Պալենսիայի համալսարան
Պալենսիայի համալսարան | |
|---|---|
 | |
| Տեսակ | Studium Generale?, համալսարան և նախկին էություն |
| Հիմնադրված է | 1212 |
| Լուծարված է | 1270 |
| Երկիր | Իսպանիա |
| Տեղագրություն | Պալենսիա |
Պալենսիայի համալսարան (իսպ.՝ Universidad de Palencia), Իսպանիայի առաջին համալսարանն է։ Հիմնադրվել է Ալֆոնսո VIII-ի կողմից եպիսկոպոս Տեյո Տեյես դե Մենեսեսի խնդրանքով։ Այս համալսարանի մոդելի հիման վրա է ստեղծվել Սալամանկայի համալսարանը։
Պատմություն
[խմբագրել | խմբագրել կոդը]Համալսարանը հիմնադրվել է մոտ 1212 թվականին Լաս Նավաս դը Տոլոսայի ճակատամարտում հաղթանակից հետո (հիմնադրման համար հիշատակվում է նաև 1208 թվականը), և արքան կոչ է արել Ֆրանսիայից և Իտալիայից արվեստի և գիտության տարբեր մասնագետների ներգրավել համալսարանում՝ պահպանելով բարձր աշխատավարձ։
Դոմինիկյան միաբանության հիմնադիր սուրբ Դոմինիկը Պալենսիայի համալսարանը համարել է իր մայր բուհը[1]։
Պալենսիայում ուսումնառությունը սկսեց ծաղկել։ Աչքի ընկնող նշանավոր անձանցից էին Սուրբ Խուլիան դե Կուենկան, Սուրբ Դոմինիկը, Սուրբ Պիտեր Գոնզալես Թելմոն. կիրառվում էր «En Palencia armas y ciencia» (Զենք և գիտություն Պալենսիայում) ասույթը։
1214 թվականին՝ համալսարանի հիմնադրի մահից հետո, Հենրի I-ի իշխանության թուլացումը և նրա մրցակցի զարգացմամբ Սալամանկան պատճառ հանդիսացավ Պալենսիայի անկման համար, քանի որ շատ դասախոսներ և ուսանողներ տեղափոխվեցին Սալամանկա։
1243 թվականին արքեպիսկոպոս Ռոդրիգոն արձանագրում է, որ չնայած անհանդուրժողական իրադարձություններին, ուսումնառությունը շարունակվում էր Պալենսիայում, և պապական դեսպան Խուան դե Աբևիլը Վալյադոլիդի խորհրդում 1228 թվականին ձգտում էր վերականգնել այն։ Եպիսկոպոս Ֆերնանդոն Ուրբանոս IV-ից (1263 թ. մայիսի 14-ին) ստացել էր պապական կոնդակը, որով Պալենսիայի համալսարանի դասախոսներին և ուսանողներին շնորհվում էին Փարիզի համալսարանի բոլոր արտոնությունները։
Սակայն ֆինանսական սղության պատճառով, ինչպես նաև Սալամանկայի համալսարանի բարգավաճմամբ պայմանավորված, Պալենսիայի համալսարանի վերածնունդն անհնար դարձավ, և այն փակվեց 13-րդ դարի վերջում, հավանաբար 1264 թվականին, և այդ ժամանակ համալսարանը տեղափոխվեց Վալյադոլիդ։
Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]- Web del Campus Universitario de Palencia de la Universidad de Valladolid
| ||||||
