Չժոու Սյուան
| Չժոու Սյուան | |
|---|---|
 | |
| Ծննդյան թիվ՝ | օգոստոսի 1, 1918 կամ օգոստոսի 1, 1920 |
| Ծննդավայր՝ | Չանգժոու, Ցզյանսու, Beiyang Government |
| Վախճանի թիվ՝ | սեպտեմբերի 22, 1957 |
| Վախճանի վայր՝ | Շանհայ, Չինաստան |
| Քաղաքացիություն՝ |  Չինաստանի Հանրապետություն Չինաստան |
| Մասնագիտություն՝ | երգչուհի և դերասանուհի |
| IMDb։ | ID 1152104 |
Չժոու Սյուան (չին.՝ 周璇, անգլ.՝ Zhou Xuan, Chow Hsuan, օգոստոսի 1, 1918 կամ օգոստոսի 1, 1920, Չանգժոու, Ցզյանսու, Beiyang Government - սեպտեմբերի 22, 1957, Շանհայ, Չինաստան), հանրահայտ չինացի երգչուհի և կինոդերասանուհի: 1940-ական թվականներին դարձել է «յոթ մեծագույն երգչուհիներից» մեկը[1], թերևս ամենահայտնին, քանի որ միաժամանակ նկարահանվել է կինոյում։ Իր կարիերայի ընթացքում ձայնագրել է ավելի քան 200 երգ և նկարահանվել է 40 ֆիլմերում[2]։
Վաղ տարիներ
[խմբագրել | խմբագրել կոդը]Սու Պուն (Չժոու Սյուանի ի ծնե անունը) վաղ տարիքում բաժանվել է ծնողներից և դաստիարակվել խնամատար ընտանիքում։ Ողջ կյանքում փնտրել է հարազատներին, սակայն ծագումը պարզվել է միայն մահից հետո[3]։ Ըստ հետագա ուսումնասիրությունների, նրա ազգականը, որը կախվածություն է ունեցել ափիոնից, երեք տարեկան հասակում Պուին տարել է մեկ այլ քաղաք, որտեղ նրան վաճառել է Վանգ ընտանիքին: Այնտեղ Պուն ստացել է Վան Սյաոհուն անունը։ Այնուհետև նրան որդեգրել է Չժոու ընտանիքը և ստացել է Չժոու Սյաոհուն անունը[4]։
13 տարեկանում վերցրել է Չժոու Սյուան բեմական կեղծանունը (չին.՝ 璇, «սյուան», որը նշանակում է «գեղեցիկ նեֆրիտ»)։
Գործունեություն
[խմբագրել | խմբագրել կոդը]1932 թվականին Չժոու Սյուանը սկսել է ելույթ ունենալ բեմում՝ Bright Moonlight Song and Dance թատերախմբի կազմում։ Տասնչորս տարեկան հասակում Սյուանը երկու անգամ շահել է Շանհայի երգի մրցույթի մրցանակը, և նրան սկսել են անվանել «Ոսկե ձայն» մականվամբ (չին.՝ 金嗓子)՝ բարձր նոտաներով մեղեդիներ կատարելու հեշտության համար[2]։ 1935 թվականին Չժոուն սկսել է նկարահանվել կինոյում և արագ դարձել է գրամոֆոնների դարաշրջանի ամենահայտնի և պահանջված կատարողը, պահպանել է այդ տիտղոսը մինչև իր մահը՝ կատարելով բազմաթիվ հայտնի երգեր իր ֆիլմերից։
1937 թվականին դարձել է կինոյի հանրաճանաչ աստղ՝ նկարահանվելով ռեժիսոր Յուան Մուչժիի «Փողոցային հրեշտակ» ֆիլմում։
1946-1950 թվականներին Չժոու Սյուանը հաճախ է այցելել Հոնկոնգ՝ մասնակցելու այնպիսի ֆիլմերի նկարահանումներին, ինչպիսիք են «Կլանող սերը» (չին.՝ 長相思), 花外流鶯, 清宮秘史, «Ծիածանի երգը» (չին.՝ 彩虹曲)։ 1949 թվականին հանրությանը ներկայացնելով «Շանհայի գիշերները» (չին.՝ 夜上海), Չժոուն վերադարձել է Շանհայ։ Հաջորդ մի քանի օրերին Չժոուն ընդհատումներով բուժվել է հոգեբուժական կլինիկաներում՝ տառապելով հաճախակի նյարդային խանգարումներից։ Երկար տարիներ Չժոու Սյուանի կյանքը բարդ է եղել՝ անհաջող ամուսնություն, արտամուսնական երեխաներ, ինքնասպանության փորձեր։
