոտությունների ազգային կենտրոնի անդամ։ Ֆրանսիայում նա աշխատում է որպես արեգակնային ու մոլորակային աստղագետ։ 1991 թվականին ընտրվում է Մակեդոնիայի գիտությունների և արվեստի ակադեմիայի անդամ։

Կյանքի մեծ մասն աստղաֆիզիկոս Սոտիրովսկին անցկացրել է Ֆրանսիայում, սակայն երբեք կապը չի կտրել հայրենիքի հետ։ Մակեդոնիայի խոշոր հանքավայրերից մեկից՝ Ալշարից, Պասկալը լորանդիտ ապարի նմուշ է վերցնում և հետազոտում, որոնք տեղ գտան նրա Արեգակնային երևույթների և Երկրի ծագման տեսությունների մասին աշխատություններում։ Գիտությունների դոկտոր Պասկալն ուներ սեփական կապինետը Փարիզի Մեդոն աստղադիտարանում։

Դասախոսություններով հանդես է եկել ներքոհիշյալ երկրներում՝ Միացյալ Նահանգներ, Ճապոնիա, ԽՍՀՄ, Հնդկաստան և այլն։ Նրա շատ հոդվածներ հրապարակվել է մի շարք գիտական ամսագրերում։ Բացի մայրենիից, Սոտիրովսկին տիրապետում էր ֆրանսերենին, գերմաներենին, անգլերենին և ռուսերենին։ 1990-ական թվականներին հատուկ ֆոնդ է հիմնադրում, որն օժանդակում է Մակեդոնիայի պատանի տաղանդավորներին։ 1999 թվականին ընտրվում է Մակեդոնական սենատի անդամ։

Պասկալ Սոտիրովսկին իր մահկանացուն կնքում է 2003 թվականի հունվարի 20-ին՝ յոթանասունհինգ տարեկան հասակում՝ Փարիզում։

Արտաքին հղումներ

• Напис за Паскал Сотировски Archived 2015-05-05 at the Wayback Machine.
• Паскал си замина Archived 2016-03-04 at the Wayback Machine. — колумна на Божин Павловски
• Фонадација „Паскал Сотировски“ Archived 2008-08-19 at the Wayback Machine.

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Պասկալ Սոտիրովսկի կատեգորիայում։