Պայթյուն Չինաստանի Լյուշենյու ածխահանքում
| Երկիր | Չինաստան  | |
|---|---|---|
| Վարչատարածքային միավոր | • Շանսի • Չանչժի | |
| Վայր | Liushenyu coal mine | |
| Կոորդինատներ | 36°35′33″N 112°12′36″E | |
| Թվական | 22 մայիսի 2026 | |
| Number of missing | 2 | |
| Վիրավորների քանակ | 128 | |
| Զոհվածների քանակ | 82 | |
Պայթյուն Չինաստանի Լյուշենյու ածխահանքում, 2026 թվականի մայիսի 22-ին Չինաստանի Շանսի նահանգի Ցինյուան շրջանում գտնվող Լյուշենյու ածխահանքում[1] տեղի է ունեցել գազի պայթյուն, որի հետևանքով զոհվել է 82 մարդ[2] Պայթյունի պահին հանքի ստորգետնյա հատվածում աշխատում էր 247 հանքափոր։ «Սինհուայի» լրատվական գործակալության տվյալներով՝ մայիսի 23-ի ժամը 06:00-ի դրությամբ առնվազն 201 մարդ է տարհանվել։ Ավելի ուշ նույն օրը դեռևս 9 մարդ համարվում էր անհետ կորած։ Սի Ցզինպինը՝ Չինաստանի կոմունիստական կուսակցության գլխավոր քարտուղարը, պահանջել է անհապաղ փրկարարական գործողություններ իրականացնել և հետաքննել պայթյունի պատճառները։ «Սինհուային» նաև տեղեկացրել է, որ հանքը շահագործող «Shanxi Tongzhou Group Liushenyu Coal Industry» ընկերության ղեկավարները ձերբակալվել են[3]։
Մայիսի 26-ի դրությամբ փրկարարական աշխատանքներն ու պայթյունի պատճառների հետաքննությունը դեռ շարունակվում էին։
Նախապատմություն
[խմբագրել | խմբագրել կոդը]Ածուխը Չինաստանի էներգետիկայի հիմնական աղբյուրներից է և ապահովում է երկրի էներգիայի սպառման ավելի քան կեսը[4]։
Շանսի նահանգը, որը հաճախ անվանում են Չինաստանի ածխարդյունաբերության մայրաքաղաք, ապահովում է երկրի ածխի արտադրության ավելի քան մեկ քառորդը, և ածխարդյունաբերությունը նրա տնտեսության հիմնական ճյուղերից է։
Շանսին հայտնի է նաև հանքարդյունաբերության անվտանգության խնդիրներով։ 2000-ականների սկզբին Չինաստանի ածխահանքերում մահաբեր վթարները հաճախակի են եղել։ Թեև հետագայում անվտանգության չափանիշները բարելավվել են ավելի խիստ կանոնակարգերի և անվտանգ աշխատանքի մեթոդների շնորհիվ,[5] նման միջադեպերը դեռ շարունակվում են՝ չնայած արդյունաբերության կենտրոնացմանն ու կառավարության պահանջներին։
2023 թվականին Ներքին Մոնղոլիայում հանքի փլուզման հետևանքով զոհվել է հիսուներեք մարդ։
Լյուշենյուի ածխահանքը շահագործվում է «Shanxi Tongzhou Group Liushenyu Coal Industry» ընկերության կողմից։ 2024 թվականին այն ընդգրկվել է Չինաստանի ազգային հանքային անվտանգության վարչության կողմից «լուրջ անվտանգության վտանգների» համար 1128 օբյեկտների ցանկում[6]
Պայթյուն
[խմբագրել | խմբագրել կոդը]2026 թվականի մայիսի 22-ին, Չինաստանի ժամանակով (CST) ժամը 19:29-ին, Շանսի նահանգի Ցինյուան շրջանում գտնվող Լյուշենյուի ածխահանքում տեղի է ունեցել գազի պայթյուն։
«Սինհուայի» լրատվական գործակալության տվյալներով՝ մայիսի 22-ի երեկոյան տեղական իշխանություններին տեղեկացվել էր, որ հանքի ստորգետնյա ածխածնի մոնօքսիդի տվիչներից մեկը ազդանշան է տվել՝ ցույց տալով, որ գազի խտությունը գերազանցել է թույլատրելի սահմանը։
Պայթյունի պահին ստորգետնյա հատվածում աշխատել է 247 մարդ։
Զոհեր և հետևանքներ
[խմբագրել | խմբագրել կոդը]Լյուշենյուի հանքի պայթյունը Չինաստանում վերջին ավելի քան տասը տարվա ընթացքում գրանցված ամենամահաբեր հանքային աղետն էր։
Սկզբնական հաղորդագրություններում նշվել է, որ զոհվել է 8 մարդ։ Հաջորդ օրը զոհերի թիվը հասել է 90-ի, սակայն հետագայում վերանայվել է և պաշտոնապես հաստատվել 82 զոհ։