Չժոու Սյուան նկարահանվել է 43 ֆիլմերում, որոնցից ամենասիրելի ֆիմը «Փողոցային հրեշտակ»-ն է։ Այս ֆիլմից նրա կատարմամբ երկու երգեր Four Seasons Song (չին.՝ 四季歌) և The Wandering Songstress ունեցել են երկարատև հայտնիություն[4]։
Մահ
[խմբագրել | խմբագրել կոդը]Չժոու Սյուանը մահացել է Շանհայի հոգեբուժարանում 39 տարեկանում[5]։ Մահվան պատճառ կարող է լինել էնցեֆալիտը հերթական նյարդային խանգարումից հետո։
Չժոու Սյուանը տարբեր տղամարդկանցից ծնված երկու որդի է ունեցել՝ Չժոու Վենը[6] և Չժոու Վեյը։ Ըստ Չժոու Վենի կենսագրության՝ նրա կրտսեր խորթ եղբայր Վեյը եղել է Թան Դիի որդին (չին.՝ 唐棣), Վենի հայրը մնացել է անհայտ։
Չժոու Վեյը ներկայումս ապրում է Տորոնտոյում, երբեմն ելույթ է ունենում մետրոյում և մասնակցում է տարբեր երաժշտական նախագծերի։ Հայտնի է որպես ֆլեյտահար[7][8]։ Ունի երկու դուստր, երկուսն էլ զբաղվում են երաժշտությամբ։ Ավագը՝ Չժոու Սյաոսյուանը, դասական դաշնակահարուհի է, սովորել է Կոնկորդիա համալսարանում, ներկայումս բնակվում է Պեկինում։
Մշակութային ժառանգություն
[խմբագրել | խմբագրել կոդը]Չժոու Սյուանի կատարմամբ երգերը շարունակում են մնալ նախորդ տարիների չինական երգերի ժողովածուների պարտադիր մասը։
Չժոու Սյուանի մասին իր որդիները հրատարակել են երկու կենսագրություն․ առաջինը գրել է Չժոու Վեյը իր կնոջ Չան Ցզինի հետ համատեղ (չին.՝ 常晶)՝ «Իմ մայրը Չժոու Սյուանն է» (չին.՝我的媽媽周璇), երկրորդը գրել է Չժոու Վենը «Չժոու Սյուանի օրագիրը։
Վեճ կենսագրության վերաբերյալ
[խմբագրել | խմբագրել կոդը]Չժոու Վենի մոր կենսագրության իր տարբերակը հրապարակելուց հետո, Չժոու Վեյը նրան մեղադրել է օրագրերի և փաստաթղթերի պատճեններ կեղծելու մեջ՝ նպատակ ունենալով խեղաթյուրել Չժոու Սյուանի կերպարը։ Պարզվել է նաև, որ Չժոու Վենը մանկուց ատել է Չժոու Վեյին։ Ծնվելուց հետո Վենին որդեգրել է մեկ այլ ընտանիք, և նա ընկել է վատ ազդեցության տակ։ Արդյունքում Վեյը դարձել է Չժոու Սյուանի պաշտոնական ժառանգը՝ շրջանցելով Վենին[9]։
Հեռուստատեսություն
[խմբագրել | խմբագրել կոդը]1989 թվականին Television Broadcasts Limited-ում թողարկվել է Song Bird հեռուստասերիալը, որը պատմում է Չժոու Սյուանի և նրա սիրելիի մասին։ Դերերը համապատասխանաբար խաղացել են Նադյա Չանը և Լեոն Լայը։ Սերիալում Չժոու Սյուանի երգերը թարգմանվել են կանտոներեն և կատարվել են Չանի կողմից։ Հեռուստատեսությունում նրա հետ դուետ է երգել Լայը, իսկ ձայնագրություններում Չանի գործընկեր Դերիկ Վանը։
Չժոու Սյուանի կենսագրության Էկրանավորումը, որը գրել է Չժոու Վեյը, թողարկվել է որպես չինարենով «Չժոու Սյուան» սերիալ, որում գլխավոր դերը կատարել է Սեսիլիա Չեունը։ Չժոու Վեյը սերիալի ստեղծողներին մեղադրել է իր գիրքը սխալ մեկնաբանելու և ընտանիքի հեղինակությանը վնասելու մեջ[10]։
Ֆիլմագրություն
[խմբագրել | խմբագրել կոդը]Միջազգային անվանումը տրված է միայն վաճառքի հանված ֆիլմերի համար․ չհրապարակված ֆիլմերի համար համապատասխան դաշտը դատարկ է:
| Տարեթիվ | Հայերեն անվանում | Չինարեն անվանում | Միջազգային անվանում | Դեր | |
|---|---|---|---|---|---|
| 1935 | 花烛之夜 | 婢女宝玲 | |||
