Պանայոտիս Վասիլոպուլոս

Վիքիպեդիայից՝ ազատ հանրագիտարանից
Jump to navigation Jump to search
Պանայոտիս Վասիլոպուլոս
հուն․՝ Παναγιώτης "Πάνος" Βασιλόπουλος
VasilopoulosPan.jpg
Ծնվել է փետրվարի 8, 1984(1984-02-08) (35 տարեկան)
Ծննդավայր Աթենք, Հունաստան
Քաղաքացիություն Flag of Greece.svg Հունաստան
Մասնագիտություն բասկետբոլիստ
Panagiotis Vassilopoulos Վիքիպահեստում

Պանայոտիս Վասիլոպուլոս (հուն․՝ Παναγιώτης Βασιλόπουλος, փետրվարի 8, 1984, Աթենք, Հունաստան), հույն պրոֆեսիոնալ բասկետբոլիստ։ Հունաստանի հավաքականի կազմում 2005 թվականի Եվրոպայի չեմպիոն և 2006 թվականի աշխարհի փոխչեմպիոն։ «Օլիմպիակոս» ակումբի կազմում՝ Եվրոլիգա 2011/2012-ի չեմպիոն։

Սպորտային կարիերա[խմբագրել | խմբագրել կոդը]

Պանայոտիս Վասիլոպուլոսը Սալոնիկի երիտասարդական ՊԱՕԿ ակումբի սան է։ Հունաստանը ներկայացրել է մի շարք միջազգային երիտասարդական մրցաշարերում։ Հունական թիմի կազմում 2002 թվականին դարձել է բրոնզե մեդալակիր Եվրոպայի երիտասարդական մրցաշարում (մինչև 18 տարեկանների), իսկ 2003 թվականին նույն տարիքային խմբի աշխարհի առաջնությունում բրոնզե մեդալակիր[1]։ 2004 թվականին հանդես է եկել մինչև 20 տարեկանների Եվրոպայի երիտասարդական առաջնությունում, իսկ 2005 թվականին՝ աշխարհի երիտասարդական առաջնությունում, որտեղ հույները գրավեցին երկրորդ տեղը, իսկ ինքը՝ Վասիլոպուլոսը երկրորդն էր թիմում՝ հավաքած միավորներով (14.6)[2]։

2001 թվականից Վասիլոպուլոսը խաղում էր ՊՕԱԿ ակումբի հիմնական կազմում՝ թիմի հետ Եվրոպայի 2004/2005 առաջնության գավաթին հասնելով մինչև քառորդ եզրափակիչ, որտեղ հույները զիջեցին ապագա հաղթողին՝ «Լետուվոս Ռիտաս»-ին։ 2005 թվականին նրան 250000 ԱՄՆ դոլարով գնեց Հունաստանի առաջատար ակումբներից մեկը՝ «Օլիմպիակոսը»[3] և նույն թվականին էլ նա Հունաստանի մեծահասակների հավաքականի կազմում առաջին անգամ հանդես եկավ Եվրոպայի առաջնությունում։ Հույներն իրենց երկրի պատմության մեջ զբաղեցրին երկրորդ տեղը մրցաշարում, և Վասիլոպուլոսը, խաղահրապարակում անցկացնելով 3 րոպե, 21 տարեկանում դարձավ Եվրոպայի չեմպիոն։ Հաջորդ տարի նրա՝ հավաքականի կազմում ընդգրկվելն արդեն այդքան էլ խորհրդանշական դեր չուներ․ 5 խաղերում խաղահրապարակում անցկացնելով 29 րոպե՝ 1/8 եզրափակչում չինացիների հետ խաղում թիմին 8 միավոր բերեց և դարձավ աշխարհի փոխչեմպիոն։ Վասիլոպուլոսը շարունակեց հանդես գալ ազգային հավաքականի կազմում 2007 և 2008 թվականներին՝ խաղալով ևս մեկ Եվրոպայի առաջնությունում, այնուհետև Օլիմպիական խաղերում։

«Օլիմպիակոս»-ի կազմում Վասիլոպուլոսը հանդես եկավ մինչև 2013 թվականը՝ ակումբը ներկայացնելով Հունաստանի և Եվրոլիգայի առաջնությունում։ 2008 թվականի դեկտեմբերից վնասվածքներ ստացավ, որից առաջինը ձախ ձեռքի մատի կոտրվածքն էր[4]։ 2009 թվականի սկզբին Վասիլոպուլոսը մեջքի վնասվածք ստացավ, որի պատճառով ստիպված էր բաց թողնել մրցաշրջանի կեսը՝ ներառյալ Եվրոլիգայի եզրափակիչը[5]։ Վասիլոպուլոսը բաց թողեց հաջորդ մրցաշրջանը ևս, քանի որ ապաքինվում էր, այնուհետև վերադառնալով մրցաշրջան և Եվրոլիգայի 2010/2011 մրցաշարում անցկացնելով ընդամենը 8 րոպե՝ վնասեց արդեն ոտքը[6]։

