Jump to content

Պաուլ Վերհագ

Վիքիպեդիայից՝ ազատ հանրագիտարանից
Պաուլ Վերհագ
հոլ.՝ Paul Verhaegh
Քաղաքացիությունը  Նիդերլանդների Թագավորություն
Ծննդյան ամսաթիվ սեպտեմբերի 1, 1983(1983-09-01)[1][2] (42 տարեկան)
Ծննդավայր Kronenberg, Sevenum, Լիմբուրգ, Նիդերլանդներ
Հասակ 178 սանտիմետր
Քաշ 68 կիլոգրամ
Դիրք եզրային պաշտպան

Պաուլ Վերհագ (հոլ.՝ Paul Verhaegh, սեպտեմբերի 1, 1983(1983-09-01)[1][2], Kronenberg, Sevenum, Լիմբուրգ, Նիդերլանդներ), հոլանդացի ֆուտբոլիստ, ով խաղացել է եզրային պաշտպանի դիրքում։

Հոլանդիայի հավաքականի կազմում մասնակցել է երեք հանդիպման։ 2014 թվականի աշխարհի առաջնության բրոնզե մեդալակիր:

Ակումբային կարիերա

[խմբագրել | խմբագրել կոդը]

Վերհագը սկսել է ֆուտբոլ խաղալ «ՎՎՎ-Վենլո»[3] և ՊՍՎ ակումբների երիտասարդական թիմերում։ 2003 թվականին Վերհագը դարձավ ՊՍՎ-ի հիմնական թիմի խաղացող, սակայն այդպես էլ ոչ մի խաղ չխաղալով նրա կազմում, վարձավճարով տեղափոխվեց ԱԳՈՎՎ, որտեղ անցկացրեց ամբողջ հաջորդ մրցաշրջանը՝ խաղալով 33 հանդիպում։

Դրանից հետո նա ազատ գործակալի կարգավիճակով դարձել է «Դեն Բոշ» ակումբի խաղացող, որի կազմում 32 հանդիպում է անցկացրել Նիդերլանդների առաջնությունում: Այնուամենայնիվ, նրա թիմը դուրս մնաց առաջնությունից, և հաջորդ մրցաշրջանում Վերհագը 24 հանդիպում անցկացրեց առաջին դիվիզիոնում: 2006 թվականի սկզբին Վերհագը տեղափոխվեց «Վիտես»։ Թիմի կազմում անցկացրած ժամանակի մեծ մասը եղել է թիմի հիմնական պաշտպանը։ 2008 թվականի հուլիսի 21-ին Վերհագը նոր պայմանագիր կնքեց ակումբի հետ մինչև 2011 թվականի կեսը։ Քիչ առաջ նա նշանակվեց «Վիտեսի» նոր ավագ: 2008/2009 մրցաշրջանի ավարտից հետո նա թիմի երկրպագուների կողմից ճանաչվել է Տարվա լավագույն ֆուտբոլիստ։

Չորս տարի անց նա հեռացավ «Վիտեսից» և 2010 թվականի մայիսի 27-ին երկու տարվա պայմանագիր կնքեց «Աուգսբուրգի» հետ։ Առաջին իսկ մրցաշրջանում, մասնակցելով առաջնության 30 խաղի, Վերհագն օգնեց թիմին Երկրորդ Բունդեսլիգայում գրավել երկրորդ տեղը և դուրս գալ Գերմանիայի առաջնություն[4][5]։ 2012 թվականի սկզբին Ուվե Մյորլեի հեռանալուց հետո նշանակվել է ակումբի նոր ավագ։ 2014/15 մրցաշրջանում նա «Աուգսբուրգի» հետ զբաղեցրել է 5-րդ տեղը առաջնությունում և իրավունք ստացել մասնակցելու Եվրոպա լիգային։ 2015 թվականի դեկտեմբերի 11-ին նա խփեց իր առաջին գոլը Եվրոպա լիգայում «Պարտիզանի» դեմ խաղում։ Թիմը դուրս եկավ փլեյ-օֆֆ փուլ, որտեղ պարտվեց «Լիվերպուլին»: 2016/17 մրցաշրջանում Գերմանիայի առաջնությունում անցկացրել է 31 հանդիպում, խփել 3 գոլ (բոլորը՝ 11 մետրանոցից) և կատարել 2 գոլային փոխանցում:

2017 թվականի օգոստոսի 7-ին ֆուտբոլիստը տեղափոխվել է «Վոլֆսբուրգ»: 33-ամյա հոլանդացի ֆուտբոլիստի պայմանագիրը «գայլերի» հետ նախատեսված է երկու տարվա համար, նա նոր թիմում 3-րդ համարն է վերցրել[6]։ 2019 թվականի ապրիլին հայտարարվեց, որ Վերհագը լքել է ակումբը[7]։

2019 թվականի հունիսի 5-ին հոլանդական «Տվենտե» ակումբը հայտարարեց, որ Վերհագը բժշկական հետազոտությունից հետո մեկ տարվա պայմանագիր կկնքի ակումբի հետ[8]։

Կարիերան հավաքականում

[խմբագրել | խմբագրել կոդը]

2006-2007 թվականներին Վերհագը հանդես է եկել Նիդերլանդների երիտասարդական հավաքականում, որը 2006 թվականի Եվրոպայի երիտասարդական առաջնության եզրափակչում 3:0 հաշվով հաղթել Է Ուկրաինային: Ֆուտբոլիստը մասնակցել է մրցաշարի երկու հանդիպման[9]։

Ազգային հավաքականում իր նորամուտը նշել Է 2013 թվականի օգոստոսի 15-ին Պորտուգալիայի հավաքականի դեմ ընկերական խաղում, որն ավարտվել է 1:1 հաշվով[10]։ 2014 թվականին Վերհագն ընդգրկվել է հավաքականի վերջնական հայտացուցակում Բրազիլիայում կայանալիք Աշխարհի առաջնության համար[11]։ Նա խաղադաշտ է դուրս եկել միայն մեկ անգամ՝ մեկնարկային կազմում դուրս գալով Մեքսիկայի դեմ խաղում (2:1) և խաղալով 56 րոպե[12]։ Հոլանդիայի հավաքականը երրորդ տեղի համար խաղում 3:0 հաշվով հաղթեց Բրազիլիային[13]։

Վիճակագրություն

[խմբագրել | խմբագրել կոդը]
Ակումբային տվյալներ Լիգա Գավաթ Ընդհանուր
Մրցաշրջան Ակումբ Լիգա Խաղեր Գոլեր Խաղեր Գոլեր Խաղեր Գոլեր
Նիդերլանդներ Լիգա Գավաթ Ընդամենը
2003/2004 ԱԳՈՎՎ (վարձակալություն) Առաջին դիվիզոն 33 1 0 0 33 1
2004/2005 Դեն Բոշ Էրեդիվիզի 32 0 0 0 32 0
2005/2006 Առաջին դիվիզոն 24 4 0 0 24 4
2005/2006 Վիտեսս Էրեդիվիզի 12 0 0 0 12 0
2006/2007 32 2 0 0 32 2
2007/2008 33 0 0 0 33 0
2008/2009 31 2 0 0 31 2
2009/2010 30 2 1 0 31 2
Գերմանիա Լիգա Գավաթ Ընդամենը
2010/2011 Աուգսբուրգ Երկրորդ Բունդեսլիգա 30 1 3 0 33 1
2011/2012 Բունդեսլիգա 26 1 3 1 29 2
2012/2013 17 0 1 0 18 0
2013/2014 30 3 3 0 33 3
2014/2015 27 6 1 0 28 6
2015/2016 25 6 2 0 27 6
2016/2017 31 3 0 0 31 3
2017/2018 Վոլֆսբուրգ 0 0 0 0 0 0
Ընդամենը Նիդերլանդներ 227 11 1 0 228 11
Գերմանիա 186 20 13 1 199 21
Ընդամենը կարիերայի ընթացքում 413 31 14 1 427 32

Վիճակագրությունը ցույց է տրված 2017 թվականի օգոստոսի 9-ի տվյալներով։

Կարիերան հավաքականում

[խմբագրել | խմբագրել կոդը]
Նիդերլանդներ
Տարի Խաղեր Գոլեր
2013 1 0
2014 2 0
Ընդամենը 3 0
Վիճակագրությունը ցույց է տրվում 2014 թվականի հունիսի 30-ի տվյալներով։