| 风云儿女 | |||||
| 美人恩 | A Beauty’s Kindness | ||||
| 狂欢之夜 | |||||
| 1936 | 化身姑娘 | A Girl Incarnate | |||
| 百宝图 | 100 Precious Pictures | ||||
| 喜临门 | |||||
| 1937 | 女财神 | Goddess of Wealth | |||
| 满园春色 | Spring is Everywhere | ||||
| 三星伴月 | Three Stars Beside the Moon | ||||
| Փողոցային Հրեշտակ | 马路天使 | Street Angel | Սյաո Հուն | ||
| 1939 | 新地狱 | A New Hell | |||
| 孟姜女 | Meng Jiangnü | ||||
| 李三娘 | Li Sanniang | ||||
| 七重天 | Seven Important Days | ||||
| 董小宛 | Dong Xiaowan | ||||
| 1940 | 孟丽君 | Meng Lijun | |||
| 苏三艳史 | The Amorous History of Su San | ||||
| 西厢记 | Tale of the West Chamber | ||||
| 黑天堂 | Dark Heaven | ||||
| 三笑 | Three Smiles | Ցյու Սյան | |||
| 1941 | 梦断关山 | Broken Dreams on Mount Guan | |||
| 解语花 | The Communicators | ||||
| 天涯歌女 | Songstress at the End of the Earth | ||||
| 夜深沉 | Darkest Night | Յուե Ժուն | |||
| 梅妃 | Concubine Mei | ||||
| 恼人春色 | Annoying Spring Scenery | ||||
| 1943 | Ձկնորսի աղջիկը | 渔家女 | Daughter of the Fisherman | ||
| 1944 | Քուն կարմիր վերնատանը | 红楼梦 | Dream of the Red Chamber | ||
| 鸾凤和鸣 | Happy Marriage | ||||
| 1945 | 凤凰于飞 | Cry of the Birds | |||
| 1946 | 各有千秋 | We Each Have Our Strong Points | |||
| 1947 | 长相思 | An All-Consuming Love | |||
| Գիշերակաց | 夜店 | Night Inn | |||
| 忆江南 | |||||
| 1948 | 歌女之歌 | Song of Songstress | |||
| Արգելված քաղաքի վիշտերը | 清宫秘史 | Sorrows of Forbidden City | Չժեն Նի | ||
| 花外流莺 | Orioles Banished from the Flowers | ||||
| 1949 | 莫负青春 | Waste Not Our Youth | |||
| 1950 | 花街 | ||||
| 1953 | 银海千秋 | ||||
| 彩虹曲 |
Ծանոթագրություններ
[խմբագրել | խմբագրել կոդը]- ↑ Baidu. «Baidu Արխիվացված 2007-03-12 Wayback Machine.» Bai Guang. Retrieved on 2007-04-28.
- ↑ 2,0 2,1 Emilie Yueh-yu Yeh Chapter 12 - China // The International Film Musical (Traditions in World Cinema) / Corey Creekmur, Linda Mokdad. — ISBN 978-0748634767
- ↑ «周璇身世越发离奇 原名苏璞竟是苏轼后人». Արխիվացված օրիգինալից 2018 թ․ հոկտեմբերի 23-ին. Վերցված է 2014 թ․ փետրվարի 22-ին.
- ↑ 4,0 4,1 «"Golden Voice" Zhou Xuan». China Radio International. 2004 թ․ մարտի 31. էջ 1. Արխիվացված է օրիգինալից 2016 թ․ մարտի 3-ին. Վերցված է 2014 թ․ փետրվարի 22-ին.
- ↑ Atkins, Taylor. Jazz Planet. — University Press of Mississippi, 2003. — ISBN 1-57806-609-3
- ↑ 周璇两儿子爆出几十年恩怨纠葛(图) Արխիվացված 2004-07-12 Wayback Machine
- ↑ 越洋连线专访周璇次子周伟：真实的周璇 (图) Արխիվացված 2012-07-17 archive.today
- ↑ «地铁王子»---周璇之子在加拿大 Արխիվացված 2012-07-13 archive.today
- ↑ Zhuo Wei (2004 թ․ հուլիսի 9). «周璇两子为何结怨半生 几十年恩怨纠葛后的秘密». netandtv.com. Արխիվացված է օրիգինալից 2005 թ․ մայիսի 25-ին.
- ↑ 张淳 (2006 թ․ մարտի 28). «张柏芝版"周璇"面目全非 周家后人三大不满». Xinhua News. Արխիվացված է օրիգինալից 2013 թ․ փետրվարի 9-ին.
 | Վիքիպահեստն ունի նյութեր, որոնք վերաբերում են «Չժոու Սյուան» հոդվածին։ |
| ||||||||||||||||
