Չիլիի բնական պատմության ազգային թանգարան

Վիքիպեդիայից՝ ազատ հանրագիտարանից
Jump to navigation Jump to search
Չիլիի բնական պատմության ազգային թանգարան
MNHN Diego Alarcon.jpg
Տեսակթանգարան
ԵրկիրFlag of Chile.svg Չիլի[1]
ՏեղագրությունQuinta Normal?[1]
Ղեկավարության նստավայրՍանտյագո, Չիլի
Հիմնադրված է1830
Կայքmnhn.cl

Չիլիի բնական պատմության ազգային թանգարան (իսպ.՝ Museo Nacional de Historia Natural or MNHN), Չիլիի երեք ազգային թանգարաններից մեկը Չիլիի գեղարվեստի և Ազգային պատմության թանգարանների հետ միասին: Գտնվում է Սանտյագոյի Կինտա նորմալ զբոսայգում:

Պատմություն[խմբագրել | խմբագրել կոդը]

Թանգարանը Հարավային Ամերիկայի ամենահին բնական պատմության թանգարաններից մեկն է: Հիմնադրվել է 1830 թվականի սեպտեմբերի 14-ին, ֆրանսիացի բնագետ Կլոդ Գեի կողմից, Չիլիի կառավարության հանձնարարությամբ: Հիմնական ուղղվածությունն է եղել Չիլիի կենսաբանությունն ու աշխարհագրությունը՝ ուշադրության կենտրոնում պահելով մշակաբույսերն և հանքային պաշարները: Թանգարանի ներկայիս շենքը կառուցվել է 1875 թվականին որպես Չիլիի միջազգային ցուցահանդեսի համար պալատ կամ տաղավար[2]:

1889 թվականին ստեղծվել են բուսաբանության, կենդանաբանության, հանքագիտության բաժինները: Ազգային թանգարան տեղեկագիրը (Boletín դել Museo Nacional) առաջին անգամ հրատարակվել է 1908 թվականին և շարունակվում է տպագրվել մինչև այսօր Բնական պատմության ազգային թանգարան (Boletín del Museo Nacional de Historia) վերնագրով:

1906 թվականի օգոստոսի և 1927 թվականի ապրիլի երկրաշարժերը վնասել են թանգարանը[3]: Ումբերտո Ֆունեսալիդա Վիլեգասը ղեկավարել է թանգարանը մինչև 1964 թվականին թանգարանի տնօրեն է դարձել Գրեյթ Մոստնին, ով թանգարանը ղեկավարել է մինչև 1982 թվական[4]:

Բաժիններ[խմբագրել | խմբագրել կոդը]

Թանգարանն ունի 5 բաժիններ՝ բուսաբանության, կենդանաբանության, միջատաբանության, մարդաբանության և հնէաբանության:

Բուսաբանության բաժինը ներառում է 1830 թվականին թվագրվող, 3700 տեսակից բաղկացած հերբարիում: Չիլիական տեսակների 90% նմուշները կարելի է տեսնել այստեղ:

Կենդանաբանության բաժնում կան տասնչորս հոլոտիպեր (holotype), հիմնականում Չիլիի ծովային և քաղցրահամ ջրերի ձկներ:

Մարդաբանության բաժնում ներկայացված է Կենտրոնական Չիլիի հնագիտությունը Ինկերի կայսրության և Չիլիի և Զատկի կղզու ժամանակակից կամ վերջերս բնաջնջված ժողովուրդների մշակութային նմուշների միջոցով: Գործառույթներից մեկն է Պլոմո մումիայի խնամքը:

Թանգարանը գտնվում է Գրադարանների, արխիվների և թանգարանների տնօրինության ներքո (DIBAM)[5], որը համարվում է Չիլիի կրթության նախարարության ստորաբաժանում[6]:

Կենտրոնական սրահը, որտեղ ներկայացված է կապույտ կետի կմախքը

Ցուցադրություններ, հավաքածուներ[խմբագրել | խմբագրել կոդը]

Թանգարանն ունի տասներկու մշտական ցուցադրություններ:

  • Չիլիի կենսաաշխարհագրություն, երկար թունելտ զբաղեցնում է առաջին հարկի գրեթե մեծ մասը
  • Ցամաքային էկոհամակարգերի ինտերակտիվ մանկական խաղեր
  • Կենտրոնական սրահի ցուցադրություն, այդ թվում կապույտ կետի 17 մետրանոց կմախք
  • Միներալներ
  • Միջատներ
  • Փափկամարմիններ
  • Մեզոզոյան դարաշրջանի ողնաշարավորներ
  • Չիլիի փայտանյութ
  • Չիլիի հնագիտություն
  • Խուան Ֆեռնանդես արշիպելագ
  • Մշակութային մարդաբանություն, ներկայացված են այմարա, մապուչե, սելկնամ, ռապունի, կավեսկար, յամանա ժողովուրդները:
  • Պղնձի օգտագործում, Codelco-ի հավաքածու

Ծանոթագրություններ[խմբագրել | խմբագրել կոդը]

  1. 1,0 1,1 Monuments database — 2017.
  2. Juan Davud Murillo Sandoval։ «DE LO NATURAL Y LO NACIONAL. REPRESENTACIONES DE LA NATURALEZA EXPLOTABLE EN LA EXPOSICIÓN INTERNACIONAL DE CHILE DE 1875» 
  3. A flyer handed out at the museum.
  4. Grete Mostny, Memorial for the victims of National Socialism, University of Vienna, Retrieved 9 November 2015
  5. «LA COLECCIÓN, Y. NOMENCLÁTOR BASADO EN. "MUSEO NACIONAL DE HISTORIA NATURAL CHILE PUBLICACIÓN OCASIONAL N 64/2015"»։ LA COLECCIÓN (Spanish)։ 2015։ Վերցված է June 2, 2017 
  6. «dibam»։ Portal dibam (Spanish)։ 2017։ Վերցված է June 4, 2017 

Արտաքին հղումներ[խմբագրել | խմբագրել կոդը]