Մայիսի 23-ի ժամը 06:00-ի դրությամբ, ըստ «Սինհուայիի», առնվազն 201 մարդ տարհանվել էր, իսկ նույն օրվա ընթացքում 9 մարդ դեռ անհետ կորած էր համարվում։
Բացի այդ, 123 մարդ վիրավորվել է, որոնցից 4-ը՝ ծայրահեղ ծանր։
Մայիսի 24-ի դրությամբ դեռևս երկու մարդ համարվում էր անհետ կորած[7]։
Մայիսի 23-ին «Սինհուային» տեղեկացրել է, որ «Shanxi Tongzhou Group Liushenyu Coal Industry» ընկերության ղեկավարները ձերբակալվել են։
Փրկարարական և հետաքննական աշխատանքներ
[խմբագրել | խմբագրել կոդը]«Սինհուայիի» տվյալներով՝ Չինաստանի կոմունիստական կուսակցության գլխավոր քարտուղար Սի Ծինփինը կոչ է արել իրականացնել «լիակատար փրկարարական գործողություն» անհետ կորածների որոնման համար և ընդգծել է, որ անհրաժեշտ է անել ամեն ինչ վիրավորներին բուժելու, որոնողափրկարարական աշխատանքները գիտականորեն կազմակերպելու և աղետի հետևանքները վերացնելու համար։ Նա նաև պահանջել է մանրակրկիտ հետաքննել պայթյունի պատճառները և պատասխանատվության ենթարկել մեղավորներին օրենքի համաձայն։
Վարչապետ Լի Ցյանը նույնպես կոչ է արել ժամանակին և ճշգրիտ հրապարակել տեղեկատվությունը և խստորեն վերահսկել պատասխանատվության գործընթացը։
Չինաստանի արտակարգ իրավիճակների նախարարությունը վեց փրկարարական խմբերից 345 անձնակազմ է ուղարկել փրկարարական գործողություններին օգնելու համար։
Ցինյուան շրջանի արտակարգ իրավիճակների կառավարման բյուրոն CNN-ին հայտնել է, որ 400-ից 500 մարդուց բաղկացած խումբը իրականացնում է ստորգետնյա փրկարարական աշխատանքներ։
Պաշտոնյաները նաև հայտնել են, որ նահանգային ղեկավարները ժամանել են աղետի վայր։
Պետական լրատվամիջոցների հրապարակած կադրերում երևում էին դեպքի վայր ժամանած բուժաշխատողները և փրկարարները։ Ավելի քան 100 մարդ տեղափոխվել էր հիվանդանոց։
Ըստ Չինաստանի կենտրոնական հեռուստատեսությունի և Ցինյուան շրջանի տեղական արտակարգ իրավիճակների կառավարման մարմնի տվյալներով՝ 2026 թվականի մայիսի 23-ի դրությամբ փրկարարական աշխատանքները շարունակվում էին, իսկ պայթյունի պատճառը դեռ հետաքննվում էր։
Ծանոթագրություններ
[խմբագրել | խմբագրել կոդը]- ↑ [Ն 1]
- ↑ «North China coal mine explosion leaves 82 dead, 2 missing». Xinhua. 2026 թ․ մայիսի 23. Վերցված է 2026 թ․ մայիսի 23-ին.«At least 90 dead in China's worst coal mine disaster in over 16 years». Reuters. 2026 թ․ մայիսի 23. Վերցված է 2026 թ․ մայիսի 23-ին.
- ↑ «习近平对山西长治市沁源县一煤矿瓦斯爆炸事故作出重要指示». Chinese Communist Party News Network (Chinese (China)). 2026 թ․ մայիսի 23. Վերցված է 2026 թ․ մայիսի 23-ին.
- ↑ McCarthy, Simone; Humayun, Hira; Gu, Bo; Reck, Charlotte; Zhuang, Sylvie (2026 թ․ մայիսի 22). «China's worst coal mining blast in over a decade kills 82». CNN (անգլերեն). Արխիվացված օրիգինալից 2026 թ․ մայիսի 22-ին. Վերցված է 2026 թ․ մայիսի 23-ին.
- ↑ «Death toll jumps to at least 82 in China coal mine blast». Reuters. 2026 թ․ մայիսի 22. Վերցված է 2026 թ․ մայիսի 23-ին.
- ↑ Edmondson, Catie (2026 թ․ մայիսի 23). «Xi Calls for All-Out Rescue After Coal Mine Explosion Kills Over 80 in China». The New York Times (ամերիկյան անգլերեն). ISSN 0362-4331. Վերցված է 2026 թ․ մայիսի 23-ին.
- ↑ «Deadliest coal mine explosion in years kills at least 82 people in China, state media say». PBS News Hour (ամերիկյան անգլերեն). Associated Press. 2026 թ․ մայիսի 23. Վերցված է 2026 թ․ մայիսի 25-ին.
Արտաքին հղումներ
[խմբագրել | խմբագրել կոդը]<ref> tags exist for a group named "Ն", but no corresponding <references group="Ն"/> tag was found.