Վերհագի հանդիպումները Նիդերլանդների հավաքականի կազմում

[խմբագրել | խմբագրել կոդը]
Վերհագի հանդիպումները Նիդերլանդների հավաքականի կազմում
№ Ամսաթիվ Մրցակից Հաշիվ Վերհագի գոլեր Մրցույթ
1 2013 թվականի օգոստոսի 14 Պորտուգալիա Պորտուգալիա 1:1 — Ընկերական հանդիպում
2 2014 թվականի մայիսի 17 Էկվադոր Էկվադոր 1:1 — Ընկերական հանդիպում
3 2014 թվականի հունիսի 29 Մեքսիկա Մեքսիկա 2:1 — Աշխարհի առաջնություն 2014

Ընդհանուր՝ 3 խաղ․ 0 գոլ, 1 հաղթանակ, 2 ոչ-ոքի, 0 պարտություն:

Ձեռքբերումներ

[խմբագրել | խմբագրել կոդը]

Նիդերլանդների հավաքական

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 As (իսպ.) — Madrid: PRISA, 1967. — ISSN 1888-6671
  3. ↑ «Paul Verhaegh: Der erste Stadionbesuch». www.augsburger-allgemeine.de. 2011 թ․ օգոստոսի 6. Արխիվացված օրիգինալից 2017 թ․ հուլիսի 30-ին. Վերցված է 2017 թ․ օգոստոսի 8-ին.
  4. ↑ «Nach Amsif kommt auch Verhaegh». kicker.de. 2010 թ․ մայիսի 27. Արխիվացված օրիգինալից 2016 թ․ մայիսի 7-ին. Վերցված է 2017 թ․ օգոստոսի 8-ին.
  5. ↑ «Kapitän Verhaegh verlängert langfristig». FCA-Homepage. 2013 թ․ մարտի 25. Արխիվացված է օրիգինալից 2016 թ․ ապրիլի 27-ին. Վերցված է 2017 թ․ օգոստոսի 8-ին.
  6. ↑ «Geballte Routine für die Abwehr». vfl-wolfsburg.de. 2017 թ․ օգոստոսի 7.
  7. ↑ «Verhaegh released» (անգլերեն). vfl-wolfsburg.de. 2019 թ․ ապրիլի 29. Արխիվացված օրիգինալից 2020 թ․ սեպտեմբերի 26-ին. Վերցված է 2020 թ․ հունիսի 7-ին.
  8. ↑ «Paul Verhaegh naar FC Twente». ФК «Твенте». Արխիվացված է օրիգինալից 2020 թ․ սեպտեմբերի 30-ին. Վերցված է 2019 թ․ հունիսի 5-ին.
  9. ↑ «Niederlande U21 - EinsätzeU21 EM 2006». weltfussball.de (գերմաներեն). Արխիվացված օրիգինալից 2017 թ․ օգոստոսի 9-ին. Վերցված է 2017 թ․ օգոստոսի 9-ին.
  10. ↑ «Portugal vs Netherlands» (անգլերեն). Soccerway. Արխիվացված օրիգինալից 2014 թ․ հոկտեմբերի 25-ին. Վերցված է 2017 թ․ օգոստոսի 9-ին.
  11. ↑ «2014 FIFA World Cup Brazil ™ - List of Players» (PDF). FIFA.com. 2014 թ․ հունիսի 15. Արխիվացված է օրիգինալից (PDF) 2017 թ․ հունվարի 15-ին. Վերցված է 2017-08-09lang=en-ին.
  12. ↑ «NETHERLANDS VS. MEXICO 2 - 1» (անգլերեն). Soccerway. Արխիվացված օրիգինալից 2015 թ․ հուլիսի 1-ին. Վերցված է 2017 թ․ օգոստոսի 9-ին.
  13. ↑ «Сборная Голландии стала бронзовым призером ЧМ по футболу, обыграв бразильцев» (ռուսերեն). Р-Спорт. 2014 թ․ հուլիսի 13. Արխիվացված օրիգինալից 2017 թ․ օգոստոսի 9-ին. Վերցված է 2017 թ․ օգոստոսի 9-ին.
Ստացված է «https://hy.wikipedia.org/w/index.php?title=Պաուլ_Վերհագ&oldid=10602066» էջից