Չեխական զանգված

Վիքիպեդիայից՝ ազատ հանրագիտարանից
Jump to navigation Jump to search

Չեխական զանգված, բոհեմական զանգված, լեռնազանգված նախկին Չեխոսլովակիայի արևմուտքում, Լեհաստանի, Գերմանիայի ու Ավստրիայի հետ սահմանակից շրջաններում։ Երկարությունը մոտ 600 կմ է, լայնությունը՝ մինչև 300 կմ։ Բարձրությունը՝ մինչև 1602 մ։ Շեղանկյունաձև ձգվում է արևմուտքից արևելք։ Եզրավորված է Շումավա, Չեխական անտառ, Հանքային լեռներ, Սուդետներ լեռնաշղթաներով և Չեխ-Մորավական բարձրավանդակով։ Ներքին մասն ընդարձակ իջվածք է (Չեխական գոգավորություն)։ Կազմված է գնեյսներից, բյուրեղային թերթաքարերից» քվարցիտներից, ավազաքարերից ևն։ Նեոգեն-անթրոպոգենում ենթարկվել է տեկտոնական շարժումների։ Հյուսիս-արևելք տևտոնական ճկվածքի հետ է կապված Վերին-սիլեզյան քարածխային ավազանի ձևավորումը։ Լանջերը ծածկված են խառը և ասեղնատերև անտառներով, 1400 թվական֊ից բարձր՝ ենթալպյան մարգագետիններով ու թփուտներով։ Չեխական զանգվածում են Կարլովի Վարի, Մարիանսկե Լազնե և այլ առողջավայրերը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 690 CC-BY-SA-icon-80x15.png