Նոր վնասվածքի պատճառով Վասիլոպուլոսը ստիպված էր բաց թողնել 1.5 մրցաշրջան և իր խոստովանությամբ մոտ էր կարիերայի ավարտի մասին հայտարարելուն։ Թիմն ամեն ձևով աջակցում էր նրան և Եվրոլիգա 2011/2012-ի մրցանակաբաշխության արարողության ժամանակ, որտեղ հաղթել էր «Օլիմպիակոսը», Վասիլոպուլոսը մրցանակներ ստացավ մնացած խաղացողների հետ[3]։ Այնուամենայնիվ 2013 թվականին ակումբը բաժանվեց նրանից, և Վասիլոպուլոսը, մերժելով ՊԱՕԿ-ի և «Ժալգիրիս»-ի առաջարկները, միացավ իսպանական «Վալյադոլիդին»[7]։

Իսպանիայում հանդես գալը ևս երկար չտևեց, և մեջքի ցավերը կրկին ստիպեցին Վասիլոպուլոսին երկար ընդմիջում անել։ Միայն 2014 թվականի գարնանը նա հունական «Էրմիս» ակումբի կազմում վերադարձավ խաղահրապարակ, իսկ 2014/2015 մրցաշրջանի կեսերին հանդես էր գալիս «Նեա Կիֆիսիա» հունական մրցաշրջանի բարձրագույն դիվիզիոնում[3]։ Մրցաշրջանի ավարտից հետո, որտեղ Վասիլոպուլոսը կրկին մեջքի հետ կապված խնդիրներ ունեցավ, տեղափոխվեց «Կորոիվոս» հունական բարձրագույն լիգայի մեկ այլ ակումբ[8]։

Խաղերի վիճակագրություն[խմբագրել | խմբագրել կոդը]

Եվրոպայի գավաթի մրցաշարեր[խմբագրել | խմբագրել կոդը]

Մրցաշրջան Թիմ Խաղեր Ժամանակ Միավորներ 2 միավորանոց 3 միավորանոց Տուգանային Անդրադարձներ Փոխանցումներ Սեփական տուգանքներ Բլոքշոթներ Գնդակ խլելը Գնդակի կորուստ
Եվրոպայի գավաթ 2004/2005 ՊԱՕԿ 14 19.8 5.3 45.2 33.3 70.6 4.6 0.8 3.4 0.2 0.7 0.9
Եվրոլիգա 2005/2006 Օլիմպիակոս 21 20.2 7.2 46.0 51.9 73.1 4.8 1.0 3.0 0.6 0.6 1.5
Եվրոլիգա 2006/2007 Օլիմպիակոս 22 16.2 5.4 38.0 37.1 78.1 3.3 1.0 3.2 0.6 0.6 1.5
Եվրոլիգա 2007/2008 Օլիմպիակոս 18 19.7 6.8 47.0 34.0 52.0 2.7 0.7 3.3 0.4 0.8 1.2
Եվրոլիգա 2008/2009 Օլիմպիակոս 15 18.9 4.5 40.9 43.3 61.1 2.6 0.7 2.5 1.1 0.5 1.0
Եվրոլիգա 2009/2010 Օլիմպիակոս 17 12.9 2.9 61.1 35.0 75.0 1.8 0.8 2.2 0.3 0.4 1.0
Եվրոլիգա 2010/2011 Օլիմպիակոս 2 5.8 0 0 0 0 0.5 0 0.5 0.5 0 0
Մկնիկի կուրսորը տարեք սանդղակի վերնագրի հապավումների վրա, որպեսզի կարդաք դրանց բացատրությունները

Ծանոթագրություններ[խմբագրել | խմբագրել կոդը]

  1. Профиль на сайте Евролиги (անգլ.)
  2. Сборная Греции на молодёжном чемпионате мира 2005 года: статистика на сайте ФИБА (անգլ.)
  3. 3,0 3,1 3,2 George Kioussis. (January 16, 2015)։ «Panagiotis Vassilopoulos beats serious injuries and returns to action after several years»։ TalkBasket.net։ Վերցված է 2016-04-04 
  4. «Евролига: форвард «Олимпиакоса» пропустит три недели»։ Чемпионат.com։ 9 декабря 2008։ Վերցված է 2016-04-04 
  5. «Евролига. Василопулос и Пеликанос могут не сыграть в Финале четырех из-за травм»։ Sports.ru։ 27 апреля 2009։ Վերցված է 2016-04-04 
  6. «Форвард «Олимпиакоса» Василопулос получил травму ноги»։ Чемпионат.com։ 7 февраля 2011։ Վերցված է 2016-04-04 
  7. «Василопулос попробует себя в Вальядолиде»։ iSport.ua։ 23 сентября 2013։ Վերցված է 2016-04-04 
  8. «Чемпионат Греции. Панайотис Василопулос перешел в «Короивос»»։ Sports.ru։ 6 августа 2015։ Վերցված է 2016-04-04 

Արտաքին հղումներ[խմբագրել | խմբագրել կոդը]