Չեխովների կրպակ (թանգարան)

Չեխովների կրպակ
Տեսակ	թանգարան
Երկիր	Ռուսաստան
Տեղագրություն	Տագանրոգ
Վայր	Ալեքսանդրի փողոց
Հասցե	ул. Александровская, д. 100, г. Таганрог, Ростовская обл., Россия
Հիմնադրվել է	1977

«Չեխովների կրպակ» (ռուս.՝ Лавка Чеховых), թանգարան Ռուսաստանի Ռոստովի մարզի Տագանրոգ քաղաքում, որը հիմնադրվել է 1975 թվականին և բացվել 1977 թվականի նոյեմբերի 3-ին։ Գտնվում է 1840-ական թվականների տանը, որը Չեխովների ընտանիքը վարձակալել է 1869-1874 թվականներին։ Մտնում է Տագանրոգի գրականության և պատմաճարտարապետական պետական թանգարան-արգելոցի կազմի մեջ։ Հասցեն` Ալեքսանդրի փողոց, 100։

Նկարագրություն

«Հաստլիկն ու նիհարը» պատմվածքի հերոսների հուշարձանը

Տունը կառուցվել է XIX դարի 40-ական թվականներին։ Չեխովների ընտանիքը այն վարձակալել է 1869-1874 թվականներին։ Անտոն Չեխովն այստեղ ապրել է 9-ից 14 տարեկանում։

Ընտանիքն ապրել է տան երկրորդ հարկում, իսկ ներքևի հարկում գտնվել է հոր նպարեղենի կրպակը։ Ըստ այդ կրպակում մարդկանց հետ հանդիպումներից ունեցած տպավորությունների Չեխովը հետագայում ստեղծել է «Վանկան», «Քնել եմ ուզում», «Իրարանցում», «Խմբերգիչները», «Եպիսկոպոսը», «Ընտանիքի հայրը», «Ծանր մարդիկ» և այլ պատմվածքներ։

Թանգարանը բացվել է 1977 թվականի նոյեմբերի 3-ին ԽՄԿԿ քաղկոմի և Տագանրոգի քաղգործկոմի 1975 թվականի հունվարի 1-ի որոշման հիման վրա։ Ցուցադրությունը ստեղծվել է Անտոն Չեխովի մանկական տարիների մասին պատմելու նպատակով։ Ներկայացված են գրողի մանկության ժամանակների կահավորանքը, նրա ընտանիքի անդամների որոշ աշխատանքներ, ինչպես նաև ընտանեկան լուսանկարներ։

2011 թվականի մայիսի 13-ին թանգարանի առջև տեղադրվել է Չեխովի «Հաստլիկն ու նիհարը» պատմվածքի հերոսների հուշարձանը։

Պատկերասրահ

• 
  Նպարեղենի խանութի մուտքը
• 
  Հուշատախտակ

Տես նաև

• Տագանրոգի քաղաքաշինություն և կենցաղ (թանգարան)
• Չեխովի տնակ
• Անտոն Չեխովի գրական թանգարան
• Իվան Վասիլենկոյի թանգարան

Արտաքին հղումներ

• Музей «Лавка Чеховых»
• История Таганрогского государственного литературного и историко-архитектурного музея-заповедника

Վիքիպահեստն ունի նյութեր, որոնք վերաբերում են «Չեխովների կրպակ (թանգարան)» հոդվածին։