Պակ Հոն Յոն

Պակ Հոն Յոն;
Ծնվել է	մայիսի 28, 1900
Ծննդավայր	Yesan-gun, Հարավային Չունգչոնգ, Հարավային Կորեա
Մահացել է	դեկտեմբերի 18, 1955 (55 տարեկան) կամ դեկտեմբերի 15, 1956 (56 տարեկան)
Մահվան վայր	Փհենյան, ԿԺԴՀ
Քաղաքացիություն	ԿԺԴՀ, Կորեական կայսրություն և Ճապոնական կայսրություն
Կրոն	աթեիզմ
Կրթություն	Միջազգային լենինյան դպրոց և Կյունգի ավագ դպրոց
Մասնագիտություն	քաղաքական գործիչ, լրագրող, գրող և հետախույզ
Կուսակցություն	Կորեայի աշխատավորների կուսակցություն, ԽՄԿԿ և Կորեայի կոմունիստական կուսակցություն
	Pak Hon-yong Վիքիպահեստում

Պակ Հոն Յոն (կոր.՝ 박헌영, 朴憲永, մայիսի 28, 1900(1900-05-28), Yesan-gun, Հարավային Չունգչոնգ, Հարավային Կորեա - դեկտեմբերի 18, 1955(1955-12-18) կամ դեկտեմբերի 15, 1956(1956-12-15), Փհենյան, ԿԺԴՀ), կորեացի հեղափոխական, Հարավային Կորեայի Աշխատանքային կուսակցության ղեկավար, ԿԺԴՀ արտաքին գործերի առաջին նախարար։ 1955 թվականին ԿԺԴՀ-ում կուսակցական զտման ժամանակ մահապատժի է ենթարկվել։

Կենսագրություն

Կենտրոնական կոմիտեի քարտուղար Ա. Ժդանովի համար կազմված տեղեկանքում ասվում է, որ Պակ Հոն Յոնը ծնվել է 1901 թվականին, կորեական գյուղական ընտանիքում^[1]։ 1919 թվականին ավարտել է Սեուլի միջնակարգ և ավագ դպրոցները։ Մասնակցել է «Մարտի մեկի շարժմանը»^[1]։ 1920 թվականին արտագաղթել է Շանհայ։ Այնտեղ նա ստեղծել է սոցիալիզմի ուսումնասիրության խումբ^[1]։

1921 թվականին ընդունվել է Կորեայի խորհրդային կուսակցություն («Իրկուտսկի խումբ»), եղել է Կորեայի կոմունիստական կուսակցության երիտասարդության միության կենտրոնական բյուրոյի պատասխանատու քարտուղարը։ 1922 թվականին Սինյջույում ձերբակալվել է և բանտարկվել է մինչև 1924 թվականը։

Ազատ արձակվելուց հետո դարձել է «Խվայոխվեի» առաջնորդներից մեկը։ 1925 թվականի ապրիլին կորեական կոմերիտմիության առաջին համագումարի ժամանակ ընտրվել է դրա գլխավոր քարտուղար։ 1925 թվականի նոյեմբերին ձերբակալվել է, բանտում մնացել է մինչև 1927 թվականը։

1928 թվականի կնոջ հետ արտագաղթել է ԽՍՀՄ։ 1928 թվականից եղել է ԽՄԿԿ անդամ^[1]։ Այստեղ 1928-ից 1930 թվականներին սովորել է Լենինի միջազգային դպրոցում։ 1931 թվականին աշխատել է կոմունիստական ինտերնացիոնալ գործադիր կոմիտեի արևելյան քարտուղարությունում^[1]։ 1932 թվականին ուղարկվել է Շանհայ` Կորեայի կոմունիստական կուսակցության վերականգնման համար^[1]։ 1938 թվականին ձերբակալվել է^[1]։ Ազատ արձակվելուց հետո ստեղծել է «Կյոնսոն» կոմունիստական խումբը։ 1941 թվականին աշխատել է Կվանգջուի գործարանում։

1945 թվականին ակտիվ մասնակցություն է ունեցել Կորեայի կոմունիստական կուսակցության ստեղծման գործում և դարձել է դրա գլխավոր քարտուղարը։ 1948 թվականին գտնվել է Հարավային Կորեայում, եղել է ԿԺԴՀ արտաքին գործերի նախարարը։

1955 թվականին Պակ Հոն Յոնը ձերբակալվել է ԿԺԴՀ-ի անվտանգության աշխատակիցների կողմից, մեղադրվել է դավադրության և լրտեսության մեջ ի օգուտ ԱՄՆ-ի և գնդակահարվել է։ Պակ Հոն Յոնի մահապատիժը կուսակցական զտման մաս էր, որի ընթացքում «Կիմ Իր Սենի խումբը» հեռացնում էր քաղաքական ապագա մրցակիցներին^[2]։

Ծանոթագրություններ

1 2 3 4 5 6 7 Վանին Յու. Из истории становления Трудовой партии Кореи (по материалам российских архивов) // Հեռավոր Արևելքի խնդիրներ. — № 1.
↑ Ա. Լանկով, ԿԺԴՀ-ն երեկ և այսօր։ Հյուսիսային Կորեայի ոչ ֆորմալ պատմություն (Արևելք, արևմուտք), Մ. էջ 445, ISBN 5-478-00060-4։

Գրականություն

ВКП (б), Коминтерн и Корея. 1918—1941 / Федеральное арх. агентство, Российский гос. арх. социально-политической истории, Фонд японских историков; сост. Ж. Г. Адибекова, Л. А. Роговая; Отв. ред.: проф. Харуки Вада (Япония), д-р ист. наук К. К. Шириня (Россия). — М.: РОССПЭН, 2007. — 814 с. — ISBN 978-5-8243-0892-1

Արտաքին հղումներ

Պակ Խոնյոն` հայրենասեր դեմոկրատ (1901-1955)

Վիքիպահեստն ունի նյութեր, որոնք վերաբերում են «Պակ Հոն Յոն» հոդվածին։

[vanin-1] 1 2 3 4 5 6 7 Վանին Յու. Из истории становления Трудовой партии Кореи (по материалам российских архивов) // Հեռավոր Արևելքի խնդիրներ. — № 1.

[2] Ա. Լանկով, ԿԺԴՀ-ն երեկ և այսօր։ Հյուսիսային Կորեայի ոչ ֆորմալ պատմություն (Արևելք, արևմուտք), Մ. էջ 445, ISBN 5-478-00060-4։

[1]

[2]