Չերսկու լեռնաշղթա

Չերսկի լեռնաշղթա. Օրոգրաֆիա

Չերսկու լեռնաշղթա, Չերսկու շղթաներ, լեռնային համակարգ ՌԴ Յակուտիայում և Մագադանի մարզում։ Ձգվում է Յանա գետի ստորին հոսանքից մինչև Կոլիմայի վերին հոսանքը, ավելի քան 1500 կմ երկարությամբ։

Գլխավոր շղթաներն են՝ Խադարանյա (մինչև 2185 մ բարձրությամբ), Տաս Խայախտախ (2356 մ), Չեմալգինի (2547 մ), Կուրունդյա (1919 մ), Գոգդո (2272 մ), Չիբագալախի (2449 մ), Բորոնգ (2681 մ), Սիլյապի (2703 մ), Ուլախան Չիստայ (առավելագույն բարձրությունը՝ 3147 մ, Պոբեդա լեռ), Չերգե (2332 մ), Սելենյախի, Մոմի ևն։

Չերսկու լեռնաշղթայի լեռները մտնում են մեզոզոյան ծալքավորության մարզի մեջ և կազմված են պալեոզոյի դիսլոկացված մետամորֆային, կարբոնատային ապարներից, ծայրամասերում՝ մեզոզոյի ծովային ու ցամաքային նստվածքներից և գրանիտոիդային ինտրուզիաներից։ Վերջիններիս հետ են կապված ոսկու, անագի, ածխի և այլ օգտակար հանածոների հանքավայրերը։ Կլիման խիստ ցամաքային Է։ Անվանվել է ի պատիվ Ի․ Չերսկու։

Արտաքին հղումներ

Պոբեդա լեռ, Մոմսկի շրջան, Յակուտիա

Վիքիպահեստն ունի նյութեր, որոնք վերաբերում են «Չերսկու լեռնաշղթա» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 14)։